ผลไม้ภาคอิสาน(หมาก,บัก)ไม้

[ดอกมันปลา]

มื้อนี่ได้ค้นหารูปหมากไม้อีสานบ้านเฮาในเว็บต่างๆ
ล่ะกะหลอยเอารูปเขามารวบรวมไว้เนื่องจากตอนนี่บ่ได้อยู่บ้าน
เลยบ่ได้ไปหาถ่ายรูปมาลงเอง การนำเสนอในมื้อนี่
เพื่อส่อยเตือนความจำล่ะกะเป็นความฮู้ สำหรับคน
ที่อาจสิเคยได้ยินแต่ชื่อแต่บ่เคยเห็น หมากไม้บางอย่าง
แต่ละบ้านแต่ละจังหวัดกะสิเอิ้นต่างกันจักหน่อย
แต่ส่วนมากกะสิเอิ้นคือกัน เจ้าจำได้บ่ล่ะ มีหยังแหน่ที่เจ้าเคยกิน
ทุกมื้อนี่หาสิเบิ่งกะยาก สิเฮ็ดจั่งได๋จั่งสิคงไว้ซึ่ง
ผลหมากรากไม้อีสานบ้านเฮาให้ลูกให้หลานได้ฮู้จักสืบไป
ลองเบิ่งก่อน จำรสชาติของมันได้บ่ หรือจำได้แต่สตรอเบอรี่ แอปเปิ้ล เชอรี่
หมากม่วงป่า

หมากเค็ง


หมากเดื่อ


หมากเม่า


หมากเล็บแมว


หมากเหลื่อม


หมากแงว


หมากแซว


หมากแถลง


หมากเม็ก(ต้นคริสติน่าอิสาน)


หมากขามป้อม


หมากค้อ


หมากคอม(ทางบ้านเอิ้นหมากคอมลอมจ้า)


หมากต้องแล่ง


หมากบก


หมากยาง


หมากผีผ่วน


หมากส้มมอ


หมากหว้า


หมากหวดข่า


ลูกอินลูกจัน(อั้นนี้เพิ่งเก็บมาจากต้นจ้า)

[พิณอิสระ]

ภาพ ๑๗ บ่แม่นหมากส้มมอตี้คับ
ภาพ ๑๘ ว่าแม่นหมากหว้า หือว่าใด๋ครับท่าน

[ดอกมันปลา]

ขอแก้ไขภาพทีบอกชื่อผิดจ้า หมากส้มมอ


หมากหว้า

ขออภัยมาในที่นี้เด้อจ้าที่พิมพ์ผิดและขอบคุณอ้ายเพิ่นที่ช่วยบอกจ้า

[ป้าอินเตอร์]

น่าสนใจอีหลีจ้า มันออกยามไหนแนน๊อจ้า บางอย่างป้ากะบอเคยเห็น เวลากลับบ้านป้ามักไปเดินตลาดแลง หาเบิ่งของป่าแปลกๆ ว่าแต่กินใด้ ป้ากินหม๊ดแหล่ะ

[วัฒนชัย หาริโร]

เป็นตาแชบเนาะ ชุหมากเอาโลดเมือบ้านมักไปหาเก็บหมากผีผั่ว

[อาวอ้วนเมืองยศ]

เอ่อ หาได้บ่น้อซุมื่อนี่ หมากเล็บแมว หมากต้องแล่งแมะ ซุมื่อนี่บ่แมนดับแนวเบิดละติ
บักยางป่า หรือบักยางเครือกะคือกัน เมือบ้านกะบ่เห็นแล้วหละ

[เจ้าซายน้อย]

และ...



บักสุดท้ายอย่ากินหลาย...มันสิแสบดาก

[กำพร้าผีน้อย]

..555 ให้หัวซะเถาะชายน้อย..

บักห่าเมริง..มันเป็นต้นแนวได๋น้อ เบิ่งซงแล้วบ่เป็นตะปลูกดอก

เป็นตะฮานถิ่มพุ้นหละผมว่า........

[นู๋น้อย]

หมากสุดท้าย ย้านๆๆ กินนำบ่เป็นดอกค้า มักสุดกะหมากส้มอนี้ละ ยาระบายชั้นดี กินแทนฟิตเน่ :l-:b-b:b-b:b-b

[wannachart]

ฮ่วย!!พี่น้อง หมากต้องแล่งมันบ่แม่นแบบนั้นเด่ะ!!มันเป็นพุ่มตามป่าละเมาะเตี้ยๆเด้อ มันกลมสีเขียวสุกสีแดง ในมันบักใหญ่เลยแตนหลายๆยามไปเลี้ยงงัวเลี้ยงควาย อันในรูปมันบ่แมน วาแต่ว่ามีใผฮู้จัก บักมาย บ่พี่น้อง มันเป็นแต่ยามแล้งอย่างเดียว หวาน หอม แซบ น่วยซำ่นิ้วมือนี่หละ มีแต่แถวอิสานบ้านเฮาแถวโคกหินแห่ซำ่นั่น