หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: สะโนว่าว-ถามข่าวอ้าย

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    สะโนว่าว-ถามข่าวอ้าย

    สะโนว่าวผงาดก้อง ผ่องในมโนนารถ
    ฟ้าบ่อาจกีดกั้น สัมพันธ์เกี้ยวเกี่ยวใจ แท้แหล่ว
    ฝากถามไถ่ตามลมล่อง เข้าทำนองสะโนว่าว
    จากน้องสาวคิดฮอดอ้าย ชายคนโก้ผุยุไทย อ้ายเอ้ย
    เป็นจั่งได๋น้ออ้าย ส่ำบายดีอยู่แน่บ่อ
    น้องขอพรจากหลวงพ่อ ที่กราบไหว้ให้รักษา พี่เอ้ย
    พุทธรัตนะ ธัมมรัตรนะ สังฆรัตรนะ ในทั่วหล้าให้แผ่บารมี
    อย่าให้มีภัยลี ภัยพาลอย่ามาใกล้
    ขอพรให้ประสบโชค สมหวังทุกทุกอย่าง พี่เอ้ย
    ให้ทุกก้าวย่างพี่ มั่งมีเงินทอง
    ให้ลาภไหลนอง มาดั่งกระแสน้ำ
    น้องส่งใจฝากข้าม ตามคำสะโนว่าว เด้อพี่เอ้ย
    แก้ไขครั้งสุดท้ายโดย ข้าวต้มมัด; 11-12-2010 at 21:22.

  2. #2
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    323
    สุดสายแนน..จองดึงว่าวสู้ลมยูไวๆ
    เปรียบดังใจของซายใสสิทนทานต้องลมล่องแกว่งไกว่
    ย่านแต่สุดไขว่คว้าดาวเจ้ามาเคียงใจนี
    อีกจักเดือน..อีกจักปี..สาวพุหนีไกลบ้านสิคืนหม่องท่องนับโม
    ย่านแต่โสมอดม่วยสายแนนจองขาดปัด
    ลมสบัดว่าวน้อยลอยล่องจูบขี่ดิน..เด้น้อ..
    ใจถวิลแต่นำเจ้ามองเบิงดาวอยู่ล่ำ..ลำ
    ยังจือคำที่นางเอ่ยปากเว่าบ่ลืมอ้ายยามห่างไกล
    คันแมนใผมาเว่าอ้ายยากองใจหนี..เด้ออ้ายเอ้ย
    ทุกวจีที่นางวอนอ้ายออนซอนน้ำตาย่อย
    อ้ายยังคอยถ่าเจ้าบ่เคยเซาลดละ
    น้ำใหละซะแผ่นดินปี้นใจอ้ายบ่แกว่งไกว่..เด้นาง..
    แก้ไขครั้งสุดท้ายโดย บ่าวธนา; 12-12-2010 at 22:22.

  3. #3
    ศึกษาหาความรู้ สัญลักษณ์ของ โก๋ดง
    วันที่สมัคร
    Mar 2010
    ที่อยู่
    หนองหาน
    กระทู้
    205
    ได้ยินเสียงว่าวสะนูอยู่เหนือทุ่ง
    หอมข้าวฟุ้งฟ่องฟ้าหน้าลมหนาว
    ว่าวครวญเพลงเคียงจันทร์คู่หมู่ดาว
    หวังสื่อข่าวส่งไปถึงซึ่งคนไกล

    คิดฮอดสายลมหนาวว่าวสะนูสมัยเป็นเด็กน้อยเนาะครับ สะดือดึง .....สดือดึง

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ฟังเสียงเพลง พระอินทร์แปลง แฝงถึงความคิดฮอด
    ใจได้จอดจาต้าน หวานจ้อยดั่งคำ แท้แหล่ว
    น้องขอจำใจจ้อ คือหว๋อสะโนว่าว
    จากสาวนาคิดฮอดอ้าย ยังจำได้แมนบ่ลืม อ้ายเอ้ย
    อย่าลืมหล่าเด้ออ้าย ชายผุหมายจอบส่อง
    คันสิคองคอยท่า อย่าให้บ้ายุคนเดียว อ้ายเอ้ย
    เหลียวทางเทียวนำคำเว้า นำเจ้ายุหล่ำ-ล่ำ
    คิดเห็นคำอ้ายมาเกี้ยว ใจสะท้อนอ่อนระทวย แท้แหล่วอ้ายเอ้ย
    แก้ไขครั้งสุดท้ายโดย ข้าวต้มมัด; 12-12-2010 at 21:29.

