ตกมาปีอธิกมาส แสงแดดสาด สายลมหวี่
ลมมาสีวอยๆ เป็นอาการแบบนี้ ฝนสิแล้งว่าแน่นอน
ออนซอนเสียงแมงง่วง หว่อนๆ ฮ้องตอนหัวค่ำอยู่ปลายนา
คือจั่งจำนรรจาบอกเป็นลางให้เตรียมพร้อม
กาเวางอยคอนฮ้อง ว่ากาเวาเว้าหน่ำๆ
ตะวันลงลับไม้ เรไรจ้อแจ่มใส
ไผผู้ตกกล้าไว้แต่หัวปีคิดให้ถี่
แปดสองหนในปีนี้ย้านเป็นหนี้ตื่มตาม
ข้าวและน้ำบ่อค่อยห่อนสิสมบูรณ์
โตผู้มีแต่นาดอนแหงนคอแนมแต่เทิงฟ้า
บุญบั้งไฟกะบุญแล้วฝนบ่อมาขี้ดินไหง่
แห่นางแมวโบราณพาเฮ็ดไว้ไทบ้านกะแห่แหน
ฟ้ากะยังแปนปานหัวล้านทรมานใจผู้คึดต่อ
เฮ็ดนาขายข้าวแล้วปีนี่เก็บรวมไว้เป็นค่าดอง
ความหวังมาขัดขาดข้องคนที่จองเป็นลายต่าง
ข่าวว่านางนาถน้องปันใจให้ผู้อื่นไป
มีคนไกลมาคุยเจ้าเขาทั้งรวยและรูปหล่อ
คนชาวนาผู้จั่งอ้ายเอาหยังนั้นไปสู้เขา
อ้ายเข้าใจเจ้าอยู่ดอกหล่าความฮักเฮากินบ่ออิ่ม
แค่ความฮักกินบ่อได้ไปสาน้องอ้ายบ่อฝืน
เขาผู้คนเพรียบพร้อมดูแลนางได้ดีกว่า
กะส่างหัวอ้ายเถาะ พอทำใจยอมรับได้ ไปสาน้องอย่าห่วงหลัง
Bookmarks