อึดอัดในใจหลายจ้า

[สาวหล่า]

ตั้งแต่สาวหล่าได้มาเป็นสะใภ้คนจีน สาวหล่ากะต้องอดทนกับคำเว้าจาของอาม่า อาโกแล้ว สามีของสาวหล่าเองกะรู้สึกว่าเขาจะเอาแต่ใจตัวเองซะเหลือเกิน เวลาอารมณ์เสียจากงานก้อจะพาลมาหน้าบูดใส่สาวหล่า เขาจะบ่ยอมเว้าหยังให้สาวหล่าฟังเลย บางทีอยู่ดีๆ ลูกที่อาม่า กะอาโกเขาเลี้ยงให้อยู่แล้วถ้าผิดใจอีหยังเขา เขากะจะเอาลูกไปเลี้ยงเอง ทั้งๆที่ตัวเองจะต้องทำงาน สาวหล่าบ่ฮู้ว่าเขาเฮ็ดประชดไผ๋ ทั้งที่สาวหล่าเองกะเฮ็ดงานประจำตั้งแต3โมงเช้าจนถึง 4โมงแลง กลับจากเฮ็ดงานกะฟาวมาหาลูกเลี้ยงลูก ทำงานบ้านทุกอย่าง เอาลูกเข้านอน กว่าตัวเองจะได้นอนกะดึกอยู่แล้ว แถมยังต้องตื่นตอนดึกๆเผื่อมาชงนมให้ลูกอีก มามื้อนี่สาวหล่ารู้สึกว่าเมื่อยคักๆ กะเลยขออนุญาตมาเล่าความในใจให้พี่น้องได้ฟัง ...ความเมื่ออยกายของสาวหล่านี่ทนได้เสมอ เฮ็ดทุกมื้อนี่กะเฮ็ดเผื่อลูก คิดเห็นหน้าลูกยามได๋สาวหล่ากะทนได้ แต่เมื่อยใจนี่บ่ฮู้สิเล่าให้ไผ๋ฟังดีน่ะจ้า.....

[bnserver]

จังใดกระต้องทนครับเฮ็ดดีเข้าไว้ จั่งมื้อหนึ่ง เขาจะเห็นความดีของเฮาเองครับ....เป็นกำลังใจให้ครับ.....สู้ๆๆครับ..

[สาวเมืองกะสิน]

เป็นกำลังใจให้นะคะ เอาน้ำเย็นเข้าสู้จ้าสาวหล่า โดยเฉพาะกับสามีเฮา ช่วงที่เขาหน้าบึ้งอารมณ์บ่ดี กะบ่ต้องไปถามเขาดอกจ้า ให้เขาอารมณ์ดีจังหาเรื่องสบายๆใจไปเว้าสู่เขาฟัง แล้วจากนั่นก็ค่อยถามเรื่องที่เขาหงุดหงิดจ้า หรือว่าตอนที่เขาอารมณ์บ่ดี ก็แค่ยิ้มให้เขา หรือว่าถามเขาว่าเหนี่อยหลายบ้อ กินน้ำก่อนบ่คะ ประมาณนี่กะได้จ้า (อั่นนี่เห็นมาจากอีพ่ออีแม่เพิ่นดอกหว้า จะของกะทันมีประสบการดอกจ้า แต่กะอยากแลกเปลี่ยนให้กำลังใจเน๊าะ)
ส่วนเรื่องปู่ย่า(แม่นบ่) กะบ่ทันมีประสบการณ์จ้า แต่ได้ยินแต่เอื้อยที่รู้จักเป็นสะใภ้จีน เพิ่นบอกว่าต้องใช้ความอดทนสูงมากๆๆจ้า เป็นกำลังใจให้นะคะ

จังได่กะมีลูกเป็นแก้วตาดวงใจ ให้ชื่นใจอยู่ดอกจ้า ยามมีเมื่อยล้าท้อแท้เน๊าะ สู้ๆๆจ้า

[คนตระการ...]

