คนหลอยฮักมักหลอยซึ้ง หลอยคิดถึงมื้อล่ะหน่อย
หลอยมอบใจให้กับเจ้า กับหลอยเว้าว่า ..“ฮักเด้อ”
อยู่ในใจเสมอเด้อน้องหล่า ทุกเวลายังคือเก่า
เป็นเพราะเฮาพ้อกันซ้า มาเห็นหน้าบาดเมื่อสาย
คิดฮอดหลายได้อดไว้ เก็บลงในจินตนาการ
สานสัมพันธ์กันทางใจ แต่ว่ากายให้ห่างเว้น
กะตื่นเต้นดีเด่ะหล่า ยามสบตามโนแนบ
กะเทิ่งแอบหลอยห่วงใย หลอยส่งใจคิดถึงเจ้า
แต่สองเฮาอย่าสะล้ำ ล่วงศีลธรรมตามหน้าที่
ภาระมีต้องสืบสร้าง ในวันว่างจั่งคิดถึง
ขออย่างหนึ่งได้บ่หล่า อย่าสุป๋าจากเขาเด้อ
ให้คุณเธอคอยเทคแคร์ ดูแลเขาให้ดีด้วย
แล้วมาช่วยห้ามใจไว้ อย่าสุให้ถลำแล่น
ถึงเป็นแฟนกันบ่ได้ เป็นแค่..คนฮู้ใจ..กะได้ดอก เนาะนางเอย..
แต่งตามอารมณ์...ตามประสา บ่มีเจตนาเป็นอย่างอื่น ขอรับกระผม..
Bookmarks