---- ยืมหน้ามาคิดฮอด ----

[บ่าวโจ่โล่]

เอามนต์หยังมาสั่งอ้าย หลงตาลายหัวใจสั่น ไปลักฝันพลันหลอยปลื้ม จนยืมหน้ามาคิดถึง

ดอกรำพึงต้นได๋แท้ เป็นก้านแหย่ซูนหัวใจ เกิดหวั่นไหวในแววตา ให้ห่วงหาพาหลงเพ้อ

บ่เสนอหยังนำเจ้า บ่กล้าเอาคำได๋ว่า คนด้อยค่าหน้าขี้ฮ้าย กะอายแท้แม้ทักทาย

ยิ้มส่งกายแน่เด้อหล่า ถิ่มหางตาพอยิ้มไส่ ส่วนทางใจสิหยอกเล่น กะเป็นปลื้มได้ตื่มแฮง

บ่เบิ่งแยงกะตามเจ้า เศษส่วนเงาความไหวหวั่น แล่นตำกันจนหลงเฝ้อ ละเมอบ้างกะซ่างตาม

สาวคนงามข้ามจากฟ้า เทวดาบ้อปั้นแต่ง หยิบศรแทงหัวใจอ้าย สิตายทิ่มกะแม่นยอม คนงามเอย

[Radio]http://www.file2go.com/mrun.php?me=214s1[/Radio]

เพลงประกอบ : ไผ่ พงษ์ธร : ยืมหน้ามาเข้าฝัน
ภาพประกอบ : น้องโยโก
ถ่ายโดย : ธวัฒน์ชัย พิชิตรณชัย

[คนตระการ...]

อ่านยามได๋กะยังคมคือเก่าผญาอ้ายโจโล่นี่.....

.ยืมหน้ามาเข้าสิง...555

[khonsurin]

เข้ามาอ่านค่ะ ถูกใจคักเลยจ้า....

สาวเพิ่นกะหน้าหว้านหวานโน๊ะ.....

[สาวมุก]

เป็นหยังน้อ..บ่าวโจ่โล่ เอ้ย คือมารำพึงรำพันแท้มื่อนิ..อ่านเบิ่งธรรมะบทนี่แนเป็นหยัง..
..วะตะ อะยัง กาโย อะจิรัง อะเปตะวิญญาโณ ฉุฑโฑ อะธิเสสสะติ ปะฐะวิง กะลิงคะรัง อิวะ นิรัตถัง..
แปลว่า..ควรทีจะสังเวช ร่างกายนี้ มิได้ตั้งอยู่นาน ครั้นปราศจากวิญญาน อันเขาทิ้งเสียแล้ว จักนอนทับซึ่งแผ่นดิน ประดุจดั่งว่า ท่อนไม้และท่อนฟืน หาประโยชน์อันใด มิได้เลย...

[พ่อบักเบนซ์]

อ่านยามได๋กะยังคมคือเก่าผญาอ้ายโจโล่นี่.....

.ยืมหน้ามาเข้าสิง...555

55555555555555+ ไปยืมหน้าไผ๋ละครับอ้ายเอ๋ 55555 c06:

[บุรุษไร้ใจ]

ครับ......คืออยู่ครับ..มีผู้สาวงามๆ..ยิ้มกะหวานๆๆ..แบบนี้

เป็นตาเก็บมาคิดฮอด....แถม..แฮงๆๆๆให้อีก

คิดฮอดกะไปหา...ถ้าบ่อไป..เขียนใบมอบอำนาจมา..ผมชิไปแทนดอก..

[สายลม]

ยืมหน้าคะเจ้าไปแล้วสินอนหลับอิ่มบ่น้อจ้าอ้าย
จะบ่คาตะฝันหมดคืนบ่หน้อจ้า

[๛หนุ่มบ้านไกล๛]

บ่ฮักบ่ว่า เจ้าดอกคำแพง...เว้านำพออ้ายมีแฮง อย่าแห้งหลายเด้อน้ำใจ...


.....ขอยืมหน้ามาเข้าฝัน...แค่นั้นก็เป็นบุญใจ...

กินใจหลายคับ เพลงนี้....

[กะแยงนา]

สาวคนงามข้ามจากฟ้า เทวดาบ้อปั้นแต่ง เพิ่นปั้นมากับมือยุจ้าแต่พอตอนเพิ่นโยนลงมาในท้องอีแม่เพิ่นเฮ็ดหลุดมือก่อน มันเลยเบี้ยวไปหน่อย อิอิ...