  5. #5
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    323
    ทางเที่ยวท่องเกาะเกี่ยวกุ่มแขน
    คือสายแนนว่าวธนูดึงบ่ลัยแมนไกลพื่น
    ฝืนแฮงต้านทยานฮ้องอยู่..ดู้..ดู
    เชือกเป็นคูค่องน่องดึกไว้บ่ให้จาก
    อยากให้ใจของเจ้าคือเชื่อกว่าวแท่เด้อุ่น
    สายลมหมุ่นภัยมาพาลต้องใจเจ้าอย่าแกว่งกวัย
    ให้มีใจเดียวนั่นประสงค์ต่อพี่ซาย
    คือจังสายธนูว่าวบ่ลัยถิ่มจากกัน..แท่เด้

    :l-:1-:1-:1-:1-:l-

  6. #6
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อิอิ เอาจริงติอ้ายบ่าวธนามาแต่งเก่งแท้ค่ะผญ๋า ถูกแหง่ใส่ฝาสิตอบได้บ่น้อตะนิ ฮ่าๆ ลองเบิ่งเนาะ


    คันแมนสายแนนยู้ บุญชูนำส่ง อ้ายเอ้ย
    วาสนาคงสิได้พ้อ ในมื่อหน้าอยู่ตี้ชาย
    คือดั่งสายสนูว่าว ดึงว่าวบ่ให้จาก
    ยังผงาดต้านลม เสียงผสมออกมาได้ นั้นแหล่ว
    ดือดื่อดื่อดื๋อดังไป ในสายลมสะโนว่าว
    คันบ่มีผุชักว่าว จั่งได๋ท้าวสิได้ยิน น้อพี่เอ้ย
    ว่าวอาจสิตกจูบดิน หรือถูกวิ่นบ่เป็นท่า
    แล้วแต่คนชักพา สิเก่งหลายชักสายว่าว ให้ห่าวต้านต่อลม เด้พี่เอ้ย
    คำภิริมย์ใจตรงต้อง ปรารถณาน้องใจตรงต่อ
    ใจพี่ก้อบ่ององ่อง ให้ตรงต้องดั่งกัน นั้นแหล่วพี่เอ้ย
    แก้ไขครั้งสุดท้ายโดย ข้าวต้มมัด; 14-12-2010 at 15:22.

  7. #7
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ม่วนหลายจ้าเอื้อยข้าวฯ นางมาเป็นกำลังใจให้เด้อจ้า สุดยอดจ้า

  8. #8
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ตามน้องหญ้านางมาฟังผู้ลังคนแต่งผญาเกี้ยวกัน อิอิ ว่าไปครับว่าไป
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  9. #9
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ขอบคุณน้องหญ้านางกับอ้ายบ่าวเซียงน้อยที่มาเป็นกำลังใจจ้า อิอิ สิแต่งสู้อ้ายบ่าวธนาได้บ่อ คิดยุนิเลาแต่งเก่งคัก ผญ๋าเกี้ยวบ่ถนัดเลยยยย

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    เดิ๊กๆค่อยหนาววอยๆสะนูว่าว
    ฮอดยามหนาวลงเกี่ยวข้าว
    สายลมจ้าวเข้าพัดมา
    นอนเถียงนาฟังเสียงห่าว
    สะนูว่าวของผู้ได๋
    ม่วนจับใจเอาอีหลี
    ปานดนตรีบรรเลงเล้า
    หนาวก็หนาวหลับบอได้
    นอนฟังไปหัวใจว่อน
    มาออนซอน คักแท้
    เสียงปานแส่เทิ้งสวรรณ์
    ดั๋น ดิ เดิ๊ด ดะดิเดิ๊ด ๆๆๆๆๆๆๆๆๆๆ ป้ามาแจมนำหลานข้าวต้มมัดจ้า
    อิอิอิ คาแต่คิดหาคำเว้าเลยช้าไปแนจ้า

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •