กำลังแสดงผล 1 ถึง 10 จากทั้งหมด 12

หัวข้อ: "คิดถึงคนที่ไม่ได้ไปหา"

Threaded View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    598

    เศร้าซึม "คิดถึงคนที่ไม่ได้ไปหา"

    มื่อนึ่งบ่าวมีโอกาสได้ไปย่างตลาดนัด เจอร้านหนังสือมื้อสอง...แว๊บนึ่งที่สายตาเหลือบไปเห็นหนังสือเล่มนึ่ง
    ที่หน้าปกเขียนว่า “คิดถึงคนที่ไม่ได้ไปหา” บ่าวหยุดยืนเบิ่งยุพักนึ่งแต่กะบ่ได้หยิบขึ้นมาอ่านดอก….
    แต่แปลก..ที่ความรู้สึกตอนนั่น คิดฮอด คนๆ นึ่งขึ้นมาทันที่ .....2 ปีเต็มๆ ที่บ่าวบ่เคยได้เจอหน้าคะเจ้าเลย
    ด้วยเหตุผลที่ว่า “เฮาเลิกกันแล้ว” 3 ปีเต็มๆ ที่บ่าวคบกับคะเจ้า มันเฮ็ดให้บ่าวเข้าใกล้คำว่า “เจ้าบ่าว”ที่สุด
    แต่.....ที่สุดอิหลีคือไปบ่รอด ตลอดเวลา 2 ปี ที่บ่าวยุลำพังผุเดี่ยวบ่าวพยายามคิด...คิดว่ามันเกิดอิหยังขึ้น
    ระหว่างเฮา...หลายที่ที่บ่าวไป หลายเรื่องราว หลายเหตุการณ์ที่บ่าวพ้อ บางทีมันกะเฮ็ดให้บ่าวคิดฮอดคะเจ้า
    คิดฮอดยามไปไส มาไสนำกัน คิดฮอดยามล้างรถ ยามกินข้าวนำกัน ...แต่สุดท้ายความคิดฮอดกะบ่มีที่ไป
    ……..มามื่อนี่รู้โตแล้วว่าตะของบ่ดี ช่วงเวลาที่มีคะเจ้าอยู่บ่เคยใส่ใจ บ่เคยให้ความสำคัญ กินเหล้าเมามาย
    คิดเห็นน้ำตาคะเจ้ามื่อนั่นแล้ว มื่อนี่น้ำตาบ่าวสิไหล...บ่าวรู้ว่ามันบ่มีประโยชน์หยังที่จะบอกว่า “ขอโทษ”
    ตอนนี่เฮ็ดได้แค่ ขอให้คะเจ้าได้เจอคนที่ดีกว่าบ่าว รู้ยุว่าคะเจ้ายังบ่มีไผ๋ แต่บ่าวกะบ่กล้ากลับไปอีกแล้ว...
    ขั่น...เป็นไปได้ที่คะเจ้าจะรับรู้ บ่าวอยากบอกว่า บ่าวยังฮัก ยังห่วง ยังคิดฮอด.....คิดฮอด....ทุกคืน........................
    .......บ่รู้ว่าคนเขียนหนังสือเล่มนี้ จะรู้สึกคือบ่าวรู้สึกตอนนี่รึป่าว............................?

    "....เว้าพื้นเหงา...เหงาหลาย...ไทบ้านเอ๋ย
    จั๊กสิเอ่ย...บอกผุใด๋...ว่าใจเหงา
    ยุหอพัก...ม่องนี้...กะมีแต่เฮา
    คิดฮอดเขา...เหมิ่ดหัวใจ...แต่เว้าไปบ่ได้
    กะย้อนว่า...ตะของบ่ดี...เขาหนีจร
    ฮอดยามนอน...คิดฮอดหลาย...จนสิไห้
    มาฮู่โต...อีกที...กะบ่มีไผ
    อยากโทรไป...แต่บ่กล้า...ฮู้ว่าตะของบ่ดี......"
    แก้ไขครั้งสุดท้ายโดย บ่าวกบินทร์; 08-05-2010 at 02:46.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •