กำลังแสดงผล 1 ถึง 2 จากทั้งหมด 2

ผญ่า ตายายถามหาหล่าน

  1. #1
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339

    บ้านมหาโพสต์ ผญ่า ตายายถามหาหล่าน


    สาวเมืองยศเอ้ย...เจ้ายูก้ำเมืองซุมดินเย็น ให้คิดเห็นภูมิหลังหม่อมพะนางแนเด้อน้อง
    ตายายจ้องมองทางเจ้าโค้งอวย ฝนตกฮ้วยฟ้ากะฮ้องปลาเต็มข่องคิดฮอดหล่าน....
    **หล่าเอ้ยหล่า..มากินปลาคอใหญ่ ขังใส่ใหไว้ถ่าเจ้ายามใด๋หล่าสิตาวมา..น้อหล่า***
    สองเฒ่าเว้ามือกะตาวฟายน้ำตา คิดเห็นหน้าหล่านฮักบ่จักทางสิไปซอก
    เมืองบางกอกวานั่นจักวาเป็นแนวใด๋ ใหญ่กะใหญ่ ก้วงตอก้วง เทิงเป็นห่วงจนอุกใจ
    อ่าวทองใสพูเพินขับแทคซี อ่าวทองเอ้ยเจ้าเห็นหน้าหล่านข่อยบ่ จอ มอ มัน
    กะหายมิดจ้อย อิหล่าข่อยจักยูใส..อ่าวทอง..ฮือๆ...
    **สาวเมืองยศเอ้ย..เบิงดู้หล่า เบิงสายตาพ่อใหญ่ แม่ใหญ่แน พากันแลลำจ้องคองเจ้าให้อวยคืนยูเด้หล่า....**


  2. #2
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339

    บ้านมหาโพสต์ สายน้ำสายใจ

    ...สายลำซีใหลโฮมต้อมลำมูลกะใหลลอง น้ำใจน้องนางหล่าใหลเลื่อยแมนทางใด๋
    น้ำใจซายหยากใหลต้อมน้ำใจนางเบิงจักวาง ให้เป็นทางสายน้ำใหลเลื่อยบ่จากกัน..เบิงเด้..นางเอย ..