หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ลำนำ...จีบสาวกาสิน

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ลำนำ...จีบสาวกาสิน

    เลาะเลียบซ่ง เขาวงยางตลาด ขอบังอาจเด้อท่าน มาจาต้านจีบสาว
    จากใจบ่าวอุบลก้ำ อีสานต่ำลูกแม่มูล อยากมาซูนคิงบาง หม่อมพระนางทางพี้
    หนองกรุงศรีเคยมาผ่าย กุฉินารายณ์เคยมาผ่าน คราวสงกรานต์เที่ยวเหล่น
    เป็นเพื่อนเขื่อนลำปาว สาวนามนคนโก้ ท่าคันโทยังคึดต่อ ตั๋วอ้ายรอจนเฒ่า น้อเจ้ามะส่างเป็น
    อยากสิเห็นคักแท้ แลสาวชาวคำม่วง เจ้าผุ่ดวงดอกซ้อน ไปนอนลี้อยู่ใส
    สาวภูไทเสียงเหน่อ เป็นพิเหลอเป็นพิเหล่อ หลงมักเธอตั้งแต่ผุ้น บุญอ้ายหากบ่สม
    กลมลาไสยใจซ้ำ คิดฮ่ำแต่นำนาง หลงมักนวลคิงบาง จนหลงทางคืนบ้าน
    กิ่งดอนจานบ่หาญกล้า สาวส่าเคียมร้อยเอ้ด ติดกับเขตโพธิ์ชัย ในหัวใจเจ้าว่างบ่
    ตั้งแต่พานพบพ้อ ปางนั่นได้แต่เขิน เที่ยวตามนางหย่างตามเอิ้น
    ฟังลำเพลินยามค่ำค่ำ สาวร่องคำหย่างเลาะล่าย งามหลายแถ่ะเด๊อุ่น
    เพียงได้ซูนท่ก้อย พอได้ต้อยกะ้แต่มือ อย่าถือสาเด้อน้อง ขอจับจองไว้ก่อน คันบุญมีคงได้ซ้อน
    เป็นชู้คู่กัน สาวสหัสขันธ์อ้าย งามหลายจนใจอ่อน เบิ่งพระนอนภูค่าว ไดโนเสาร์ภูกุ้มฯ
    หัวหยุ้มได้แต่แนม ยิ้มแล้วแย้มแถมต่อน้อสมเด็จ เฮ็ดให้ชายงงงวย
    สาวห่วยผึ้งดึงจ่อง สาวฆ้องชัยเผิ่นแฮ่งกล้า นาคูเจ้าสาวแฮ่งแจ่ม นำไปแนมฮอดบ้าน สาวภูพานท้องถิ่น
    สนามบินแต่เค้า คราวผุ้นเผิ่นรบเล็ว น้ำตกเหวไหลย้อย ผานางคอยพวมเย็นซื่น
    น้ำใสใสไหลวื่น ครืนครืนก้องทั่วไพร สาวสามชัยใจอ้ายฝ่อ โอ่ยเด๊น้อได้ฟังข่าว
    บ่าวสามหมอเผิ่นอยู่ใกล้ อ้ายคนไกลขอลาก่อน อนุสรณ์ในตอนท้าย น้ำตาชายสิไหลหลั่ง
    หมดควมหวังฮักพังพ่าย โบกมือบายลาอ่วย สาวห่วยเม็กคนสุดท้าย ควมฮักอ้ายสิสั่งลา นั่นล่ะน๊านั่นล่ะหน่า
    ...............................................
    ปล.ตามธรรมเนียมการไปจีบสาวบ้านเผิ่นทางอื่นทางไกลต้องทำควมคุ้นเคยบอกกล่าวเจ้าถิ่น
    จั๊กหน่อยจั่งบ่มีเรื่องมีราวหว่าซั่น ขออนุญาตเด๊อคะรับ"ท่านศรีสะท้าน"
    ถือเป็นผู้อาวุโสทางกาสินเนื่องจากว่าสาวทางก้ำกาฬสินธุ์ย้านขาดดุลสาวทางเมืองอุบลฯ
    ก่ะเลยขอคืนพื้นที่เพื่อเป็นการบ่ได้เปรียบเสียเปรียบ 55555
    ผิดตกบกพร่องหม่องได๋ก่ะบอกกล่าวกันมาครับพี่น้องทางกาสิน
    (สาวอุดรใจเย็นๆเด๊อหล่า)

    แก้ไขครั้งสุดท้ายโดย pcalibration; 19-05-2011 at 11:17.

  2. #2
    ศึกษาหาความรู้ สัญลักษณ์ของ เด็กชายยอด
    วันที่สมัคร
    May 2010
    ที่อยู่
    ยะลา
    กระทู้
    25
    c06:มาเห็นจั่งซี่ละอยากมีคู่เคียงเป็นสาวเมืองน้ำดำแท้แต่ว่าสาวพุงามอีหลีล่ะแม่นสาวหนองกรุงศรีเด้อครับคอนเฟิร์มเพราะว่าผมกะเคยเกือบเขยกาสิน:l-

  3. #3
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584
    "แต่งม่วนแท้น้อจ้า ผญาจีบสาวทางเมืองกะสินแหม เป็นตาผู้สาวแล่นนำ(ไปฟังผญา..... อิอิ)ขนาดเลยจ้า เก่งหลายๆๆจ้า"

    อ้ายพีเอ้ย สาวอำเภอเมืองกะสินเอาไปถิ่มไว้ไสน้ออ้าย คือบ่มายมากายหาแนน้อ
    ปล่อยให้นางแนมทางรอ อ้ายบ่หล่ายหามาทางเมืองกะสินจ้อย .......