สู้เด้อครับสู้ เพื่อลูก........ เออ ถ้ามันหนักหลายกะหนักใจนำคือกัน ความสู้คนเฮากะมีขีดจำกัดคือกันครับ ..เป็นกังลังใจให้ครับ

[พล พระยาแล]

สวีทและเอาใจครับ นี่คือจุดตายของผู้ชาย หากเราทำงานทั้งวัน ขยันดูแลลูก ๆ แต่ถ้าไม่สวีท ทำงานมาเหนื่อย ๆ ก็นอน ผู้ชายจะหงุดหงิด ถ้านานไปก็จะไปหาเศษหาเลยนอกบ้านครับ

เคล็ดลับการเป็นสะใภ้จีน คือต้องอดทนให้เขายอมรับครับ เมื่อใดก็ตามที่วันนั้นเป็นของเรา จะเอาอะไรยกให้หมดครับ ....เชื่อผม เพราะผมเกือบจะได้เป็นเขยจีนมาแล้ว ฮ่า ๆ ๆ

พี่คิดว่าสาวหล่า สู้อยู่แล้ว

[บ่าวจัย]

เป็นธรรมดาของคนจีนครับ ตามที่ผมเฮ็ดงานกับคนจีน(ไต้หวัน)เขาสิเว้าเสียงดัง กะโชกโ้ห้กหาก
เอาแต่ใจด่าลูกเดียวถ้าบ่ถืกใจ ต้องได้แบบนี้(ตามใจเพิ่น) แต่ถ้าบ่ได้คือใจอยากเตรียมเช็ดน้ำตา ใจดีกะดีใจหายคือกันครับ
นิสัยคนจีนสิเป็นแบบนี้ยุแล้ว เป็นลูกใภ้เขาต้องทำใจครับ ถ้าเขาเบิ่งโหง้วเฮ้งแล้วบ่ถืกตา
เตรียมโตเก็บของกลับบ้านครับ เป็นกำลังใจให้ครับ สาวหล่าทนอย่างเดียวถ้ารักลูกเขา และเป็นห่วงลูกเฮา ทน ทน ทน ทน

[สาวผู้ฮ้าย]

ตอบกระทู้น้องสาวหล่า

โทษเด้อ เอื้อยเคยอยู่กับคนจีนมาก่อน ก่อนซิจะเว้า บ่ได้ว่าคาเจ้าดอก แต่ที่ได้ประสบการมา
ตอนเป็นวัยสรุ่นเหอๆๆๆ เอื้อยกะเคยมีแฟนคนจีนคือกัน แต่ ยังบ่ได้เป็นแฟน เหอๆๆ ต้องอธิบาย
แค่คบหากันซื่อๆๆๆ แต่ว่าเจ้ ที่เอื้อยทำงานอยู่นำนั้น เพื้นเป็นคนจีน เพิ้นบอกว่าจริงๆๆแล้ว คาเจ้าบ่ค่อยมัก สะใภ้คนอีสานว่าเป็นขี้คร้านหรืออิหยังหลายๆๆอย่าง จากที่เบิ่งๆๆแล้ว ซงจะแม่น กะเลย ออกห่าง มานั้นคือเกิดกับตัวเอง

