หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

อาหารอีสาน...ของคนไกลบ้านจ้า

  1. #1

    อาหารอีสาน...ของคนไกลบ้านจ้า


    เฮ็ดกินแต่อาทิตย์ที่ผ่านมาพุ้นหละจ้า แต่บ่มีเวลาลงกระทู้ ยากนำเคลียร์งานอยู่จ้า
    แม่นลงกะลงสุมๆกันไว้กระทู้เดียวนี่หละเนาะจ้า...ตั้ง2-3กระทู้บ่ไหวดอก ยากคัก บางมื้อกะหายหัว อิอิอิ
    แนวกินนี่เฮ็ดกินหลายมื้อเด้อจ้า...บางอย่างเฮ็ดหลายๆกินอยู่3มื้อกะบ่เบิด...กินจนเบื่อ
    ยามเบื่อๆมากะคึดว่า อีก3เดือนกะคือสิบ่เฮ็ดกินอีก...แต่กะเฮ็ดกินคือเก่า ยามว่างจากงาน..อิอิ

    อาหารอีสาน...ของคนไกลบ้านจ้า

    เมนูแรกนึ่งปลาทับทิมจ้า...กินปลา เทือฉลาดนำบ้านเพิ่นเนาะ อิอิ นึ่งใส่ผัก
    ได้ปลามากะทำความสะอาดจ้า บั้งข้างโตปลา หมักเกลือ ซิอิ๊วขาว นำไปนึ่ง
    ใกล้สุกกะใส่ผัก เท่าที่หาได้หละจ้า...


    อาหารอีสาน...ของคนไกลบ้านจ้า

    กินกับแจ่วปลาแดกบอง(คั่วสุกแล้วจ้า) หุงข้าวซ้อมมือพร้อม สุขภาพคัก อิอิ
    แจ่วบองกะง่ายๆ หั่นตะไคร้ หอมแดง กระเทียม พริกแห้ง คั่วเครื่องให้หอมๆ
    โขลกให้ละเอียด ปลาแดกล้างๆความเค็มออกแหน่ ปลาแดกกระปุก ซื้อเอา เค็มคัก
    แล้วกะสับๆ ใส่หมากขามเปียกนิดหน่อย สับให้ละเอียด ใสครกโขลกรวมกันกับเครื่องน้ำพริก
    ตักใส่กระทะใส่น้ำลงไปนิดหน่อย คั่วจนแห้ง ชิมเบิ่ง ปรุงรสได้ตามใจชอบ
    ใส่ใบหมากกรูดหั่นฝอย ข้าวคั่วพอหอม ตักใส่ถ้วย
    เก็บไว้กินได้หลายมื้อจ้า เพราะว่าคั่วสุกแล้ว.....

    อาหารอีสาน...ของคนไกลบ้านจ้า

    ต่อมากะน้ำพริกปลาทูใส่แมงดา
    ต้มปลาทูใส่ปลาแดก กะให้นัวโดยที่ว่าบ่ได้ปรุงเพิ่มเลยจ้า ติ๋มใช้ปลาทู2โต
    มีหมากเขือเหลืออยู่3หน่วย ถิ่มลงไปต้มนำกันโลด พอสุกกะแยกปลาทู เอาแต่เนื้อ
    คั่วพริกสด เผ็ดๆเด้อจ้าจังบ่คาว...คั่วหอมแดง กระเทียม เอาใส่ครกโขลกใส่เนื้อปลา
    แมงดากะจี่ไฟเด็ดปีก หัว ขาแข็งๆถิ่มไปจ้า ย่านทิ่มคอ เทือหย่ำบ่แหลก หั่นใสครก
    โขลกต่อให้ละเอียด
    แล้วใส่หมากเขือ โขลกต่อไปจ้า พอได้ที่กะกรองน้ำต้มปลาแดกใส่นิดหน่อย
    บ่ต้องปรุงเพิ่ม รับรองนัวแล้วจ้า
    ใส่ต้นหอม ผักชีสับ ตักใส่ถ้วยจ้า...

    อาหารอีสาน...ของคนไกลบ้านจ้า

    กินกับผักต้ม ผักสด สำหรับผักสด ผักชี ปลูกเองในสวนจ้า รับรองปลอดสารพิษ
    อาหารอีสาน...ของคนไกลบ้านจ้า

    มื้อหนึ่งคุยกับอ้ายหล่อ"กินข้าวแล้วยังอ้าย"
    กินแล้ว คั่วไก่ใส่ใบผักบั่ว แซบๆ มาเด้อ เพิ่นว่า คั่วใส่น้ำปลาแดกนัวๆ มาเด้อกินข้าวนำอ้าย เพิ่นว่า
    ขะน้อยคึดอยากกะเลยไปตลาด ซื้อไก่มาคั่วใสต้นหอม พริกหยวก
    ข้าวเหนียวจ้ำ แซบๆคืออ้ายหล่อว่าอิหลี....มาๆพี่น้อง มากินข้าวนำคนไกลบ้าน....
    แก้ไขครั้งสุดท้ายโดย ติ๋ม เปอร์โย; 12-06-2010 at 16:22.


  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    ป้าดโธ่เพื่อนติ๋ม มาคือเฮ็ดแนวกินเป็นตาแซบแท้ครับ
    หยับไปจักหน่อยแหน่ครับ ขอชิมนำจักคำแหน่ครับ

  3. #3
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    ป่นเป็นตาแซบจ้าพี่ติ๋ม อยากกินนำอยู่จ้าแต่ย้านเอื้อยว่าให้ ย้อนว่า น้องจ้ำป่นจ้ำแจ่วบ่เป็นจ้า คุ้ยเอาโลด ผักอันใบสร้อยๆ วางอยู่จาน คือสะบ่แม่นผักกาดฮิ่นดอกเนาะจ้า อยู่สมุยหากินยากคักจ้าเอื้อย ผักกาดฮิ่นนี่

  4. #4
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    แนวมักหลินเบิดเลยค่ะ มื่อเช้ากะนึ่งปลาโขงค่ะพี่ติ๋ม แซ่บ ๆ

  5. #5
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    คนผุจบผุงามเฮ็ดแนวกินกะเป็นตะแซบเนาะครับเอื้อย จักคำแน

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    เข้ามากลืนน้ำลายแล่ว หนีดอกเด้อบาดเนี้ยะ ... หึยย ซั้งคนคัก..

  7. #7
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616
    ขอจ้ำป่นนำแนเด้อจ้า เป็นตาแซ่บคักแท้ๆๆ กินแล้วขอห่อกลับบ้านนำได้บ่คะ แบบว่าท้องอิ่มแต่ว่าปากยังอยากกินต่ออีกน่ะจ้า อิอิ

  8. #8
    ร่วมถ่ายทอดความรู้สู่สังคม สัญลักษณ์ของ maxwell007
    วันที่สมัคร
    Dec 2007
    ที่อยู่
    สามย่าน
    กระทู้
    652
    บล็อก
    14
    มีแต่ของเป็นตาแซบหนอครับ เห็นแล้วกะเริ่มหิวแล้วเด้อบาดนิ

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    ป้าดดดด แนวกินเพิ่นแมะ ..ได้ข้าวเหนียวจักกะติ๊บนิ ดึงหูกะบ่ออกเด้อพี่ติ๋ม สุดยอดเลยจ้า

  10. #10
    ตะแซบแฮงพี่ติ๋ม ให้แพงกินนำแนะเด้อจ้า
    แต่แพงบ่มักจ้ำเด้จ้า มักแต่คุ้ยกับบ่ายจังถึงเนื้อถึงต่อน :l-


Tags for this Thread