ลาบปลาบ้านอ้ายต่วง

[บ่าวจัย]

และมื้อนี้กะได้หยุดอีกแล้ว(วันพืชมงคล)บ่าวจัย อยู่บ้านบ่เป็นหาหม่องไปอีกครับ
โทรหาอ้ายต่วงเพราะว่าเคยคุยกันไว้ ว่าสิไปเล่นบ้านเพิ่นซั่นดอก ว่างพอดีบาดนี้กะหาเพื่อนร่วมเส้นทางนำจักคนเนาะครับ
อ้ายดุล (บ่าวยางตลาด)ผู้จัดการปั้มน้ำมันบ่ฮ้างเด้ออันนี้ของแท้เด้ฮ่าๆๆๆๆๆๆๆ

มาฮอดอ้ายต่วงกะถามเอาหยังเฮ็ดเหยือมันหึจัย อ้ายดุลกะถามว่ามันบ่แตกติจัย สว.สองคนนี้มีตะแนวข้องใจแท้ นึกใจใจดอกหว่าฮ่าๆๆๆๆบ่กล้าว่าเพิ่นดอก

ระยะเวลาที่ผมเอาเบ็ดลงน้ำ(บ่คือเอาควายลงน้ำดอก)ทางหนึ่งเพิ่นกะหาหม่องกรน กรนแล้ววววววววววววคร๊อกกกกกกกกกกฟี้ๆๆๆๆๆๆๆๆๆๆ

หลังจากที่อ้ายต่วงเพิ่นนั่งรอปลามากินเบ็ดเลากะบ่อยู่ซื่อๆ
จัยน้องหาแนวมากล่อมประสาทจักขวดแนเป็นหยังพะน่ะ( จัย) จัดไปอย่าให้เสีย(เงิน)นำเด้ออ้ายฮ่าๆๆๆๆๆ
ไปแล้วพุ้นออกรถไปแล้วเห็นแต่ฝุ่นไงกรุ๊บทีบ

กลับมาพร้อมลูกสาวรึว่าหลานสาวหึอ้ายต่วงผมจำบ่ได้ฮ่าๆๆๆๆๆๆๆ
ติดมือมาแล้วแนวกล่อมประสาทขวดนี้จำได้กล่องดำๆแนวมัก55555

และนี้คือบริเวณที่อ้ายดุลเลามาประกาศว่าคือเขตของเลา นอนครางยุข้างซุ้ม

หลังจากที่นั่งเบิ่งเขาเอาปลาขึ้นมาหลายๆต่อหลายโตแล้ว
บาดนี้กะถึงทีของเราบ้างแล้ว เข้ามาแล้วครับโตหนึ่ง เป็นปลายี่สก โตขนาดพอดีคำอิอิอิ

ลืมบอกเวลาที่้เฮาไปฮอดบ่อเวลากะเที่ยงพอดี หลังจากที่ได้โตแรกมา
กะบ่มีเข้ามาอีกเลยจนเวลาล่วงเลยมาเกือบสี่โมงแลงจั่งสิมีมาอีกโต
สงสัยเป็นเพราะว่าน้องแนนไปปล่อยปลาโตแรกไปแน่เลย เพราะว่าหลังจากโตนั่นหลุดไปแล้วเข้าแบบต้องนั่งเฝ้าข้างคันเบ็ดเลยครับ

ยี่สกตามเคย สงสัยบ่อนี้สิมีแต่ยี่สกอย่างเดียวซะแล้วๆๆๆๆๆๆ

เอ้าาาาาาาาาาาอ้ายต่วงถ่ายภาพน้องคือหัวหายแบบนี้อ้ายฮ่าๆๆๆๆๆๆ
เข้าอีกแล้วครับ ตอนนี้บ่าจัยได้มือตักปลาน้องใหม่ครับ น้องแนน นั่นเอง
หลังจากที่ปล่อยปลาไปแล้วบาดนี้กะมาตั้งอกตั้งใจเก็บแต้มใส่กะซังคืนซั่นแหล่ว

[บ่าวจัย]

โตนี้มีสู้ แฮงดีขนาดเลยต้องโตใหญ่แน่เลยครับ มื้อตักกะเตรียมพร้อม

[บ่าวจัย]

B]มาแล้วน้องแนนตักลูกหล่า อิพ่อต่วงทำหน้าที่ถ่ายทำ อ้ายดุลหน้าที่นอนฮ่าๆๆๆๆๆๆ[/B]

ปลดปลาแป๊บเดียวลงเบ็ดไว้อีกบ่ทันได้นั่งเลยปลาดึงเบ็ดแล่นอีกแล้วพี่น้องๆๆๆ

บาดนี้เป็นปลานิลครับ ขนาดพอดีคำอีกแล้วฮ่าๆๆๆๆๆๆ

โตแล้วโตเล่า ตอนนี้ได้มาสีี่โตแล้ว อ้ายดุลบอกว่าบ่ทันได้พอเอาอีก
สิเอาไปฝากเด็กน้อยยุปั้มพะน่ะ อิจฉาเด็กปั้มเด้เนาะได้หัวหน้าดีปานนี้รักตายเลยฮิฮิฮิ

ได้อีกแล้วน้องแนน มือตักกะเตรียมพร้อมแล่นหาสวิงไวบ่คร้านเนาะครับ
มื้อหน้าสิเอิ้นไปนำอีกยุดอก ได้ย้อนปานนี้ฮ่าๆๆๆๆๆๆๆๆไคกวาผุนอนจ่มยุเนาะไผหึอ้ายดุลฮ่าๆๆๆๆๆ

