คนอีสานเฮามีความเชื่อเรื่องผีบรรพบุรุษ อย่างเหนียว
แน่น เน๊าะค่ะ เฮ็ดให้มีความเชื่อเรื่องผีปู่ตา มีดอนปู่ตา เป็นภูมิปัญญาท้องถิ่นในการ
อนุรักษ์ป่าไม้อีกทางหนึ่งนำค่ะ มื่อแลงวานผู้ใหญ่บ้านประกาศว่า พ่อใหญ่กวนจ้ำจะเลี้ยง
บ้าน ให้ลูกบ้านนำเครื่องเช่นไปฝากพ่อใหญ่กวนจ้ำไปเลี้ยงปู่ต่า ไผ๋มีไก่ มีไข่ กะให้เอาไป
สมทบค่ะ น้องหลินกะเลยตื่นแต่เช้าไปหาใบหมากพร้าวมาขอดเท่ากันจำนวน คน หมู
สุนัข (หมา) เป็ด ไก่ ที่มีในบ้าน แล้วเอาไปรวมกับคนอื่น ๆ ในหมู่บ้าน เพื่อให้พ่อใหญ่
กวนจ้ำเพิ่นเอาไปเซ่นผีปู่ตา
มีข้าวเหนียว ไข่ไก่ ใบหมากพร้าวขอดหัว
ใทบ้านคนอื่น ๆ เพิ่นกะเอาของเช่นไปรวมกันบ้านพ่อใหญ่กวนจ้ำ ที่นั่งอยู่นั่นคือ
พ่อใหญ่กวนจ้ำค่ะ เพิ่นเป็นลูกหลานของคนมาตั้งบ้านคนแรก คือพ่อใหญ่ศรีสมบัติ ชารีรักษ์ แล้วเพิ่นกะเป็นพ่อใหญ่ของ
ฟ้ารุ่ง ชารีรักษ์ รองนางสาวไทย ปี 2534 นำค่ะ นั่งทางหลังหั่นบ่แม่น ภรรยาเพิ่นเด้อค่ะ เป็นลูกสาวเพิ่น -
เสียดาย มื่อนี่เป็นวันทำงาน แล้วเพิ่นกะไปเลี้ยงปู่ตา ตอนสวย ๆ น้องหลินเลยบ่มีตอนเพิ่นทำพิธีมาฝากพี่น้องบ้านมหา แต่เป็นเด็กน้อยเลี้ยงงัว
มักไปขอไข่ต้มเพิ่นมากินเรื่อยค่ะยามเพิ่นเลี้ยงปู่ตา
Bookmarks