แนวกินยามหยุดหลายมื้อ และอยู่คนเดียวนำจ้า ...อิอิอิ
ช่วงนี้หยุดหลายมื้อติดต่อกัน อ้ายพลบักหล่ากลับชัยภูมิ เด็กน้อยบ่กลับนำจ้า เฝ้าบ้าน...อิอิอิ จ้า อาหารการกินกะกินมื้ออดมื้อ มาม่าเป็นหลัก จนหน้าสิเป็นเส้นแล้วจ้า ฮ่า ๆๆๆๆ กะว่าสิบ่กินดอกจ้า เพราะวันหยุดการงานกะบ่ได้เฮ็ดแต่มันกะหิวกะเลยเฮ็ดกินปะทังความหิวจ้า ฮ่า ๆๆๆๆๆๆๆ
หลังจากเบื่อมาม่า กะมีเส้นหมี่เหลืออยู่กะเอามาผัด บ่มีอีหยังใส่เลยจ้า ผัดหมี่เพรี้ยว กะเลยโรยด้วยเครื่องปรุงที่อ้ายหล่าเพิ่นส่งมาให้ ใส่ลงไปจ้า กินแบบนี้เช้ากับเที่ยงจ้า ฮ่า ๆๆๆ แซบจ้า
ตอนแลงกะกินผัดหมี่กับส้มตำจ้า
พอกินส้มตำเผ็ดแล้วกะหาแนวกินแก้เผ็ดจ้า ได้ข้าวแห้งทอดจ้า อิอิอิ โรยน้ำตาล พอเหลือกะมากินเช้านี้นำจ้า
ส่วนแลงนี้ไปตลาดทางรถไฟมาจ้า กะได้ บักนัด เงาะ หมู ไข่ ซำนี้ล่ะจ้า มื้อแลงกะสิกิน บักนัดล่ะจ้า ฮ่า ๆๆๆๆๆๆ ง่ายดีจ้า
Bookmarks