กำลังแสดงผล 1 ถึง 4 จากทั้งหมด 4

หัวข้อ: ..จำใจจาก..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ..จำใจจาก..

    สังฮอมใจให้เจียมจ้อ จรลีหนีจาก
    จำพลัดพรากจากพะนาง ต้องห่างเหินเดินทางช้ำ
    คำทุกคำที่เคยเว้า ยังคือเก่าอยู่เด้อใจ
    เคยฮักหลายจั่งได๋ กะยังฮักหลายอยู่เด้อน้อง
    เพียงแต่สองเฮานั้น เส้นทางฝันนั้นสุดเหนี่ยว
    บุญสิเกี่ยวเกาะแหน่น เป็นแฟนนั้นแค่ฝันเลือน
    เทิ่งบ่อยากให้มาเปื้อน เลื่อนลงตมจมความหม่น
    แนวว่าคนจนไร้ค่า ถืกตราหน้าว่าบ่ดี
    กะให้จบสาส่ำนี้ อย่าว่าพี่นี้ใจดำ
    บุญที่ทำนำกันมา พวงผลาคงมีหน่อย
    อย่าน้อยใจอ้ายเด้อน้อง คลองน้ำตาอย่าให้หลั่ง
    แม่นใจยังคงฮักเจ้า จำต้องเว้าบอกเอ่ยลา
    เบิ่งแงงสุขภาพแน่เด้อหล่า แบ่งเวลากินข้าวแน่
    ฝากดินฟ้าคอยเทคแคร์ ภัยอย่าแว่เวรอย่าต้อง พะนางน้องชั่วนิรันดร์

  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    จากไผไปทางได๋น้อว่าแม่นแล่นนำสาว
    แล้วอ้ายบี เผื่อสิมาได้น้อ อิอิ

  3. #3
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    จำใจฮ้างเฮือนชานจนแปนเปล่า
    จำจากเจ้าแลงเช้าฮ่ำคะนิง
    จำจากคิงกมอ้ายหลายปีบ่มีต่าว
    จำแต่ตั๋วจ่องน้าวบ่คืนโค้งอ่วยมา.
    ....แท้น้อ

  4. #4
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    549
    บล็อก
    21
    ส่างมาไลลืมถิ่มหนีป๋าให้ฮ่างเป่าแท้เด้นอ ส่างมาลืมที่ได้เว้ากับนางน้องอยู่อย่างคืนแท้เด้
    ทั้งว่าลึกว่าตื้นน้องกะเปิดใจเบิ๊ด บ่อได้เคืองคำขัด ต่อพี่ชาย แต่พอน้อย แหม่นหยังเด้ให้ใจอ้าย
    หนีหายเปิดหน่าย หรือว่าน้องขี้ล่ายบ่อสมเจ้าผู้เปรียบหงส์ หย่อนว่าวงศ์วานเหง้าของนางมันต้อยต่ำซั่นบ้อ หรือว่าน้องผู้ฮ้ายจึงหมายหน้าผู้ใหม่ครอง น้องนี้หมองใจเศร้าเหงาหงอยคึดต้อยต่ำ อ้ายบ่อมาหล่ำเยี่ยมหลายมื้อให้ห่ำฮอน กลับมาสาเด้ออ้ายมาหาส้มปลาจ่อม อย่าสิหลงปลาร้าไทบ้านเผิ่นสิหยัน กลับมาหาส้มปลาน้อยแหม่นโตฝอยกะพออิ่ม บ่ออาจคือปลาร้าเค็มฮ้ายบ่อหน่ายบ้อ อ้ายเอ๊ย
    แก้ไขครั้งสุดท้ายโดย หนุ่มน้อย; 21-06-2010 at 04:16.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •