-
แบ่งปันความรู้และประสบการณ์
--- มีคนถ้าอ้าย วันสงกรานต์ เด้อจ้า --
เดินทางไกลไสน้ออ้าย บ่เห็นม่ายมาทวงถาม หม่องเคยยามบ่มาหา คำเคยจาบ่เห็นจ้อย
ได้ตามฮอยความคิดฮอด เอาใจจอดคอยถ้าพี่ แม่นอยู่ดีบ่น้อจ้า ไผคอยถ้าฮู้บ่น้อ
ยื่นคำรอขอถ้าอ้าย หรือหลงกายไปเป็นอื่น มีคนยืนส่งยิ้มให้ เอาใจอ้ายไปเสี่ยงไส
เดินทางไกลจนลืมหน้า แอบสั่งลาบ่บอกข่าว ไปมีสาวผู้ชิดไกล้ ย่านหลงไข้มื้อคิดนำ
ฝนตกฮำอย่าลืมบ้าน ลมหนาวผ่านอย่าลืมนา เดือนเมษาตรุษสงกรานต์ ดอกคูณบานอย่าลืมน้อง
มีคนคองคอยถ้าอ้าย เผิ่นอยากจ่ายคำอวยพร หวังคนจรสิกลับมา บอก "ลูกหล่าแม่คิดฮอด"
--- โชคดีในเทศกาลสงกรานต์ปีใหม่บ้านเฮาเด้อจ้า อย่าลืมเมือบ้านรดน้ำดำหัว ขอพรพ่อ แม่ กับขอฝ้ายผู้แขนนำแน่เด้อจ้า ---
แก้ไขครั้งสุดท้ายโดย น้องแพรจ้า; 09-04-2010 at 19:20.
-
ศึกษาหาความรู้
หล่าคำเอ๋ย.....
ตกมาถึงเดือนห้าเดือนเมษาเข้ามาผ่าน
ตรุษสงกรานต์เข้ามาพร้อมคึดเห็นน้องที่นั่งรอ
ลืมสัญญาเฮาแล้วบ้อสองเฮานอเคยเว้าว่า
อ้ายยังจำค่าหมั่นบ่มีมื้อสิห่างหาย
ใจเดียวดายในกรุงก้วงคิดนำดวงดอกใจพี่
สาวผู้ดีคอยถ่าอ้ายจดหมายน้อยเจ้าส่งมา
บ่เคยลืมดอกน้องหล่าคำสัญญาเคยตั้งต่อ
ทั้งแม่พ่อสองเฒ่าคอยเด้อเจ้าสิต่าวคืน......
-
เจ้าหน้าที่ประชาสัมพันธ์
ผุแต่งผญากะถ่าแหน่เด้อละ อิอิ สิไปขอพรนำ อิอิ
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks