กำลังแสดงผล 1 ถึง 7 จากทั้งหมด 7

แกงหน่อไม้ กับ แหนมกระดูกหมูอ่อนจ้า

  1. #1

    แกงหน่อไม้ กับ แหนมกระดูกหมูอ่อนจ้า


    กระทู้นี้ขอฝากไว้ให้คึดฮอดกันแหน่เด้อจ้าพี่น้อง...ติดภาระกิจ บ่รู้ว่าสิโดนปานใด๋สิได้กลับบ้านมหา
    อาจสิมื้อ2มื้อ อาทิตย์2อาทิตย์ อาจสิเป้นเดือนกะบ่รู้ แนวแบบนี่ติ๋มเป็นคนกำหนดเองบ่ได้เนาะจ้า
    ไปร้านไทยมาอาทิตย์ที่แล้ว ได้หน่อไม้แบบหน่อน้อยๆสั้นๆมา กะเลยเอามาทุบแกง
    แกงแบบนี่ติ่มหละคึดฮอดเฒ่าแม่ เลาเคยไปหาหน่อไม้ไฟมาทุบแกงเลี้ยงมาจังใหญ่ แกงบ่หลายแต่แซบบ่เคยลืม...
    อีกอย่างต้มไข่พอเป็นยางมะตูม ปอกเปลือกใส่ถ้วย ซิดน้ำปลากาแมวดำใส่ ข้าวเหนียวฮ้อนๆจ้ำ แซบอีกหละแม่เอ้ยยย...อิอิ
    ทุกมื้อนี่ติ๋มกะยังเฮ็ดกินอยู่...แต่ใส่น้ำปลากาปลาหมึก พะนะ...5555++

    แกงหน่อไม้ กับ แหนมกระดูกหมูอ่อนจ้า

    วิธีแกงกะคือแกงหน่อไม้ทั่วๆไปหละจ้า ใส่อันนั่น ขาดอันนี่ ย่อนไกลบ้านคือเก่าหั่นหละ
    หน่อไม้ต้มให้จืด เอามาผ่าเป็นชิ้นทุบพอแตก
    ผักที่หาได้มี ต้นหอมหั่น เห็ดต่างๆ ฟักทองญี่ปุ่นหั่นชิ้น ผักขาเด็ดเอาแต่อ่อนๆ
    ตะไคร้ทุบๆ ใบมะกรูดฉีก ข่าอ่อนๆ ผู้แกงมักกินข่ากะเลยหามาใส่ พริกดิบ
    เครื่องแกง
    ตำข้าวเบือ ใส่พริกแห้ง หอมแดง กระเทียม เกลือ
    น้ำในยานาง หน่อยหลายตามชอบจ้า
    ปลาแดกปรุงรส
    เอาหน่อไม้ เห็ด ฟักทอง พริกดิบ ข่า ใบมะกรูก ตะไคร้ น้ำยานางใส่หม้อตั้งไฟ พอเดือดตักต่อนปลาแดกใส่กระชอน หย่อนลงไปในหม้อ
    คนๆให้เหลือแต่ก้างแล้วยกกระซอนออก...แล้วใส่เครื่องแกงที่ตำไว้ หมั่นคนเด้อบาดทีหนี่ ลดไฟนำแหน่ไหม้ก้นหม้อใด๋ ข้าวเบือหั่น
    พอสุกกะชิมเบิ่ง...ใส่ต้นหอม ผักขาปิดไฟ....เสียดายบ่มีผักอิตู่ใส่เนาะ...ครบทุกอย่างหลายกะบ่แม่นไกลบ้านหละจ้า...

    แกงหน่อไม้ กับ แหนมกระดูกหมูอ่อนจ้า

    กับแกล้ม สำหรับผู้มักดื่ม ติ๋มกินเป็นกับข้าวหนี่หละ พอแล้วแลงอยู่
    กระดูกหมูสับเป็นชิ้น ล้างน้ำถิ่มไว้ให้สะเด็ดน้ำ
    เอาหมูใส่ชาม ใส่เกลือ ข้าว กระเทียมตำ...นวดจนเข้ากัน ใส่ถุงมัดปากแน่นๆถิ่มไว้2-3มื้อ
    แกะออกจากถุง พยายามขูดข้าวออก ยามทอดซังข้าวไหม้จนดำ หมูยังบ่สุก เอางาขาว งาดำใส่ลงไปแทน
    นำไปทอดน้ำมันฮ้อนๆ ไฟปานกลาง คั่นใกล้สุก จังเปิดไฟให้ฮ้อนๆ แล้วตักหมูออกซับน้ำมัน
    จัดใส่จาน...ไสหละสปายแดง อิอิอิ บ่ดอกกินกับข้าวเหนียวจ้า
    เชิญแซบจ้าพี่น้อง....อีกบ่โดนคึดว่า จังพ้อกันใหม่....
    แก้ไขครั้งสุดท้ายโดย ติ๋ม เปอร์โย; 29-04-2010 at 14:18.


  2. #2
    แบ่งปันความรู้และประสบการณ์ สัญลักษณ์ของ ลูกสาวพ่อแล
    วันที่สมัคร
    Feb 2010
    ที่อยู่
    เดนมาร์ก
    กระทู้
    109
    บล็อก
    20
    เป็นตาแซบน้อจ้าติ๋ม เป็นใดน้อจ้าไปทางใดจ้า

  3. #3
    แบ่งปันความรู้และประสบการณ์ สัญลักษณ์ของ อ้ายเขียว
    วันที่สมัคร
    Jan 2010
    กระทู้
    513
    ขอจักถ้วยแนครับ.....กำลังอยากเข่าพอดีเลย

  4. #4
    แบ่งปันความรู้และประสบการณ์ สัญลักษณ์ของ cute
    วันที่สมัคร
    Feb 2009
    ที่อยู่
    ป่าคอนกรีต
    กระทู้
    455
    น่ากินจัง...ท่าทางจะแซบอีกหลี

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    แซบทุกเมนูนั้นละที่น้องติ๋มเฮ็ด// หมายเหตุ เป็นกําลังใจในการทํางาน กําลังใจมีให้เสมอตลอดไปและไม่เปลี่ยนแปลง

  6. #6
    แบ่งปันความรู้และประสบการณ์ สัญลักษณ์ของ anna
    วันที่สมัคร
    Jun 2008
    กระทู้
    132
    เห็นแล้วกะหิวจ้าเอื้อยติ๋ม คือว่าละน้อเอื้อย คนไกลบ้าน
    แกงอีหยังบ่มีกะไส่อย่างอื่นแทน แอนนาแกงอ่อมบ่มี บวบ
    กะไส่บวบซุคคินีแทน แซบบบบบบบบบ 5555
    หาบวบบ้านทำยายากส์จ้า ใบแมงลักบ่มี กะใส่ใบโพระพาโอ๊ยยยย แซบบบบ

  7. #7
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    น่ากิน จังเลย เป็นตาแซบจ้า


Tags for this Thread