กำลังแสดงผล 1 ถึง 5 จากทั้งหมด 5

ผู้ชายธรรมดา..คนหนึ่งเท่านั้น

  1. #1

    ผู้ชายธรรมดา..คนหนึ่งเท่านั้น

    จมกับใจที่มันฮ้าง ย่อนพะนางบ่แคร์กัน
    ทุกทุกวันมาคอยเหน็บ เอาความเจ็บใส่ใจอ้าย
    ทุบหัวใจให้มันร้าว ด้วยเรื่องเก่าเอามาเปรย
    มาเอื้อนเอ่ยแต่ความหลัง เคียดสูนซังเป็นหยังแท้
    เว้าบ่แคร์หัวใจอ้าย ร้าวดนหลายกะสิแหลก
    รักเลยแตกออกดั่งแก้ว ที่ร้าวแล้วถ่ามุ่นพัง
    หวังอิหยังน้อ..คักแท้ อ้ายกะแค่ปุถุชน
    อ้ายกะคนธรรมดา บ่ทันละกิเลสได้
    คันบ่แม่นคนที่ใช่ เชิญหาใหม่ให้สมปอง
    ถึงอ้ายหมองในมโน กะสิโสดอกทนกลั้น
    สาวย่างผ่านนั้นเด้อหล่า แค่สายตาอ้ายแนมเบิ่ง
    บ่ทันเถิงหว่างเจ้าคิด โปรดใช้วิจารณญาณบ้าง
    แนวคนย่างทางฮ่วมเส้น กะจำเป็นได้เห็นเพิ่น
    ย่อนบังเอิญซ้ำดอกเจ้า อย่าสุเว้าอ้ายคักหลาย
    แต่..คันบ่อยากให้อ้าย แนมเบิ่งไผสิขอบอก
    ควักตาอ้ายออกเป็นหยัง ให้สมดั่งหัวใจเจ้า
    สิได้เซาเห็นตัวะหล่า บ่มีตาให้เหลียวส่อง
    ความงามไผบ่ได้มอง แต่..ขอน้องมองให้ซอด ว่าคนตาบอดเจ้ามักบ๊อ...นางเอย..



    ฮ่าๆๆๆๆๆ พอดีฟังเพลงเพลงหนึ่ง แล้วคิดขำๆ สั่นดอกเด้อพี่น้อง เอาม่วนครับ ฮ่าๆๆๆๆ

  2. #2
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    อืมมมมมมมมมม

    อ่านแล้วไม่เข้าใจ แหะ แหะ

    ขอ sub thai แน บี

  3. #3
    คือเว้าได้ดีแท้อ้าย..จกตาออกโลดว่าติ555555+

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    บุยๆๆๆๆๆๆอ้ายเฮาแหมะ.................

  5. #5
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    อ้ายเอ่ย..ปุถุชนคนเฮานั้น สิ่งสำคัญหากแม่นอื่น
    คั่นมีจิตรยึดหมั่น สัมพันธ์นั้นแม่นบ่คอน
    แม่นสายตาบอดมืด กะมืดแต่ภายนอก..ดอกหนา
    ขอแต่เพียงภายในใสแจ้ง แงงแล้วไห้ซองเห็น..ซั่นแหล่วอ้ายเอ้ย