ส่งการบ้าน"หมกส้มไข่ปลา" น้องทองแพง

[เเมงสะดิ้ง]

จากทู้นี้เด้อจ้า...เห็นแล่วส่มปากวาสั่น เลยหงำไว้ในใจ
http://www.baanmaha.com/community/thread33590.html

มื่อนั่นไปได้ไข่ปลามาจากพ่อค้าขายปลา สั่งเพิ่นไว่โลนึง
เลยเอามาเฮ็ดส่ม เฮ็ดง่ายๆ จ้า ตำกระเทียมใส่ โฮยเกลือลง
คั่นมีข้าวเหนียวกะจกใส่จั๊กปั้นส่ำคำข้าวเฮานิ่ล่ะ เพื่อให่มันส่มไว
คนให่เข้ากัน ใช้ปลายลิ้นแตะเบิ่ง อย่าให่เค็มหลายเด้อ มันสิเค็มโพด
คั่นอยากกินไว กะวางขวดโหลตากแดด (หย่อนวาบ่มีข้าวเหนียวใส่นำ)
คาวเดียวกลิ่นออกเป็นส่มเลย หลังจากนั้นกะเก็บไว้ในตู้เย็น เพื่อเก็บไว่กินได้ดนๆ
ตามที่จริง บางคนเพิ่นกะใช้ผงแหนมตราโบโลหรือ โลโบนิ่ล่ะใส่เลยกะได้
แต่โดยส่วนตัวล่ะ คึดหย่านแพ้แหม่ะ ผงชูรสหลายโพด เคยกินล่ะปากโพง
ปากกะน้อยๆ แปๆดอก แต่สะดิ้งแพ้อันนั่น แพ้อันนี่ ขนาดลิปสติกกะใช้บ่ได้
ไคแนแต่มีนวด กับวาสลีนกะจั่งหว่ะ





เฮ็ดกินตอนแรกบ่ประสบผลสำเร็จแหม่ะ มันบ่คั่กใจจ่ะของ
พอสุกแล่วเอาออกจากเตาอบล่ะมันเหี่ยว บ่พอใจหม่องนี่ล่ะคือมันเหี่ยว
รสชาติแซ่บยุ แต่มันแห้งโพด แข็งพ้อมบ่นุ่มแข่ว สงสัยอบไว่ดนโพด
เว่าง่ายๆ วาคึดหวังไว่คั่กโพด แต่ผลออกมามันบ่ได้คือคึด สั่นเด๊ะ



มื่อนี่เลยคึดใหม่ เฮ้ดใหม่ หย่อนมันยังคาใจ
ตีไข่5 หน่วยใส่กันกับแป้งสาลีหยุมมือนึง+ผงฟูปลายช้อนชา
พอแป้งกับไข่เข้ากันดีแล่ว กะตักส่มไข่ปลาลง 2-3 ชต.แบบลวดๆพูนๆ
+ต้นหอมหั่น + ตะไคร้ซอย + พริกซอย +น้ำปลาจั๊กหน่อย



เปิดเตาอบไว่ยุ 175 องศา ใส่น้ำถาดใต้ตะแกรงหย่อนคึดหย่านมันสิแห้งอีกคือเก่า
เอาส่มไข่ปลาเข้าอบแล่วกะยืนเฝ้าเลยบาดเนี่ย บ่กล้าหนีไปไสเลย ลืมเบิ่งฮอดเวลา
เพราะสายตาคาเบิ่งแต่แนวกิน



พอเห็นไข่ปลาเริ่มพองโต จับโตกันแข่นๆ ล่ะกะใช้ช้อนส้อมแทงเบิ่ง
พิจารณาวาสุกแล่วกะยกออกจากเตาโลด มาซอมเบิ่งอาการขั้นต่อไป
หย่อนวาหย่านแต่มันสิเหี่ยวเนาะ 555 + สรุปแล่วพอใจคั่กยุ
เที่ยวนี้บ่มีเหี่ยวจ้า นุ่มแข่วพ้อม เซินแซ่บจ้าบาดเนี่ย
ต้องขอบคุณอิหล่าคำแพงทองแพงก้อนหลายๆ ที่แบ่งปันควมแซ่บมาจ้า :l-

[อาวอ้วนเมืองยศ]

เป็นแต่แซบอีกแบบน้อจ้า ตามสถานการอำนวยเนาะ แนวแซบ แม่นไข่ปลาหยังหละ

บ่มีใบตองหมกติจ้า มื้อหน้าสิหมกส่งไปให้กินเด้อดิ้งเด้อ (ไปฮอดสิได้ถิ่มลึดั๋ยบุไกลหลาย)
เฒ่าแม่มาแต่บ้านเฮ็ดมาฝากดู๋ยุ แนวแซบๆ เราดู๋หามาฝากคือหยังนี่

[ไม่สวยแต่เร้าใจ]

โอ๊ย เป็นตาแซบแท้น้อ มักคั่วใส่หม้อ กินกับบักพริกอ่อน

[ไก่น้อย]

ข้าวเหนียวตุ้ย จักคำคือสิแซบเนาะจ้า ...

[เเมงสะดิ้ง]

ขอบคุณค่าที่พากันมาซิมนำเด้อจ้า อันกะจั๊กไข่ปลาหยังบุแหล่วอาวอ้วน อิอิ
ส่วนใบตองมีกะยุร้านเจ๊กพุ่นล่ะ แพงโพด บ่ลงทุนปานนั่นเด้อ 555+

[สาวทองแพง]

:l- กินนำแนะจ้าพี่ดิ้งตะแซบแท้จ้า
ดีน้อจ้าหาไข่ปลาได้ แพงติได้ซื้อเพิ่นเอาจ้าส้มไข่ปลา
อ๋อยๆเว้ามาแล้วกะอยากกิน ข้าวเหนียวคุ้ยจักบาดเด้จ้าส้มไข่ปลา
สูตรกะปรับปรุงเอาจ้า แพงกะมั่วเอาคือกันนั้นล่ะจ้า555++
เมนูนี้เกิดขึ้นมาเพราะว่า ซื้อส้มไข่ปลามาเค็มๆ เลยเฮ็ดหมกบาดนิ
ใบตองกะบ่มี งวกหน้างวกหลัง ไปพอถ้วยเฮ็ดขนมพอดีจ้า

[maxwell007]

หิวววววว..........เป็นตาแซบบบบบบบบ ส้มไข่ปลา บ่ค่อยได่เห็นแล้วเด

[ขอโทษที่คิดถึง...เด็กดื้อ]

ขอกินนำแนเด้อจ้า สะเออะไข่ใส่ส้มใข่ปลา แซบ ๆๆๆๆๆๆๆๆๆๆจ้า ฮ่า ๆๆๆๆๆๆๆๆ