..หมากเม็ก..ไผ๋บ่เคยเห็น....

[เขมราฐ]

มื่อนี่น้องหลินตื่นแต่เช้าค่ะ ไปฮอดที่ทำงานก่อนหมู่ ตั้งแต่มาอยู่หม่องนี่เกือบปีแล้ว

เลยลองหย่างสำรวจ บริเวณรอบ ๆ สำนักงาน มีหลายอย่างที่บ่ได้เห็นดนเติบแล้ว

บ่คึดว่าสิได้มาเห็นอยู่ริมรั้วที่ทำงาน หรือว่าที่ทำงานอยู่ชนบทคักโพดบ้อ...

จั่งมีต้นไม้พวกนี่









เบี้ยผักเม็ก มื่อแลงน้องหลินจะมาจัดการโซ่นไปปลูกไว้บ้าน
ยอดผักเม็ก และหมากเม็ก ค่ะ



ผักกระโดนโคกต้นนี้บ่ฝาดปานได๋ค่ะ (รุ่นพี่เพิ่นc06:)



ผักติ้ว.. ช่วงนี้ดอกผักติ้วหล่น ป่งใบใหม่ แต่กะเริ่มแก่แหน่แล้วล่ะค่ะ



สุดท้ายเครือไส้ตัน บางพื้นที่บอกว่ากินได้นำค่ะ แต่ยังเด็กน้อยแม่ใหญ่น้องหลิน

พาไปตัดมาเฮ็ดหลอด ใส่ด้ายต่ำหุก :l-

[พล พระยาแล]

สิไปลักซ่นไปหยังน้อบาดเนี่ย จองไว้แล้วเด้อ ไผลักไม้ไปไสแล้วล่ะ

[๛หนุ่มบ้านไกล๛]

ป้าดดดดด ที่ทำงาน จะแม่นอุดมสมบูรณ์แท้น้อ คับ อิอิ อยากไปอยู่เด้ บ่คือที่ทำงานผมแหม เหลียวไปหม่องได๋ กะมีแต่ ไม้ประดับซะส่วนใหญ่ เหอๆ

[อ้ายเขียว]

หาเลาะแต่เซ้าเนาะสาวหลินเจ้า........

[ไผ่หวาน]

ยอดใส้ตันกินกับปลาแดกบองแซบ (กินเล่น ๆ เป็นเหมี่ยงค่ะ)

[ฝนหลวง]

น้องหลิน หมากเม็กนะเขากินจังได๋ เคยเห็นยุต้นแล้วกะนวยแบบนี่แต่บ่อเคยกิน
แม่นกินอิหยังมันกินนวย กินดอก หรือกินใบมัน แถวระเหวบ่อเห็นมีคนกินละ
หรือมันต้นคล้ายกันซือ แต่บ่อแม่นต้นหมากเม็ก

[กะทิสด]

...มีบักเล็บแมว...บักหลอมคอม...บักเงี่ยงปลาดุก....บักผิผ่วน...บักค้อ....บักเค็ง......นำบ้อ
.....ทางนี่มีตะ..บักหามน่อย.....อิอิ อิอิ ...

[บ่าวจีดส์]

ป้าด.ด.ด.ด ..มะคือทางขึ้นโคกบ้านผมแท้ ยางเลาะแตเซ้าละครับดี สวยแล้วซิบ่ทันผู้อื่น

[กะเม็งสะเร็น]

หมากเม็ก กับผักติ้ว(ลาว อิสานไต้มักเอิ้น) มันอันเดียวกันบ่ครับ ขอผู้ฮู้ชี้แจงแหน่
ที่เขามักเอามาต้ม นำตอกกะเจียว สิออกส้มๆแหน่น่ะครับ

[๛หนุ่มบ้านไกล๛]

หยิ๊นอ บอง กะเมงสะเร็น ผักเม็ก กับ ผักติ้ว มันคนละอย่างกันตัวะ แต่รสชาด เปรี้ยวๆ คล้าย ๆ กันแต่กลิ่นจะต่างกัน (แม่นบ่น๊อ)

ผักเม็ก - สมั๊จ (เขียนไงหว่า ภาษาเขมร)
ผักติ้ว - จู ละเงียง

ผักเม็กเอามากิน กับลาบค้าบบ ผักติ้ว เอาไว้ใส่แกงเห็ด

อิอิอิ