แต่ว่า เรื่องราวคล้าย น้องหล่าต้อง (หมู่เอื้อยอยู่ฮ่องกงนิเอง สะใภ้จีนคนคักๆๆๆ) ปัญหาเดียวกันเลย บ่ค่้อยมักสะใภ้ อีสาน หรือเรียกง่ายคือ บ้านนอกๆๆๆๆ ที่เว้ามาคือกันเลยบ่ต้องให้เอื้อยเว้าถึงเนาะ มีลูกอยู่นำกันสองคนเป็นผุชายเหมิด ย่าฮักคักเลี้ยงเองอีกต่างตามใจยังคักคนที่เป็นแม่เฮ็ดหยังกะบ่ได้ พยายามเว้าให้หลานเข้าผิดอยู่เรื่อยๆๆเวลาแก่จะกลับเมืองไทยจะเอาลูกมายามพ่อแม่อยู่บ้านนอก ย่าเพิ่นกะซิบอกว่าอย่าเด้อ บ้านแม่มึงมีแต่ขี้ควาย แนวยุแนวกิน กะหาอยาก อดอยาก พุ้นเด้เพิ้นเว้าไป เลยทำให้เด็กน้อยย้าน บ่อยากไปไสนำ ปัญหายังบ่จบ จนแก่คิดออยากออกไปอยู่ส่วนกับสามีเพิ่นสามีกะไปบ่ได้ เลยต้องยอมทำจัย อยู่ต่อ แต่แล้ว แม่ของสามีกะหาผุสาวใหม่ที่เป็นคนจีนคือกัน แล้วกะให้ไปไสนำกัน คือว่าเนาะจ้าอยู่ไกล้กันดุๆๆๆ ยอมเกิดอะไรมิไรไปทั่ว ก็ต้องทนๆๆๆกับเรื่องแบบนี้ไปเรื่อยจนสุดท้าย แม่สามีจ้างหย่า เป็นเงินไทยประมาณ 4 ล้าน แต่ก็ต้องเอาดีกว่าไม่ได้อะไรเลยทุกวันนี้ ต้องอาศัยเงินรัฐ อยู่กับรัฐ ถ้าจะกลับเมืองไทยกะบ่เห็นหน้าลูก นี้ล่ะชีวิตเมืองนอก บ่สมหวังทุกคนเสมอไปเว้ามาล่ะสงสารหมู่เหอๆๆแต่เว้ามากะอยากได้เด้เงิน 4ล้านนิ ปล.ขอโทษเด้อเพื่อนที่เอาเรื่องราวทุกร์ที่ไม่รับเชิญมาเปิดให้พี่น้องรับรู้ พะนะเพื่อนว่าบ่เป็นหยังดอกอยากระบายคือกัน เหอๆๆๆ

[หนุ่มน้อย]

สาวหล้าเอ้ย อ้ายกะเป็นกำลังใจให้เด้อ ใช้ความอดทน ทำความดี อย่าไปติ ไปด่าผู้ใด เผิ่นติ เผิ่นด่าเฮากะบ่อต้องตอบโต้ แล้วเผิ่นสิฮู้เองว่ามันบ่อเป็นความผิดของเฮา ดีแล้วละที่อดทนเผื่อลูก ทั้งหลายทั้งปวงถ้าเฮาทำความดีไปตลอด คงจะมีสักมื้อละน้อจึงจะพ้อความสุข เอาใจช่วยอยู่เด้อ สาวหล้า

[ร้อยหมื่นพันไมล์ไกลบ้าน]

ก็ยังดีมีคนช่วยดูแลลูกเด้อจ้า
ดีกว่าเลี้ยงคนเดียวเป็นไหนๆค่ะ
ถ้าคึดว่าเฮาลำบาก ให้คึดว่ามีคนลำบากกว่าเฮาอีกจ้า
มันสิช่วยได้ คึดว่าเขาเฮ็ดได้เฮาก็เฮ็ดได้จ้า

[หลินปิงน้อย]

กะน่าเห็นใจยุจ้า แต่วาเฮ็ดจั้งได๋ได่ เพราะนั้นคือสิ่งที่เฮาเลือกแล้ว
ปัญหามีไว้แก้ อุปสรรค์มีไว่ฝ้าฟัน ให้ทำความเข้าใจกับทุกปัญหา แล้วเฮากะเรียนรู้กับมัน
ต่อจากนั้นกะสิซำบายเองจ้า ให้คิดเสมอวา เฮ็ดเพื่อคนที่เฮาฮัก และฮักเฮาเด้อจ้า:l-:l-