กำลังแสดงผล 1 ถึง 3 จากทั้งหมด 3

อยากมีใครสักคน..แทนคำว่า "เหงา"

  1. #1

    อยากมีใครสักคน..แทนคำว่า "เหงา"

    เมื่อฟ้ากลายเป็นสีหม่น เมื่อหน้าฝนวนถามข่าว
    แสงเดือนดาวกะหลบหน้า เหลือเพียงฟ้าฮ้องฮ่ำฮอน
    แสงสุรีย์ที่เคยฮ้อน เมฆาป่อนปิดบังบด
    สายฝนฮดลงฮำ ความฉ่ำเย็นเข้าแทนที่
    ดวงฤดีที่เคยเศร้า ย่อนความเหงามาเข้าอยู่
    กะยังคู่ความอ้างว้าง คนเคียงข้างนั้นแม่นเงา
    อยากมีไผ๋สักคนเข้า มาแทนเหงาสักคนหนึ่ง
    คอยคิดถึงมื้อละหน่อย และคอยเว้าว่าฮักกัน
    โปรดประทานแน่เถาะฟ้า ส่งลงมาจักคนแน่
    พอได้แชร์ตำแหน่งว่าง พอได้อ้างตำแหน่งแฟน
    อยากสิแม่นไผ๋คนนั้น คนสำคัญในใจเพิ่น
    ยามห่างเหินได้ห่วงหา ยามห่างตาได้คิดพ้อ
    มีบ่น้อไผ๋คนนั้น เกิดมาเพื่อกันสักคนหนึ่ง
    คนบอกรักและคิดถึง สบตาซึ้งตรึงใจอ้าย แล้วปักป้ายเอิ้นว่า.."แฟน"

  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    น้องกะเหงาคือกันละอ้ายแต่กะต้องอดทน สู้ๆๆๆๆเฮาอ้ายบี

  3. #3
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616
    แวะมาอ่านความรู้สึกของผู้บ่าวเหงาๆ
    เว้าออกมาเป็นผญาส่งหาผู้สาวได่ฮับฟัง
    กำลังคิดฮอดไผ๋หล่ะอ้ายบอกกลายๆสาวทางได๋น่อ
    แม่นไผ๋น้อได่พบผ้อสาวคนนั่น อั่นฮ้องบอกเพิ่นแนเด้อ.....พี่น้องเอ้ย


    ปล. ถ่าสาวกะสินพ้อเพิ่นสิบอกเพิ่นให้ดอกเด้อบ่าวก๋าคามเอ้ย เอ่อๆๆ ว่าแต่เพิ่นเป็นผู้จังได๋หล่ะฮึอ้าย