หยิบหมอก-หยอกดอกกะเจียวที่ชัยภูมิ กับไก่น้อย

**ไก่น้อย** · 22-06-2010, 04:08

เริ่มแล้วเนาะจ้า สำหรับเทศกาลการท่องเที่ยวภาคอิสานเฮามื้อนี้สิพาไปเมืองชัยภูมิ ไก่น้อยเคยไปเที่ยวชัยภูมิตั้งแต่สมัยย้ายมาเฮดงานโคราชใหม่ๆ จนผ่านมาแล้ว 6-7 ปี ปีนี้โอกาสดีได้พาครอบครัว พระบิดา-มารดา และหมู่พวก ไปเยี่ยมยามพี่น้องที่ชัยภุมิ ทริปนี้ตั้งใจว่าสิค้าง 1 คืน กับเที่ยว 2 มื้อจ้า

รถแล่นออกจากบ้านที่สูงเนินนัดกัน08.00ที่ปั๊มบางจาก สูงเนิน ใช้เส้นทาง ด่านขุนทด-ไปบำเน็จณรงค์เส้นทางหมายเลข 2217 แล้วกะเลี้ยวซ้ายต่อด้วยหมายเลข 205 มุ่งหน้าสู่ อ.เทพสถิตย์ ป่าหินงาม จ้า

เสียค่าธรรมเนียมบำรุงอุทยาน ผู้ใหญ่ 20 บาทเด้กน้อย 10 บาท ส่วนอิพ่อ กะอิแม่ฟรี เนื่องจากอายุเกิน 60 อิอิ ( อายุหลายกะมีแนวดีหม่องเดียวนิหละ 55+)
ช่วงเสาร์-อาทิตย์เจ้าหน้าที่เพิ่นสิบ่ให้เอารถส่วนโตเข้าไปต้องนั่ง 2แถว ค่าบริการกะผู้ใหญ่ 20 เด็กน้อย 10 บาทคือกันจ้า ชวยชาติ ช่วยไทบ้านเพิ่นเนาะจ้า

ไก่น้อยแนะนำนิดนึง คั่นไปเที่ยวป่าหินงาม เฮาควรเริ่มเที่ยวจาก จุดสุดแผ่นดิน เขาพังเหยลงมาหาทุ่งดอกกะเจียว แล้วค่อยมาป่าหินงาม สิได้บรรยากาศดีมากเลยจ้า บ่เมื่อยนำ เนื่องจากเป็นการย่างลงเนิน

สว. ทริป ฮ่าๆๆ พาผู้เฒ่าไปกะมีความสุขอีกแบบเนาะจ้า ทำให้เฮาดุเด็กขึ้นเยอะ อิ อิ :l-

ไก่น้อยโชว์ออฟ แต่บ่กล้าย่างไปสุดๆดอก ชีวิตน้อยๆยังสร้างสรรสิ่งดีๆได้อีกหลาย 55+ (ย้านตาย นั่นหละ ) :l-

ผู้กล้า อีกท่าน บ่รู้จักเพิ่นดอก สะออนความกล้าของเพิ่นสื่อๆจ้า 555+ นายแน่มาก

มักภาพนี้มั๊กมาก นานๆสิเห็น 2เฒ่า (พ่อกะแม่ ขะน้อย) เพิ่นสิกุ๊กกิ๊กกัน 555+ อ่ะหนะแซวนิดนึงเด้อพ่อ 55+

ปะๆเฒ่า ให้ผุสาวเขาถ่ายรูป 555+

หลังจากผ่านความเสียว กับจุดสุดแผ่นดินอิสาน แล้วกะย่างเลาะป่า มาชมทุ่งดอกกะเจียวค่ำ กำลังแข่งกันออกดอก ชูช่อ อวดความงาม ให้นักท่องเที่ยวได้ชมกันค่ะ

ดอกกะเจียวฝากบอกมาว่า รอถ่าพี่น้องไทบ้านมหาสิไปยามเด้อจ้า

นางแบบ ฮ่าๆๆให้เลาลงนำจักรูปแน่ ฮิ้ววว :1-

ไก่น้อยออกจากป่าหินงาม ประมาณ บ่าย3โมงเพราะต้องไปหาบ้านพัก ซึ่งหมู่ (ของหมู่ ) เพิ่นเป็นปลัด อยู่พุ้นหาไว้ถ่า อย่าลิมติดตามเที่ยวนำกันเด้อจ้า สิพาไปบ้านพักหลังน้อยๆ น่ารักๆ นำกัน :l-

22-06-2010, 05:43

อยากไปนำเด้ไก่น้อย แต่แอบย่านความสูง
ตรงหน้าผาอะหนา แต่วิวงามๆจ้า

**บักขามป้อม** · 22-06-2010, 06:35

บ่เคยไปจักเทื่อจ้า งามหลายๆจ้า ทุ่งดอกกระเจียวนี่น้อ ขอบคุณหลายๆ จ้าที่เอารูปมาฝาก เฒ่าพ่อกับเฒ่าแม่เป็นตามีความสุขเนาะจ้า น่าฮักหลายๆ

**bnserver** · 22-06-2010, 08:16

มามื้อใดน้อครับ บ่แจ้งแหน่น้อ ติลักไปดักทาง ทางผ่านบ้านผมเด้อนั้นอ่ะครับ

**พงศ์น้อย ส กสิน** · 22-06-2010, 08:23

อากไปเที่ยวนำเด้ครับเอื้อยไก่ กายไปหลายเทื่อแต่บ่มีโอกาสได้ไปเที่ยวจักเทื่อครับ ทุ่งดอกกระเจียว

**เขมราฐ** · 22-06-2010, 08:25

งามหลายค่ะเอื้อยไก่น้อย หลินอยากไปเด้.. เคยไปตั้งแต่เป็นสาวส่ำน้อย..อิอิ...หยุดยาวช่วงเข้าพรรษานี่คนคือสิหลาย ลางานไปโลดบ้อ... อิพ่อกับอิแม่เอื้อยไก่ตาฮักเน๊าะค่ะ เอาบรรยากาศมาปันหลินเบิ่งอีกแหน่ค่ะ.... มัก ๆ