...ไปงมหอยกาบกี้กันจ้า...

**ใบไม้สีชมพู** · 28-05-2010, 15:11

หลังจากที่เอื้อยลงฝักบัวอยู่หนองให้แล้ว เอื้อยเลากะใจดี พาเลาะงมหอยกาบกี้ต่อ ได้อาหารว่างแล้ว ทันได้แนวกินแลง เลาว่า ว่าแล้วก็พาใบไม้กับหลานอีกสองคน ย่างลงห้วยจ้า ใบไม้หิ้วกะต่าไปสองหน่วย เอื้อยก็ว่า "มันสิบ่ดับแนวบ่อีหล่า เอาไปหน่วยเดียวกะพอมั้ง" แต่ว่าใบไม้ก็เอาไปสองอยู่ดีจ้า เผื่อพ้อหน่อไม้กลางทาง คริๆ ถึงแล้วจ้า ที่เกิดเหตุ วางกะต่าลงซะก่อน มันหนัก สิถ่ายรูปแล้วทีนี้

ถึงบ่องแล้วเอื้อยเลาก็โตนจุ๊ดลงห้วยซ้ำ ใบไม้กะนั่งซอมอยู่ตะฝั่ง แนมหาหน่อไม้ถ่าจ้า

บักหล่าก็ลงไปซอยงม เอื้อยงมหาหอยกาบกี้ บักหล่าก็หาหอยเชอรี่ว่าซั่น ใบไม้ก็ทำหน้าที่นั่งเฝ้ากะต่า ย่านหอยเสีย

มาหาหอยคราวนี้ เสียเปรียบเอื้อยจ้า ย่อนเลาล่อใบไม้ลงน้ำ บอกว่าน้ำบ่ลึกดอก ข้ามห้วยมาโลด พอลงไปน้ำท่วมหัวพู้นแล้ว สิว่ายน้ำกะบ่ได้ ย่อนย่านกล้องเปียก "โอ๊ย เนาะ ย่านกล่องพังหลายกว่าย่านตาย" เอื้อยเลาแซวมา

นี่ค่ะ ผลงานของคุณหลาน

ส่วนนี้ผลงานของเอื้อยเพิ่นจ้า ใบไม้บ่มีผลงานแต่ว่ากะได้กินนำเพิ่นอยู่จ้า ^_^ เอามาผัดพริกเผาคือหอยลาย แซบเป็นตาหน่ายจ้า คอนเฟิร์ม

**sompoi** · 28-05-2010, 15:36

ผัดหอยลายเผ็ดๆจักจานเนาะน้องหล้า .. ข้าวสวยฮ่อนๆ.. น่านน บิ้วจะของอีกแล้ว..คิคิ

**เพ็นนี** · 28-05-2010, 15:42

เคยไปงมยุจ้า ตอนเป็นสาวซ่ำน้อย ไปงมยุลำชี
งมมาแล้วกะใส่ปี๊ปต้ม เฮ็ดน้ำจิ้มแซบๆๆ...

ปล. บ่ได้ตั้งใจไปงมดอกจ้า หนีโรงเรียนไปโตนน้ำ
กลับมาบ้านย้ายถึกยายตีกะเลยมีแนวกินติดมือมา

**ใบไม้สีชมพู** · 28-05-2010, 15:47

เอื้อยมิกซ์ แซบอยู่จ้า ใส่พริกเผาตำเอง ใบโหระพาหอมๆ บ่ค่อยหินหอยท่อได๋จ้า กินน้ำผัดหอย แซบขนาด หิวข้าวเนาะเอื้อยเนาะ

เพ็นนี นาติดห้วยติดหนอง ลักไปเล่นน้ำดู๋ขนาดเลยจ้าตอนน้อยๆ เกือบจมน้ำกะหลายเทือจ้า