รวมบทกลอน ผญ่า และบทเพลงที่แต่งเองจ้า

[บ่าวธนา]

***ความทรงจำแห่งความหลัง***
**หล่านางเอ้ย..ทวนความหลังกอนกี้เฮายังมีใจหมั่นแก่น
ฮักเป็นแฟนวางนั่นยังจำใด้จือบ่ลืม
คืนที่ฟ้ามืดคลึ่มเฮาเคยแลนน้อหลบฝน
อดสาทนความหนาวตอนฮักเฮายังหวานชื่น
วันหรือคืนเปลี่ยนใจเจ้านงค์เยาว์ซางมาฮาง
ลืมหนทางวางกอนกี่ที่เฮาใด้ฮวมเดิน
อำนาจเงินเขาวานจ้างเผาหนทางฮักเก่า
ลืมอดีตฮักเฮาเจ้าหนีไปเนาซ้นเขานันพูมั่งมี..ซั้นบ้อหล่า
..นางเอ้ย..ให้เจ้าฮับฮู้ไว้ความในใจอ้ายกอนแน
ถึงดินแปลฟ้าสิปี้นความฮักอ้ายบ่จืดจ่าง
คันแมนเจ้าคีซ่างเทียมคูพญาหงษ์
อ้ายสิปลงใจหลายคันเขามีใจจริงซ้อน
คันมื่อใด๋เขาถิ่มก้อนคำนางซู้เก่าพี
อ้อมแขนเก่าของซายนี้ยังคอยเจ้ายูเสมอ..เด้อนาง