นั่นๆมีดีดดิ้นซะน้อ ต้มซะน้อปลาโตนี้แหมะ

ตักๆน้องแนนตักๆผมบอกหลาน ระวังหัวสักลงน้ำเด้อพะน่ะ มือกล้องเพิ่นฮ้องมา

กว่าสิเข้าฝั่งได้เล่นยุด่นเติบโตนี้ ซงใหย่กว่าหมุ่ยุครับ

[บ่าวจัย]

ขึ้นมาแล้วครับ น้องแนนลากขึ้นมาแล้ว ยี่สกโตเขื่องเลย

แป๊บเดียวหมอนี้กะตามมา ฝนหลวง คนรูปหล่อ พ่อน้องเดียร์บักพ่อฮ้างใหญ่.....

มาฮอดกะมาโชว์ผลงานเลย ตอนกำลังยกปลายุนั่นเสียงรอกดังขึ้นมาพอดี
เร็วปานปอบหมอนิ จับคันเบ็ดได้ตวัดควับๆๆๆๆๆๆๆๆเสียงรอกดังแกร๊กกกกกกกกกกกก
มันบ่ปิดหน้ารอกฮ่าๆๆๆๆๆๆๆๆๆมาฮอดกะหมา นโลดเนาะ

เบิ่งลีลาเพิ่นเอาโลดครับ อนาคตรุ่งแน่นอน ไปไกลแน่ครับ

มันสู้ครับพี่น้อง ลากเข้ามาฝน ลากเข้ามา

ขึ้นมาแล้วครับ เอ้าาาาาาาาาได้โตใหญ่กว่าหมู่เลยตั่วะล่ะหมอนิคือคือ

โตนี้เป็นโตสุดท้าย พอแล้วครับเมือบ้านไปหาเฮ็ดแนวกินก่อนเนาะครับ
ได้เวลาแล้ว กลับมาฮอดบ้านอ้ายต่วงแล้วโชว์ผลงานอีกจักภาพแนเนาะครับ

ตามมากินไกลน้อหมอนี้แหมะฮ่าๆๆๆๆๆๆ

ตัดภาพมาตอนที่มันเป็นต้มเลยเนาะครับ มาเด้อกินนำกันพี่น้อง

หึเป็นหยังละฝน สำลักน้ำต้มปลาติฮ่าๆๆๆๆๆๆๆๆๆๆๆ

มื้อนี้ได้ปลายี่สกมาเฮ็ดลาบ หัวกับก้างที่เลาะเอาเนื้อไปลาบแล้วส่วนที่เหลือ
เอามาต้มซดน้ำเนาะครับ บ่มีแนวถิ่มจักอันดอกหามายากปานนี้

และมีอีกอย่าง ยำไข่ปลาข้างเดียว ไข่ปลาข้างเดียว
พิมพ์บ่ผิดและท่านกะอ่านบ่ผิดดอกครับ
ข้างเดียวอิหลี ข้างหนึ่งเอาไปต้มซั่นดอกหว่าๆๆๆๆๆๆๆๆๆ

นี้คือโฉมหน้าผุก่อการแซบในมื้อนี้ครับ กุ๊กใหญ่ แนวกินแซบอิหลีครับ

ลากันด้วยภาพแนวกินแซบๆภาพนี้เนาะครับ โอกาศหน้าฟ้าใหม่สิเอามาให้เบิ่งอีกครับ ตอนนี้ไปหาแนวมากินเที่ยงก่อนครับ

ขอบคุณสำหรับพื้นที่บ้านมหาดอทคอม อ้ายบ่าวคนเดิมท่เฮ็ดให้มีเว๊ปนี้ครับ

[บ่าวห้วยละโอง]

น้านนนนนนน ว่ายุถ่ารับโทรศัพท์ละเงียบนี่หลอยไปคักน้อไปบ่บอกคาวหน้า ปลาลากลงน้ำแหน่แม้ คนนอนหลับนั่น

[ฝนหลวง]

เอาอีกเด้อคับ แซบขนาด สมหายากยุคับลาบปลากะแซบ ใข่ปลาข้างเดียวกะแซบ ต้อมแฮงแซบคับ

รับรองได้ว่าต้องมีอีกแท้ๆคับปลาบ่อนี้กับบ้านอ้ายต่วงคับแต่สิไปกินเอาโลดดอกบาดนิอิอิ

[maxwell007]

เป็นตาแซบหลายเนาะครับ ปลากะโตบาดใหญ่ ทั้งต้มทั้งลาบ โอ้ยยยยน้ำลายสิไหล

[พ่อบักเบนซ์]

ไปกันสามสี่คนคักน้อ................ท่านผู้จัดการคือนอน ขี้โพ้ก่างแบบนั้นน้อจ้า อิอิ
ท่านอนเพิ่นแม๋ 5555555555555+
ไปเล่นนำกันตะบาดได๋นอ เป็นตะม่วนน้อครับผม...

[คนตระการ...]

หมอนี่กะไปตั๊วนี่...

สร้างภาพคัก อิอิ...

[ธิดายาเย็น]

เป็นตะม่วนเนาะจ้า..ทั้งม่วน ทั้งอิ่ม..ปลากะมีแต่โตใหญ่ๆ