มื่อวานอยู่บ้านว่าง ๆ น้องเขมเลยชวนเฒ่าแม่ไปส่องเบิ่งนาดง บ่ได้ไปหลายปีแล้วค่ะ
ตั้งแต่ให้คะเจ้าเฮ็ดนาให้ ไปกะหาของป่านำ เฒ่าแม่จ่มให้คักไปถ่ายรูปเลาหลาย
ชุดไปเลาะโคกเฒ่าแม่น้องเขม ฮ้อนคักค่ะ เทิงหย่างเทิงจ่มเฒ่ากะดาย ::)
อั่นนี้ขวยแมงกินูนเด้อจ๊ะ..ไผ๋บ่เคยเห็น
ขุดลงไปบ่ลึกกะสิเห็นแมงกินูนโตแดง ๆ แบบนี้ล่ะค่ะ
มีเห็ดน้ำหมากนำค่ะ...
อั่นนี้ดอกกระเจียวค่ะ ถ้าเปรียบกับคนกะรุ่นน้องเขมนี่ล่ะค่ะ เจเนอร์เรชั่น 2 ::)
รุ่นนี้คงสิเป็นรุ่นอ้ายคนตระการ...พุ่นล่ะค่ะน้องเขมว่า ::) เจเนอร์เรชั่น 3 ปลาย ๆ ::)
ล้อเล่นเด้ออ้าย ::)
ว่านตูบมูบค่ะ ต้นทียังบ่บานเอาไปลวกกินกับป่นได้ค่ะ...
ดอกสะแบงอยู่นาน้องเขมค่ะ..
ผลงานของน้องเขม กับเฒ่าแม่ค่ะ ได้อย่างละหน่อย...::) หน่อไม้(จากกอที่ปลูกไว้) 2 หน่อ,แมงกินูน 10 กว่าโต
เห็ดน้ำหมาก 3 ดอก,ดอกกระเจียวกำหนึ่ง,
เคลือหมาน้อย 1 เคลือ และที่ได้หลายสุดคือเสียงจ่มเฒ่าแม่ค่ะ ::)::)
Bookmarks