คึดนำเจ้าอยู่ฮ๋อมฮ่อม

**สหายพง** · 15-06-2010, 15:17

ยามมื้อแลง กินข้าว คึดฮอดเด้
ผู้สาว คึดนำเจ้า อยู่ฮ๋อมฮ่อม
คึดฮอดเด้ เจ้าผู้กลิ่น ดอกซ้อน
เคยซอนซู้ อยู่เคียง
คึดฮอดเด้ คราวอยู่เถียง นาน้อย
คอยนาง ทุกเช้าค่ำ
คิดฮอดคำจาเว้า พี่ชายจำ เข้าสู่ใจ
ดึกดึกข่อน สายลมวอน คึดฮอดอุ่น
คึดฮอดคุณนาถน้อง ผู้ใกลบ้าน บ่อต่าวคืน
คึดฮอดเจ้าหลาย จนว่าอ้ายนอนสอื้น
คืนค่ำเดือนดาว
คึดแต่นำผู้สาว จนตีสาม เข้ามาล่วง
จนว่าตีสี่ข่วม คึดฮอดความที่เจ้าว่า
บอกฮักอ้ายท่อฟ้า บ่มีมื้อสิเปลี่ยนใจ
คึดฮอดเจ้าหลาย จนว่าแจ้ง
แสงตะวันสาดส่อง
ในหัวใจอ้าย มีแต่น้อง
ยังคอยถ่า เจ้าต่าวคืน...เด้นาง.

**บ่าวห้วยละโอง** · 15-06-2010, 15:21

มาคิดฮอดแฮงแท้น้อคิดฮอดนำแหน่เด้อ กลอนจะแม่นม่วนน้อ

**หนุ่มเมืองภูเขาไฟ** · 15-06-2010, 16:35

คึดฮอดสาวฟังลำ ทางได๋ละนอ มีหยังให่ซอยกะบอกเด้อสหาย...(จังซี่บ่เขาวาคนมีความร๊าก อิอิๆ)

**สาวมุก** · 15-06-2010, 16:56

ทีแรกสาวมุกกะบ่ได้คิดฮอดดอกจ้า มาอ่านกลอนเจ้านิแหล่ะ คือมาคิดฮอดเด้บาดนิ.....

**หลินปิงน้อย** · 15-06-2010, 17:02

เคยพาไผไปเถียงนาน้อยน้อนี่
คือสิเป็นตาคิดฮอดหลายแท้

**นู๋น้อย** · 15-06-2010, 17:13

c06: ท่านฟี่ บ่ต้องคิดฮอดอิหล่า แฮงปานนี้กะได้ อิหล่าแค่เมือบ้าน 3 มื้อ เด้อๆก๊ากกกกกกกกก :l-:l- อ้ายไผ๋หว้าเกงแท้ เจ้าบทเจ้ากลอนขนาด เอิ้กกกกกกกกกกกสาพ้อดอกน้อ