มาอยู่เมืองนอกเมืองนาก่าหลายปี บ่อเคยได้กินนึ่งเข่าเหนียว ย่อนเฮ็ดบ่อเป็น เพื่อนฝูงแนะนำหลายวิธี
บางคนก่าบอกว่านึ่งในไมโครเวปก่าแซ่บพะนะ ลองมาหมดแล่ว บ่อถูกใจค่ะ เฮ็ดบ่อได้ๆ
หือว่าปึกหลายก่าบ่อฮู่ดอกค่ะ กลับบ้านคราวที่แล่วก่าเลย หิ้วหม้อนึ่ง/หวด/กระติ๊บ มานำ
สะใจๆๆ ได้มาแล่วก่าเลยต้องทดสอบค่ะ แช่เข่ากำ่ที่อีแม่เลาใส่ถุงมาไห่นั่นหล่ะ
จัดการนึ่งเลยค่ะ มื่อนี่อากาศดี แดดก่าฮ่อนกำลังดี เลยมานั่งกินนอกบ้านนี่หล่ะจ้า
ฮิ้วววววว สะใจหลาย บ่อเสียเที่ยวเลยค่ะ มาเด้อจ้า แซ่บหลาย เข่าเหนียวจิ้มปลาร้าสับ
เป็นไดค่ะๆ หน่าฮักเด้หม้อนึ่งเมหนี่ บ่อใหญ่ดอก รุ่นเล็กสุดตั้ว ใช้งานได้ดีอีหลี ถูกใจหลาย
เข่ากำ่แซ่บเด้ค่ะ นิ่มบ่อแข็ง กินเล่นก่าแซ่บ มักๆ
นี่เลยค่ะ แนวกินเซ่านี่ ปลาแห่งทอด/ปลาร้าสับสูตรไดบุ ฝีมือน้าสาว แซ่บๆ/หน่อไม้ฝรั่งต้ม/หมากเงาะ/มังคุด เอามาจากบ้านเฮาหล่ะค่ะ อิอิ แค่นี่ก่าอ้วนแล่วเนาะ
มาเด้อจ้า บ่อมีหมู่กินนำแหม กินคนเดียวบ่อม่วนคือไปกินนำกลุ่มคุ้มสามเสนเล้ยย
สมมุติเอา ว่านั่งกินเข่ากลางไฮนาหน่าเกี่ยวเข่า ที่บ้านเฮาสิหนาวนิดๆ แดดก่าดี กินเข่าก่าแซ่บหลาย
มาเด้อจ้าาาาาาาคุ้มสามเสน มานั่งเป็นหมู่แน บ่อมีหมู่คุย คิดฮอดเด้น้อออออ
Bookmarks