มื้อนี้แนะนำเมนูอาหารชั้นต่ำ..ป่นจิโป่ม

[มั่วหน่าฮ่าน]

หลังจากออกพรรษาแล้ว..อากาศช่วงนี้กะเริ่มเย็นลง ย่างเข้าต้นหนาว..ผุสาวอาบน้ำแต่หัวค่ำ (อิอิ เกี่ยวกันหม่องได๋)

ฮอดยามแลงมากะหนวกหู..หนหวย...เสียงจิโป่มฮ้องอยู่หลังบ้าน (ปีกมันเสียดสีกันจนเกิดเสียง)
จุดตะเกียงได้ไปพร้อมกับเสียม..สอดส่องสายตาหาเจ้าของเสียง...

นี่หล่ะครับผลงานที่มาอาหารชั้นต่ำ..เพราะต้องขุดเอา..พระเอกของรายการ...เหงื่อย้อยย่อนอยู่ดอกครับ


คั่วพริกกับหัวหอมแล้วกะตำๆ และตำ


ตำแล้วกะตำอีก..ปรุงรสตามใจปาก อยากรสหยังกะใส่โลดจนกว่ามันสิแซบ


นี่หล่ะครับหน้าตา..บ่โสภาแต่ว่าอร่อย...แซบ พะนะ


เขียดครับ..เขียด ไปจับข้างป่าอ้อยแต่หลายมื้อแล้ว ย่านมันเน่าเลยเอามาเป็นโตประกอบ..อิอิ


ทอดซั่นแหล่ว..ทอดเขียดไชโย


ทอดเขียดกรอบๆ..หอมๆ...ขาชี้ป่างหง่าง


เมนูเด็ดปิดท้ายครับ..ตำหมากหุ่งนรกแตก..เผ็ดโสตาย


ทุกอย่า่งเสร็จสมอารมณ์หมาย..มาเด้อพี่น้องมานั่งเบิ่งข่อยกินข้าวแลง เอิ๊กๆ


ปล. บรรยากาศมืดๆแหน่จักหน่อยเด้อครับ..ไฟฟ้ายังบ่เข้าบ้าน อิอิ

[Boom69]

ป๊าดดดดดดดดดดดดด
ชั้นสูงเลยหล่ะอ้าย...เป็นแซ่บแท้หน้ออ้าย

[ธิดายาเย็น]

โอ้..สุดยอดของอาหารบ้านเฮาเลยจ้า..ให้กินนำแนใกล้เที่ยงแล้ว..หิวๆๆๆๆ

[นู๋น้อย]

มาขอตำหมากหุงเด้อจ้า แนวอื่นบ่ถนัด หุหุ เขียดทอด

[ไก่น้อย]

ป้าดดดด เมนูเจ้าคือคักแทะอ้ายมั่ว ไปหาหลอยเล่นสาวทางได่น่อนิ ไต้จิโป่มไปนำ ฮ่าๆๆๆ ..ขอตำหมากหุ่ง กะทอดเขียดทอดเด้อจ้า ป่นจิโป่มส่งให้พี่ติ๋มสะ แนวเลามัก 55

[หนึ่ง]

พักเที่ยงแล่ว ...กินนำแน่เด้อจ้า...ฮู้ยยเทิงเผ็ดเทิงแซ่บ...:b-b:b-b

[kitty]

น้ำลายไหลๆๆๆๆๆๆๆๆๆๆๆ
บุยยยยยยยยย นี่หล่ะครับผลงานที่มาอาหารชั้นต่ำ..เพราะต้องขุดเอา..

[pui.lab]

บรรยากาศมืดๆ ไฟฟ้ายังบ่เข้าบ้านพะนะ
ขอตำบักหุงเด้อปุ้ย จิโป่มส่งไปน้องติ๋มแบบไก่น้อยจ้า 555555

[สาวทองแพง]

:l- ป้าดด เมนูแมะจ้า ตำส้มใส่บักกอกตะแซบหลายจ้า
ทอดเขียนกะตะแซบ ป่นจิโป่ม ส้มผักพร้อม อ๋อยสะมาหิวข้าวแฮงแท้น้อบาดนี้จ้า

[sa_ngamk9]

สะออน เด้ ....เป็นตาแซบคัก...