หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    การเขียนกลอนแบบ อิสาน อีกแบบเรียกว่า "ทบเอก หรือ เทียมเอก "
    ลักษณะการเขียน มีสระคั่นกลาง 1 คำ และอยู่ตอนปลายวรรค จะเป็นการก่ายด้วยเสียง " โทนค ู่"

    ตัวอย่างจากตำรา

    อันว่าภูธรท้าว ทรงกระสันอกสั่น สรรพะควงดอกไม้คงซ้างป่าซาง
    พระก็พานางขึ้นเขางอนเมืองง่อน ตามไต่ก้อนผาล้านส่ำฮาน
    คอยไปหน้าดงหนายาวย่าน สองก็อุ้มออ่นน้อยพาผ่ายเพิงผาย
    หอมควงไม้ทรงสะออนอกออ่น สัพพะพิชโภชน์พร้อมในด้าวดั่งดาว
    ภูธรท้าวเหลียวคอยเดินค่อย น้อยหนึ่งม้มดงส้านป่าสาน

    ทดลองแต่งขึ้นใหม่ จึงจำเป็นต้องขอคำแนะนำ จากผู้รู้ด้วย หากผิดพลาดประการได ก็ช่วยแนะนำด้วยเด้อ

    เห็นแสงยาวจากฟ้า เบิ่งสีสันใจสั่น อัศจรรย์แท้ ๆ ได้แวเลี้ยวส่องเหลียว
    ทั้งสีเขียวเหลืองพร้อม ยามฝนซาคนซ่า ว่างามรุ้งกินน้ำ ซ่างโงโค้งคดโคง
    ลมวอย ๆ ยามบ่ายคล้อย ใจลอยใจล่อง คิดฮอดเจ้าอยู่ล่องค้อง ซ่างมาข้องเจ้าของ
    ฝนกะซาลมดึงฟ้า ให้แสงคำค้อยค่ำ แสงมืดดำมิดขอบฟ้า คือนางหล่าสั่งลา

    คันแม่นเจ้าเห็นรุ้ง ให้น้องจ้อใจจ่อ เจ้าสิได้พบพ้อ คือมองอ้ายอย่าอาย
    หากไกลกันทางกั้น บ่มีวันไหวหวั่น ใจยังพันเกี่ยวฟั้น แลงเซ้าบ่เซา
    คันหากแม่นว่าเจ้า ได้เซาหวงเซาห่วง คือแสงสรวงล่วงจากฟ้าให้แสงจ้าค่อยจาง
    คันแม่นฝนสั่งฟ้า คือนางลาหน้าหล่า เหมิดปัญญาเอิ้นเจ้า ได้เถิงหม่องหม่นหมอง.....ซั่นแหลว

    ............................... อ่านแล้วเป็นจั่งได๋ กะซ่อยพิจารณานำแน่เด้อครับ .......................................................



  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855

    Re: วรรณกรรมอิสาน เอิ้นว่า "ทบเอก หรือ เทียมเอก" จักถืกหรือบ่ ขอคำแนะนำผู้รู้แน่ครับ

    สุดยอดวรรณกรรมอิสาน...ผมคือสิเกิดบ่อทัน...บ่าวโจ่โล่โซ้ยโลดเด้อ...

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: วรรณกรรมอิสาน เอิ้นว่า "ทบเอก หรือ เทียมเอก" จักถืกหรือบ่ ขอคำแนะนำผู้รู้แน่ครับ

    ผมกะลองเขียนเบิ่ง จั่งซั่นหล่ะครับ ผมกะเกิดบ่ทันคือกัน ลองเบิ่งจากโตอย่างไปจั่งซั่นหล่ะครับ

    ............................... ลมพัดต้อง สนองกายหนาวสั่น
    จักเหมันต์ ผันเข้ามาแท้จั่งได๋
    มะหนาวใจหลายเด่ หนาวกายเด้ ทนได้อยู่
    ได้นอนขดคี่คู้ ผ้านวมตุ้มกะค่อยเซา
    บัดว่าหนาวใจเข้า สิเอาไผมาซ้อนคู่
    สินอนขดคือจั่งงู สินอนฮูคือจั่งแย้
    บ่มีมื้อซิซ่วงเซา....... .แท้ ๆ แหลว.....................................

