คือเจ้าท่อนั้น

[GROOPPY]

บ่มีสังแล้วบ่มีแนวสิคึดต่อ จิตกะอยู่พี้ ใจกะอยู่พี้ ไปพุ้นแต่ห่างกาย ส่านแล้ว นางเอ้ย

ใจประะสงค์แล้วเมืองแกวกะดั้นฮอด ใจประสงหน่วยแก้วในถ้ำสิก่นหา ใจประสงค์ไม้จั่งได้แบกขวานมาหา ใจประสงค์ต่อปลา จั่งได้แบกแหมาพ้อม ใจประสงค์ต่อน้อง จั่งได้ ขี่อิบากมาหานิแหล่ว นางเอ้ย

ขันติตั้ง สัจจังหมั่นเที่ยง บ่ได้คิดเบี่ยงเลี้ยง ลวงล่อหลอกไผ ปานได๋สิได้ จูงแขนเข้าพาขวัญ ป้อนไข่หน่วย มือขวาป้อนไข่อ้าย มือซ้ายป้อนไข่นาง ส่านแล่ว นางเอ๊ย
:l- เอาส่ำนี่ละเนาะครับ หัวตะหัด บ่ทันเว้าเป็นนำเพิ่น ครับ อิอิ :l-

[เต็มใจให้เธอ]

ฮ่าๆๆๆ บ่าวเอ็ม เจ้ากำลังมักสาวแม่นบ่นิ
อย่ามาถามเด้ออ้ายเต็มว่าตี๊ คารมณ์คักปานนี้สิแม่นหยัง ถ้าบ่แม่นมักสาวเนาะ 5555

ม่วนๆๆ โอ๊ยสะออนเด้

[กะแยงนา]

จูงแขนเข้าพาขวัญ ป้อนไข่หน่วย มือขวาป้อนไข่อ้าย มือซ้ายป้อนไข่นาง ส่านแล่ว นางเอ๊ย ขอเป็นไข่นกกระจอกเทศน์ เด้อจ้าสิได้ฮักกันหมั่นแก่น ..หนักส่อยกันหาบหยาบซ่อยกันดึง ไข่ไก่สิบ่มีแฮงดึงจ้า ....

[มั่วหน่าฮ่าน]

อ้าว...ฮิ้ววววว...ว่าไปโลด มีเทื่อแรกแล้วเทื่อสองเทื่อสามกะตามมาเองดอก..ม่วนๆครับ..

[ทิดจ่อย]

ต่อให้บ่าว GROOPPY

อ้ายนี่คึดต่ออ้อยอ้อยผัดเกิดเป็นเลา คือต่อเลาแคมของ(โขง)ผัดเหล่าเป็นกอไค้
คึดต่อใสวังน้ำควายลงซ้ำผัดขุ่น คึดต่ออุ่นนาถน้องนางหล่าเจ้าอย่าซังพี่เด้อ
สิให้อ้ายไลลืมน้องบ่อมีไลลืมง่ายฟ้าบ่อหงายดินทรายบ่อปี้น หินอยู่น้ำ
ฟูขึ้นกะบ่อลืม....นางเอ้ย

[หญ้านาง]

สิบ่ไลลืมอ้าย
หินทรายบ่เป็นแห่
แข่บ่เป็นปลาซิวอ้าว
บ่าวบ่ไลลืมน้อง
สิลืมอ้ายบ่อนจั่งได๋

[GROOPPY]

โตอ้ายนี้เปรียบคือจอกลอยน้ำ ฮากหยั่งบ่เถิงดิน
ไหลเวินไป ไหลเวินมา บ่มีเฟือยค้าง
อยากสิไหลไปค้างตักพะนางสิได้บ่
ดำข่อหล่อคือบักอ้าย ตาซ้ายให้หล่ำมอง แน่เด้อ นางเอ้ยยยยย :l-