ไก่น้อยพาลง ท่งนาหน้าแล้ง ..

[ไก่น้อย]

กลับบ้านสงกรานต์รอบนี้ มีความสุขหลายนอกจากได่พ้อญาติพี่น้อง เพื่อนฝูงที่ห่างหายกันไปดน มื้อนี้ยังได้ออกไปนอกท่ง ไปสาปลา (เขาสาเรียบร้อยแล้วหละ 555+ ) ไปฮอดกะไปนั่งกินสื่อๆ อิอิ
บรรยากาศยามแล้งบ้านขะน้อยสิเป็นตาเบิ่ง ทางบ้านพี่น้องเฮดนาปรังหลายเกือบ 70-80% แนมไปกะอดภูมิใจบ่ได้เนาะพี่น้อง ทางอื่นเพิ่นแล้งบ่มีน้ำทางบ้าน ทางบ้านขะน้อยโชคดีบ่อึดน้ำ เนื่องจากอยู่ในเขตชลประทานเขื่อนลำปาว มองออกท่งนากะดีใจนำพี่น้อง อยู่ด้วยความพอเพียง บ้านเฮากะน่าอยู่ ส่างซาจากเรืองปวดหัวทางการบ้านการเมืองได้หลายเติบยุเนาะพี่น้อง

ไปฮอดนา เขาปล่อยน้ำลงหนองแล้ว ฮ่าๆๆ กินอย่างเดียวเลยขะน้อย


หนุ่มน้อยเล่นน้ำกันอย่างสนุกสนาน ชีวิตนี้ไม่มีเรืองให้ทุกข์ใจ ตามปะสาเด็กน้อย





คุณแม่ คุณลูก (น้องสะไภ้ ขะน้อยเอง) นั่งมองทุ่งข้าวสีทอง

นางงามชมทุ่ง ฮิ้ววววว







ค่ำแล้วพาเด็กน้อยเมื่อบ้านก่อนเด้อ บาดนิ พ้อกันใหม่จ้า ขอบคุณทุกท่านที่เข้ามาให้กำลังใจกัน คือเก่าจ้า

[maxwell007]

เป็นตาออนซอนแท้หนอครับ

เซื้อซาติแฮ้งอย่าเหม็นสาบกุยกัน
เกิดเป็นคนอีสานให้ฮักแพงกันไว้
ไผเฮ็ดดีให้ซ่อยยู้ ซอยซูอย่าย่านเหลิน
ไผเฮ็ดผิดให้ซอยเว้า ไขแก้ดอกซอยกัน ซันดอกหวา

[สาวส่าเมืองอุดร]

สะออนข้าวเนาะเอื้อยไก่ เห็นแล้วก็คิดฮอดบ้านแท้ดอก เบิ่งบรรยายกาศบ้านเฮาแล้วกะดาย

[เซียงสีผีเป้า]

เอื้อยไก่น้อยครับ ฮูปสุดท้าย เบิ่งฮวงข้าวคือ มีสีขาวๆ มันลีบแม่นบ่คับ คือลีบหลาบแท้ นกจิบ นกจาบลงกินติครับ ลีบหลายปานนี้ ยามเกี่ยวสิได้หลายบ่ครับ

บ้านผมกะเฮ็ดนาปรังคือกันครับ เพราะว่า อยู่ติดกับลำน้ำพลับพลา

[bnserver]

นี่แหละครับเขาเรียกว่าทุ่งรวงทอง...สุดยอดอีหลี

[ปุ้ย]

เป็นตานอนเล่นนำห่มไม่เนาะคือสิเย็นเป็นธรรมชาติดี

[พงศ์น้อย ส กสิน]

คักแท้น้อทางเขตชลประทานเขื่อน เพิ่นโลดได้ข้าวงาม ทางบ้านผมล่ะแห้งตายเหมิด

[หนุ่มเหงาคนไกลบ้าน]

ข้าวเขียวกำลังงามน้อครับเห็นเเล้วสะออนยุบ้านยามนี้เเห้งเเล้งขนาดครับ

[แหลวแดง]

ทางกาสินคือดินดำน้ำซุ่มแท้คับ เป็นตาขี่จักรยานหอบสาดไปปูนอน อิจฉาหลาย ทางบ้านผมแล้งแห้งข่อหล่อ

[โก๋ดง]

แถวบ้านไก่น้อยมะซะงามน้อมีเข้า มีน้ำ เปงตาอิจษาอีหลี่เด้อ ข่อยยุอุดรฯ ยังบ่อค่อยเห็นปานได่ บรรยากาศแบบนิ ดีใจคนอิสานบ้านเฮามีความอุดมสมบูรณ์