เมื่อวานบ่าวจีดส์ลงปลาในคลองสวนได้ปลาช่อนมาตัวสองตัวก้อเลยลองเอามาหมกใส่ปลีกล้วยลองชิมเบิ่งดูพี่น้องว่าแซบบ่
คือซิเป็นผู้บ่าวผู้สาวนี่ละ..ปลาคอเด่
ได้มาแล้วก้อหั่นทำความสะอาดจั๊กหน่อย
ตำพริกแกงใส่พริก กระเทียม ตะไคร้ ใบมะกูด หัวข่า
อย่าลืมหั่นปลีกล้วยใส่นำเด้อ... อีหลีแล้วอยากใส่หน่อไม้สดแต่หาบ่ได้
เสร็จแล้วก้อนำมาคลุกใส่กันเติมแป้งข้าวเหนียวบ้านเฮาเติมน้ำจั๊กหน่อยพอจุ๊ๆ ใส่นำปลา ผงชูรส กะว่าให้แซบก้อแล้วกัน
แล้วก้อนำไปห่อใส่ใบยอ ใบตอง บ่าวจีดส์ห่อบ่งามดอกเด้อหัดห่อนะ แล้วก้อเอาไปนึ่ง
เสร็จแล้วหน้าตาก้อซิเป็นจังซี้แหละพี่น้อง แต่ก้อแซบยูเด้ บ่มีไผ๋ย้องก้อเลยย้องเจ้าของ
Bookmarks