ห่างหายการเข้าครัวไปโดนพอสมควร...ย่อนยากการยากงาน กะเลยติดนิสัยกินอาหารง่ายๆ...
วันหยุดทีกะสั่นใส่อาหารไทยแหล่วจ้าพี่น้องเอ้ยยย...คั่นบ่ได้กินเผ็ดๆกะเป็นหล่อยๆ บ่มีแฮงสู้เวียก...อิอิ
เมนูนี่ง่ายๆจ้า....
จัดการปั่นเครื่องน้ำจิ้ม(กะๆเอาเด้อจ้า)
หอมแดงสับ
พริกแห้งกระเทียมดอง+น้ำกระเทียมดอง
ซอสพริก+น้ำมันงา
คั่วงาโขลกพอแตกเตรียมไว้
เอาเครื่องที่ปั่นใส่หม้อตั้งไฟ เติมน้ำได้นิดหน่อยจ้า...ต้มจนเดือด เคี่ยวไปเรื่อยๆ
แล้วเทน้ำสุกี้แบบขวดซื้อมาใส่ลงไป...ต้มต่อไปกะให้น้ำงวดลงแหน่จักหน่อยกะพอ
ปรุงรส ให้ออกรสเค็ม หวานนิดหน่อยไว้จ้า...แล้วปิดไป...ใส่งาที่คั่ว...ตักใส่ขวดใสตู้เย็นเก็บได้เป็นเดือนจ้า....
มาเบิ่งจานที่แรก
เตรียมหั่นผักเลยจ้า...เอาเท่าที่เฮาหาได้ง่ายๆเนาะ
ผักบุ้งไทย+ต้นหอม+ต้นเซเลอลี่หั่นเป็นท่อน
ผักกาดขาว+กระหล่ำหั่นชิ้นใหญ่ๆแหน่จักหน่อย
วุ้นเส้นแช่น้ำจนนิ่ม
กุ้งสดปอกเปลือกผ่าหลังจัก4-5โต
ปูม้าสดเคิ่งโตกะพอ
ปูอัดนิดหน่อยทุกอย่างกะให้ได้จัก2จานกะพอ(กินคนเดียวเนาะ)
ไข่ไก่1ฟอง+น้ำสุกี้
เอาน้ำสุกี้ใส่กระทะจักทัพพีหนึ่ง ใส่ปู กุ้งลงไปผัด พอเริ่มสุกใส่ไข่ไก่ลงไป ยีให้กระจาย
แล้วกะใส่ผักต่างๆลงไปผัดพอเริ่มสุก...เติมน้ำสุกี้ลงไปอีก แล้วใส่วุ้นเส้นลงไปผัดๆ ปิดไฟ
ตักใส่จาน...เสริ์ฟเลยจ้า
จานนี่เฮ็ดกินมื้อนี่หละจ้า
ผักหั่นคือจานแรก แต่มีข้าวโพดอ่อน+หน่อไม้ฝรั่ง+เห็ดหอมมาเพิ่ม นอกนั่นเหมือนจานแรก
จานนี่มีกุ้ง+ปลาหมึก+ลูกชิ้นปลา
ผัดแบบเดียวกันจาน....แต่แอบเติมน้ำนิดหน่อย...เชิญแซบจ้า
เป็นอาหารจานเดียวที่เฮ็ดง่ายๆ...เพราะมีน้ำสุกี้ในตู้เย็นแล้ว...ผู้ใด๋มักเผ็ดกว่านี่กะใส่พริกป่นได้...ตามสบายเนาะ แซบๆ
Bookmarks