โสกากลั้น อัศจรรย์เป็นต่าง แท้นอ
ถิ่มปล่อยวางบ่ได้ ไผพุ้น ผ่างเหม็น
ยุคกาลเข็ญ เคืองข่อ(ข้อ) โอนอ ทุกขะราษฎร์
โสภาพขาดต่อเตื้อง เคืองฮ้าย ฮ่ำกัน
เวียงสวรรค์เลยสิหล่ม จมวัง เวินแก่ง
หง่าไม้ตอกำแพ้ง สิแทงใต้ ซอดเห็น
ปุพพะเวรกรรมส้อง สนองมาถ้าคอยเบิ่ง
ฮ่มโพธิ์ศรี อ่วยเนิ้ง นำน้าว ฮ่มหมากขาม
ปัจจุยาม เพ-ลาใกล้ หันใจบ่สะดวก
ปลวกมันซอด มอดมันซี หนีกะหนีบ่ได้ คือไม้ท่อนซุง..แท้แหลว
ปล.ผญากระทู้นี้ บ่มีเจตนาสิพาดพิง หลบหลู่ หรือดูหมิ่นท่านผู้ใดทั้งสิ้น แต่เพียงเป็นกลอนพรรณาโวหารภาษาอีสานท่อนั้น...ด้วยความเคารพ
Bookmarks