บันทึกการเดินทางจากหนองผือถึงบ้านเปือย..

[เขมราฐ]

แลงวันศุกร์ที่ 30 เมษายน หลังจากส่ง พี่น้อง สตง.กลับ น้องหลินกะฟ้าวแล่นขึ้นรถมุ่งสู่

อ.เมือง ตามนัดหมาย การเดินทางที่แสนหฤโหด ยืนแต่อำนาจฮอดอุบลฯกั๊ก เกือบ

ฮอดอุบลฯ กริ๊งกร๊างหาพี่แจง (ธิดายาเย็น) พี่แจงบอกว่ากำลัง กิน MK อยู่บิ๊กซี โป๊ะเซ๊..

พี่ติ๊กบอกว่าให้ไปถ่าอยู่บิ๊กซีพอดี... ไปฮอดพี่แจงกิน MK แล้วพอดีเลยจัดการชวน

(แกมบังคับ) ให้ไปกินไอติมนำกัน ระหว่างรอพี่ติ๊กมารับ :l- บ่ยอมอ้วนคนเดียวดอกค่ะ



นั่งกินไอติมโสเหร่สารทุกข์สุขดิบ กันคราวหนึ่งพี่ติ๊กกะมาพอดี ได้นั่งคุยกันคราวหนึ่ง

กะบอกว่าฟ้าวไป ๆ อิพ่อรออยู่ลานจอดรถ เอ้า..ฟ้าวกะฟ้าว



จากนั้นพี่ติ๊กกะพานั่งรถมุ่งสู่บ้านเปือย ตามเส้นทางอุบลฯ ห้วยขยุง ป้ายเปือย

หิวข้าวเด้.... น้องหลินคิดในใจ พอถึงหมู่บ้านเปือย เห็นบั้งไฟที่ใทบ้านเพิ่น

เตรียมจะแห่มื่ออื่น อยู่ตะล่างเฮือน แล้วรู้สึกตื่นเต้นย่อนว่าน้องหลินบ่เคยเที่ยวบุญบั้งไฟ

จักเทื่อ... มาฮอดบ้านพี่ติ๊ก เห็นน้อง ๆ วัยรุ่นเอาปิ๊บ ผูกใส่ท้ายมอเตอร์ไซด์แก่เลาะบ้าน

งง... พี่ติ๊กบอกว่าคะเจ้าเริ่มเล่นแล้ว เขากะเล่นกันแบบนี่ล่ะ โอ๊ะโอ๋...

เป็นตาม่วนแท้ ฟ้าวบอก "พี่ติ๊กกินข้าวแล้วพาหลินไปลากปิ๊บแบบนี่แหน่เด้อ"

แต่ว่าก่อนอื่น เฮ็ดแนวกินข้าวก่อนดอก ป่นเห็ดนี่ล่ะ ของแซ่บสุด ๆ



ตำไปตำมากระเด็นเข้าตาจ้อย ฟ้าวหาน้ำล้างกะบ่ทัน



ตำเองเผ็ดเอง จนแสบท้องเลยค่ะ

หมดช่วงแรกจั่งสิมาต่อช่วง 2 ค่ะ อิอิ

[บ่าวห้วยละโอง]

อยากไปเที่ยวบุญบั้งไฟนำเด้ คือสิม่วนน้อ หย่าวหน้าฐานนำแหน่ เบิ่งคนเล่นเข้ตม

[ธิดายาเย็น]

ไปบ่ทันป่นเห็ดน้องหลิน..อิ่มไอติม(แกมบังคับ) อิอิ...

[พล พระยาแล]

อยากมาเป็นเขยทางอุบล สิมีวาสนาบ่น้อ อยากกินป่นเห็ดซั่นดอก

ไสล่ะบั้งไฟแมะหล่า อิอิ

[pui.lab]

ตำพริกฟ่งใส่ตาติ้น้องหลิน อิ อิ

แหมอ้ายพล อยากเป็นเขยทางอุบล ยังมีโอกาสติ้อ้าย
หญิงปุ้ยก็อยากเป็นใภ้อุบลคงบ่มีวาสนา เป็นได้แต่ขวัญใจไทอุบลพะนะ ก๊ากกกก กั๊กๆๆ

[maxwell007]

ไอติมยุ mk bigc อุบลเป็นตาแซบเนาะยังบ่เคยยุ ลองไปซิมเบิงก่อนหนา รสซาดสิคือหม่องอื่นบ่

[sompoi]

รูปคือน้อยแท่ะน้องหลิน ถ่าเบิ่งภาคสองเด้อนาง เป็นปลื้มอกปลื้มใจเนาะ ได่ไปเที่ยวบ้านพี่น้องแม่ะ คึดพ้อตอนไก่น้อยมายามซั่นดอกหว๋า

[ต่วง]

เป็นตาแซบเนาะน้องหลินป่นเห็ด เข่าเหนียวคุ้ยฮ้อน ๆ เว้ามาแล้วน้ำลายไหล

[สาวทองแพง]

:l- นางแบบทางอุบลเดินสายคักน้อจ้าช่วงนี้ คิคิ
ให้แพงจ้ำนำแนะจ้าป่นเห็ด บ่ได้กินนานล่ะ ตำแนวได๋ให้ฟ่งเข้าตาจ้า

[บ่าวจัย]

คือบ่เอิ้นอ้ายพล ไปเตะปิ๊บแน น้องหลิน โอ๊ะลากปี๊บซั่นดอก ฟ้าวแฮงเว่าผิดฮ่าๆๆๆๆเป็นตะม่วนน้อ