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: วรรณกรรมอิสาน เอิ้นว่า "ทบเอก หรือ เทียมเอก" จักถืกหรือบ่ ขอคำแนะนำผู้รู้แน่



    ขอเชิญชวนกวีเอก มาเขียนนำเว้าน่ำ...........เป็นสำนวนอิสานค้ำ ให้มาแม้เบิ่งแล
    มามาแม้ให้ซ่อยแลเหลียวแหล่....................เป็นคำก่ายแท้ แท้ บ่มีเพี้ยนซ่อยเพียร
    ซ่อยมาเรียนมาร่ำ ซ่อยกันจำเว้าน่ำ.............อนุรักษ์ไว้ซ้ำ เป็นกลอนเค้าหมู่เฮา
    เป็นกลอนของผู้เฒ่า กวีเฮาของเก่า.............คองอิสานฮีตเค้า พากันเว้าเบิ่งเอา
    อันกลอนแปดแต่เค้า ของคนไทยเว้าไส่........เป็นกลอนเปล่ากะได้ เขียนไว้อ่านไว
    เป็นจั่งได๋นอท่าน ผมได้แต่งกลอนแปง........มีโตอย่างแสดง ให้ซ่อยแยงทางแจ้ง
    ผมแสดงเอาไว้ เป็นจั่งได๋เขียนไส่................ผมกะขอฝากไว้ อย่าไลเพี้ยนซ่อยเขียน

    เทียมเอก ลงท้ายด้วยคำพ้อง หรือ สระ หรือ พยัญชนะ พ้องเสียงกะได้เด้อครับ แต่ว่ามีโตคั่นกลางระหว่างคำสองคำ ลงท้าย


  5. #5
    บ่าวสายฟ้า
    Guest

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    คักๆ

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    @ ศรีมาขอกล่าวแก้กลอนกลั่นนำกัน อัศจรรย์คำผญาโจ่โล่จาความแจ้ง
    ยอแถลงบทซ้อนสนองกลอนโต้กาพย์ พอให้ทราบแจบแจ้งแสดงไว้ยกวาง
    บ่ออวดอ้างว่าเกินเก่งเห็งกลาย อธิบายพอเห็นไล่เล็นพอเห็นพื้น
    หากมันฝืนบทบ้างทีให้ซี้ห่อม ยอมฮับฮองกล่าวต้าน พระคุณท่านโปรดว่าไป ฯฯฯ

  7. #7
    kitti101
    Guest

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    เหิงเห็นไม้หลเวล้มเลี่ยนฮ่อมเขาฮอม ภูธรลัดเลียบพนองนำน้อง

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    งึดพวกเซียนเพิ่นคือกันล่ะค่ะ..อ่านเพลินดีตั้วล่ะแนวนิกะดาย..มาตื่มแต่แต้มอย่างเดียว.. คือสิต้องหัดอิกดนอยู่ดอก..ทรงยากคัก.

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    บาบ่าวท้าว บาบ่าวบาคาน บาคาซายบ่าวบคานท้าว
    เอาตนเข้าภูผาแสนย้าน ยกย่างย้ายเดินดั้นป่าหนา
    เมฆาข้อนซอนกันใหลเลื่อน ขึ้นโคกข้อยคนิงน้องอยู่ใกล
    ลัดป่าไม้ดงใหญ่ไพหนา กาเวาวอนอ่านคอนหาคู่
    อดทนสู้บุกบันดั้นฮอด ลอดพุ้มไม้เคลือข้องว่างขา
    คิดเห็นหน้าสาวนางคอยอยู่ คิดฮอดซู้กระสันต์เศร้าอยู่เดียว
    เถาวัลย์เกี้ยวพันกันกั้นว้าง ทางแฮ่งเหยิ้นเดินด้าวด่วนพลัน ท่อนั้น แหล่ว

    อันนี้ลองมั่วเบิ่งซื่อ ๆ ดอกเด้อท่านผู้รู้ทั้งหลายผิดพลาดประการใด๋โปรดอภัยในนี้ด้วย

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    Re: วรรณกรรมอิสาน "ทบเอก หรือ เทียมเอก" ลองเขียนกวีนิพนธ์อิสาน นำกันเด้อครับ

    ให้กำลังใจเด้อจารย์ ลองดุๆ คือสิเก่งอยู่ดอกเนาะ..อิอิ..


Tags for this Thread