    สาวกะสินมีแต่คนงามๆๆบ่ว่าบ้านได๋อำเภอได๋เน๊าะอ้ายพี คอนเฟิร์มๆๆๆจ้า
    อ้ายกะเลยลืมมาแวะมายามทางเมืองกะสินจ้อย ปล่อยให้สาวทางเมืองกะสินกั้งโกบส่องหาอยู่ล้ำ ล่ำ ซั่นแล่ว
    แก้ไขครั้งสุดท้ายโดย สาวเมืองกะสิน; 04-06-2010 at 22:48.

  4. #4
    แบ่งปันความรู้และประสบการณ์ สัญลักษณ์ของ เพชรภูพาน
    วันที่สมัคร
    Oct 2008
    กระทู้
    29
    ไปจีบนำได้บ่ครับอ้าย สาวหลายอำเภอครับ บ่แย่งจีบว่าที่ พี่นางดอก 55555

  5. #5
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    เลาะเลียบซ่ง เขาวงยางตลาด ขอบังอาจเด้อท่าน มาจาต้านจีบสาว
    จากใจบ่าวอุบลก้ำ อีสานต่ำลูกแม่มูล อยากมาซูนคิงบาง หม่อมพระนางทางพี้


    อ้ายพีเอ้ย...

    ย้านเด๋น่อ ..
    ย้านน้ำตานองแก้ม แนมนำบ่าวชาวอุบล
    ย้านแต่คนมาตั้ว หลอกใจให้ นางเพ้อ
    ย้านละเมอนำเจ้า เป็นผัวเขามา เว่าหยอก
    ย้านมาหลอกออดอ้อย ตั่วหมาน้อย ให้ดัดผม ..สั่นแหล่ว




    ปล..จีบมาเมิดทุกอำเภอ กะบ่ได้จักคนเนาะ 555+
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  6. #6
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    5555555555 อ้ายข่อยมาทวงดุลการค้าคืนแล้วบาดนิ
    ว่างๆสิไปเอามาใหม่เด้ออ้ายพี55555555

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    สาวอุดรใจเย็นๆเด้อ ให้เวลาอ้ายพีเล้าไปหาเลาะเที่ยวให้ครบจังหวัดก่อน จั่งสิได่ข้อมูลเนาะอ้ายเนาะ ฮ่าๆๆๆ
    มองต่าง..อย่างปลง

  8. #8
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ย้านเด๋น่อ ..
    ย้านน้ำตานองแก้ม แนมนำบ่าวชาวอุบล
    **ย้านแต่คนมาตั้ว หลอกใจให้ นางเพ้อ
    ย้านละเมอนำเจ้า เป็นผัวเขามา เว่าหยอก
    ย้านมาหลอกออดอ้อย ตั่วหมาน้อย ให้ดัดผม ..สั่นแหล่ว


    ***เว้านัวหัวหม่วนกันเด๊อครับ สาวไก่น้อย สาวเมืองกะสิน ก่ะดี

    มีเมียแล้วอ้ายก่ะบ่ตี๋ดอกหล่าก่ะยังว๊าก่ะยังหว่า
    มีสองซ้อนซอนสาม มันบ่เบื่อ
    มีสี่ซ้อนซอนห้า ห่าบ่ตำ แหล๊ว
    แนวบักเขือบักแข้ง แตงจิงขิงข่า
    เก็บเอามาใส่หม่อ อ๋อต้มอ่อมแกง พะนะ

    **อ้ายพีเอ้ย สาวอำเภอเมืองกะสินเอาไปถิ่มไว้ไสน้ออ้าย คือบ่มายมากายหาแนน้อ
    ปล่อยให้นางแนมทางรอ อ้ายบ่หล่ายหามาทางเมืองกะสินจ้อย .......


    มันเป็นเทคนิคซือๆดอกครับสาวเมืองกะสินบ่ได้ลืมอี่ลี๊อี่หลี
    เป็นเรื่องจริงครับ เป็นควมชื่นชอบชื่นชมมาแต่ไหนแต่ไรแล้ว
    อยากมีโอกาสไปสัมผัสกับชิวิตจริงในท้องถิ่นคือสิเห็นภาพชัดเจนกว่านี่
    เคยไปเที่ยวแต่ยังบ่ทันทั่วดอกครับจีบไปเบิ๋ดเมืองแต่บ่ได้จั๊กคนหว่าซั่น บ่บังอาจ เธอดีเกินไป

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    อ้ายพีเอ้ย...

    สมหัวใจเป็ดนั้น อยากงอนคอนขึ้นคือไก่
    วาสนากะบ่ให้ แม่นปีนได้กะมื่นลง
    เชื้อชาติบ่ง มันบ่ปงคือควายกัด
    แนวชาวนาหมาวัดบ่อาจบินขึ้นเทียมเจ้า ดอกอ้ายเอ้ย ..
    พะนะ ..บึ่ยย ..


    ปล...ม่วนๆจ้าอ้ายพี ส่งเสริมภาษาที่สวยงามของไทบ้านเฮา จัดไป ๆ บ่เคยคิดมากดอก ฮิ้วว ...
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  10. #10
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    แวะมาชื่นชมซื่อๆ ดอกเด้อครับ บ่มีแนวเว่าแนวว่า เพราะว่าบ่เป็นนำเพิ่น
    ไปเฮียนพิเศษเิพิ่มก่อน จั่งสิได้มาเว่านำมู่

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •