เห็นกระทู้ข้าวต้มเอื้อยเด็กน้อยแล้วคึดอยาก เพียงแค่เปรย ๆ กับเฒ่าแม่ว่าอยากกิน
เพิ่นกะจัดให้เลยค่ะ เขียวค่ำย่ำคืนห่อ เพื่อลูกสุดที่รัก...
ทุกอย่างที่แม่ทำ อร่อยที่สุดเสมอ...
รวบรัดตัดตอนเด้อค่ะ น้องหลินคร้าน UP รูปหลายเทื่อ อิอิ....
ส่วนผสม
กะทิ น้ำตาล เกลือ ข้าวเหนียว ถั่วเขียวปอกเปลือก หัวหอม พริกไทย
หมูเนื้อแดงนิดหน่อย อ้อ..ลืมค่ะ ใบตอง น้ำมันพืชทาใบตองนิดหน่อย..
ขั้นตอนมูนข้าว
หม่าข้าวเหนียวให้อ่อน... คั้นน้ำกะทิ(ใส่เกลือนิดหน่อย) ต้มกะทิใส่น้ำตาล
เอาข้าวหม่าลงมูน แบบบ่ต้องนึ่งก่อนเด้อค่ะ ชิมเบิ่ง รสชาติ เค็ม มัน หวานหน่อยเดียว
ขั้นตอน เฮ็ดไส้ค่ะ ไส้เค็มเด้อค่ะ
นึ่งถั่วเขียวให้สุก โขลกให้ละเอียด สับหมูให้ละเอียด เอาไปคั่ว ใส่น้ำตาล เกลือ
หัวหอม พริกไทย คั่วให้แห้ง..ชิมเบิ่ง นัวแล้วกะใช้ได้..
แล้วกะห่อเลยค่ะ ห่อแล้วกะนึ่งให้สุก ได้กินแล้ว
อ้างข้อความนี้
Bookmarks