กำลังแสดงผล 1 ถึง 6 จากทั้งหมด 6

หัวข้อ: อย่าหลอกอ้ายเด้อ

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    อย่าหลอกอ้ายเด้อ

    อย่าหลอกอ้ายเด้อ
    น้องสาวเอย...คนผุงามคือเจ้า คนเป็นเงามาเคียงคุ่
    คนเป็นหมุ่ยามอ้างว่าง เจ้ามีบ้างละไป๋น้อ
    คนที่รอคนที่ใช้ ยังมีไผเข้ามาบ่
    คนที่รอพ้อหน้าเจ้า พอเข้าใกล้ได้บ่นาง
    เดินตามทางคนคืออ้าย พอปีนป่ายเข้าถึงฝัน
    ได้คู่กันบ่น้อเธอ หรือละเมอแค่เพียงจ้อง
    สายตามองแค่เพียงเจ้า ทุกยามเหงากะพ้นผ่าน
    สายตาหวานมาหยอกอ้าย ถึงตายพ่ายกะว่ายอม
    ย่านแต่นางบ่พร้อม ย้านไปยอมให้ไผอื่น
    ทุกวันคืนที่ผ่านพ้น มาหยอกอ้ายบ่คึดหยัง
    ย้านฮักพังหัวใจสิ้น ใจถวินยังตั้งต่อ
    บุญบ่พอได้คู่เจ้า ได้มาเศร้ายุผุเดียว...ชั่นแหลวนางน้อง

  2. #2
    แบ่งปันความรู้และประสบการณ์ สัญลักษณ์ของ บอยเมืองยศ
    วันที่สมัคร
    Dec 2009
    กระทู้
    200
    บล็อก
    1
    เจ้าบทเจ้ากลอนน้อวัฒ....มื้อหน้าแต่งให้อ้ายจักกลอนแนเด้อ

  3. #3
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    ปาดๆๆๆๆๆๆพ่อเสี่ยวนิเก่งหลายแนวน้อจ้า
    มาสอนเขาแต่งนำแหน่เด้อจ้าพ่อเสี่ยว
    สิได้แต่งออกมาม่วนๆๆคือเพิ่นจ้า

  4. #4
    ศึกษาหาความรู้ สัญลักษณ์ของ ปุ้ย
    วันที่สมัคร
    Feb 2010
    กระทู้
    42
    โอ้ยยยยยคนแฮงเศร้าแมะ วัฒฒฒฒมเอ้ยยแต่งแบบนี่กะตายยอย่างเดียวเลย
    น้ำตาไหลนองอาบสองแก้ม

  5. #5
    แบ่งปันความรู้และประสบการณ์ สัญลักษณ์ของ กาฬสินธุ์ถิ่นไดโน
    วันที่สมัคร
    Feb 2010
    ที่อยู่
    Menburi
    กระทู้
    164
    อ้ายเข้าใจน้องคนกำลังยุในช่วงทำใจมันกะสิเหงาจังซี่ล่ะ ขอให้ผ่านช่วงนิไปได้คือสิได้พ้อผุเพิ่นแม่นน้องเอย

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    บ่าวพี่ชายเอ้ย......
    ผัดแต่เกิดเป็นญิงนี้
    หลี่หลวงบ่เคยแว่
    แหถี่บ่เคยเหยียบ
    คันแม่นเผียบง่าไม้
    กะปานได้ง่าหมากขาม
    ผัดแต่เป็นญิงซ้ำ
    หนามทันบ่เคยเกี่ยว
    ซู้บ่เคยได้เกี้ยว
    บ่เคยเลี้ยวหล่วงผุได๋
    ......ดอกอ้ายเอ๊ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •