ฟังเสียงฟ้าฮ่ำฮ้อง เบิกล่องระงมบน
สายละอองฝน เร่งรินบ่มีเอื้อน
ฝนฮำโห่ง ทิวทามท่วมท่ง
อุทกเทถั่งน้ำ นองท่วมทุ่มแถว
ฮุ่งอากาศกลุ้ม มัวเมฆฝนตก
ฝนรินเลิง ฮ่ำคณิงนำน้อง
อกตรมกลุ้ม แสนระกำกั้นสวาท
อกหักแฮ่งชอกช้ำ ระกำกลุ้มหง่วมเหงา
มีแต่อุกอั่งเอ้า เศร้าตรมระทมทุกข์
ความฮักโฮมฮอมขันธ์ เนตรนองนำน้อง
มโนหมองโศกากั้น อกระกำเกินขนาด
มีแต่ความชอกช้ำ ระกำกลุ้มเก่าศรี
ทุกข์ทวีทะวายฮ้อน อนาทรทนโศก
แสนส่วนวิโยคย้าย กระหายให้ฮุ่งเห็น
อกระทมทนไหม้ มโนนูมน้าวหน่วง
เปรยเปรียบป่วงปานบ้า น้ำตาย้อยหย่าวไหล..แท้น้อ..
Bookmarks