...ผัดเผ็ดหนูพุก...

[ใบไม้สีชมพู]

ตอนต้นเดือนเมือบ้านพร้อมอ้ายผู้อยู่ทางสกลนำพี่นาง อ้ายเพิ่นกะสรรหาแต่เมนูพิสดารมาสู้หลานชายสุดที่รักทั้งสองกิน พี่อ้ายกับอ้ายและหลานทั้งสองมีความสุขหลายขนาดจ้าที่ได้กินอาหารป่า อย่างเช่นผัดเผ็ดเต่า ผัดเผ็ดหนูพุก แล้วกะลาบแย้

ใบไม้บ่ได้กินนำเพิ่นดอกจ้า แต่ว่าไปไปซอยอ้ายเลาผัดเผ็ดหนุพุกอยู่ สูตรนี่เป็นสูตรเด็ดของอ้ายเลยจ้า ลองไปเฮ็ดเบิ่งเด้อจ้า หลานทั้งสองและพี่อ้ายบอกว่าแซบอีหลีว่าซั่นจ้า

อันดับแรก อ้ายเพิ่นก็ตำเครื่องแกงก่อนจ้า แล้วกะใช้หลานไปเก็บใบกะเพราในสวนครัวอีแม่มาหลายๆ

เครื่องแกง

1. พริกขี้หนูแห้ง มักเผ็ดกะใส่หลายค่ะ
2. กระเทียม
3. หัวหอม
4. ตะไคร้
5. ข่า
6. ใบมะกรูด
7. เกลือ

วิธีการ

1. ล้างหนูพุกให้สะอาด เอาส่วนที่บ่ต้องการออก สับให้ละเอียด
2. ตำเครื่องแกงให้ละเอียด
3. เด็ดใบกะเพราล้างให้สะอาด
4. ตั้งไฟพออ่อนๆ ใส่น้ำมันไปเล็กน้อย
5. พอน้ำมันเดือด ใส่หนูสับลงไป ผัดหนูให้แห้ง หอม เหลือง ผัดด้วยไฟอ่อน
6. หนูสุกแห้งแล้ว เติมน้ำมันลงไปอีกนิดหน่อย เขี่ยหนูไว้ข้างกะทะ แล้วใส่พริกแกงลงไป ผัดให้หอม
7. ผัดหนูและพริกแกงเข้าด้วยกัน คนอย่างให้ไหม้ พอเข้ากันก็เติมน้ำลงไปนิดหน่อยสำหรับคนที่มักกินกับข้าวจ้าว ถ้าไผมักกินแห้งก็บ่ต้องใส่
8. เติมน้ำปลา ผงชูรสลงไปนำถ้ามัก สูตรอ้ายเลาบ่ใส่น้ำตาลวะซั่นจ้า
9. ใส่ใบกะเพราลงไป คนให้เข้ากันทั้งกะทะ เป็นอันเสร็จพิธี เชิญแซบจ้า