ดวงมาลาคู่บ้าน หอมกิ่นโซยไกย ยูในใจของเฮียม ตั้งแต่เญาญังน้อย
คอยเบิ่งตามเคียมฮั้ว มาลาบานงามสง่า ดวงจำปาบ้านข่อย หอมกั้วกิ่นบ่วาย
จำปาลาวเป็นดอกไม้ คงคุณค่ามหาสาร จูมจอบานเฮาเก็บ ไว้แต่งขันบูซาไท้
ยามสงกานต์นำมาเอ้ เหน็บแซมหูปักไส สาวฮ้อยเป็นมาลัย ค้องคอซายผู้ฮูปโก้ ผู้หมายซ้อนคู่กัน
แม่นว่า..เฮียมได่พัดพากบ้าน ตกมายูแดนไกก้อจิงแล้ว เห็นจำปายามใดฮ่ำคนึงถึงบ้าน
หัวใจบานบ่มีเส่า เหงาในใจก้อหายซวง
ยืนลับสายลมลวง ดวงจำปาส่งกิ่นกั้ว ได่หัวยิ้มซืนใจ
แต่วา..คิดขึ้นมาผัดดูฮ้าย พาใจฮ่ำฮอนวิตก กกจำปาจำนวนหลาย ส่งข้ามไทยเป็นสินค้า
เอิ้นวาเลลาวดีต้น ปวงซนไทยเขาเปลี่ยนซือ คิดไปหลายผัดแฮงคือ การทำลายฮากเหง้าไห้เขาโค้นล้มทลาย
ย้อนจำปาเป็นดอกไม้ ประจำซาตของลาวเฮา จำปาขาวหรือแดง เป็นที่แพงสงวนห้าม
ผู้ใดทำการค้า ขุดไปขายถอนฮาก หรือถากถางก่นกู้ ทำลายถิ่มแม่นบ่ควร..แท้ใด๋
คนลาว..จงได่คิดถี่ถ้วน ความหมายซาตนี่เหลือหลาย เกิดยูในดินจำปา จงฮักษาถนอมไว้
ไห้มาลาควนบ้าน เฮืองบานสะพรั้งหง่า ไห้จำปาเมืองล้านซ้าง ญังมีแนวเอกอ้าง จำปานั้นเป็นคู่เมือง..ทานเอย
ลิขสิทธิ์บน YouTube Credit By : https://www.youtube.com/watch?v=gSvco9Uxj6Y&feature=related
เป็นคำผญาแบบลาว เห็นวาม่วนดีกะเลยนำมาไห้พี่น้องอ่านเบิ่งค่ะ บ่มีเจตนาล่วงละเมิดแต่ประการใดค่ะ
อ้างข้อความนี้
Bookmarks