ไผเด้น้อ..สิมาสร้าง เดินฮ่วมทางความฝันใฝ่
ก้าวสู่วันที่สดใส ถักทอใยฝันน้อยๆ เกาะเกี่ยวก้อยย่างคู่กัน
คนในฝันที่ว่าใช่ คนของใจที่ว่าคัก
คนที่ชื่อว่า “ที่รัก” หน้าจอหลักสลักไว้ คนที่ให้เอิ้นว่าแฟน
คนที่แม่นแฟนคนนั้น คนในฝันที่คิดต่อ
เจ้าสิฮู้อยู่บ่น้อ ว่าอ้ายรอตั้งแต่เจ้า และเทียวเฝ้าตั้งแต่เธอ
คิดฮอดเสมออยู่เด้อหล่า อยากเห็นหน้าทุกเซ้าค่ำ
อยากเว้านำจักคำสองคำ พอได้ทำให้ใจอ้าย ได้หยับย้ายออกห่างเหงา
อยากบรรยายหลายคำเว้า ความรู้สึกในใจเฮาออกมาว่า
แต่คารมคนบ้านป่า บ่อาจว่าให้หวานจ้อย ฮู้แต่ฮักเกินร้อย..พุ้นล่ะนาง...