คับเรื่องความรักมันกะมีหลายแบบเนาะครับ ฮักหมู่ ฮักพวก ฮักพ่อฮักแม่ ฮักลูกฮักผัว ฮักทุกแบบการกระทำบ่แตกต่างกันป่านได๋ครับ แต่ความรู้สึกบ่เหมือนกัน ทุกคนพอสิฮู้จักความรักแต่ละแบบดี ย้อนกับไปอดีตตอนเป็นเด็กน้อย ขึ้นชั้นประถม ปีที่ 6 ก่อนสิเข้าเรื่องมาฮู้จักบทบาทของพระเอกเฮาก่อนเนาะครับ (พระเอกพะนะ ฮ่าๆๆ) เด็กชายไก่โต้ง กำลังสิเลี่ยนชั้นจาก ป.5 ขึ้น ป.6 ใหม่ๆ ร่วมทั้งเพื่อนๆทุกคน ปีนั้นบ่มีไผช้ำชั้น ชั้น ป.6 กะมีชั้นเรียนสามห้อง มีห้อง ก ข ค เด็กชายไก่โต้งได้อยุ่ห้อง ก ครับ เมื่อเลียนชั้นใหม่กะมี การจัดกิจกรรมในห้องเรียน ต้องเลือกหัวหน้าห้อง และประธานโรงเรียนครับ ในห้อง ก ทุกคนยกมือให้พระเอกเฮา เด็กชายไก่โต้งเป็น หัวหน้าห้อง โดยบ่มีเสียงฝ่ายค้าน โอะ เสียงคัดค้านคับ ฮ่าๆๆ (เว้าป่านนักการเมือง) เลือกหัวหน้าห้องแล่วกะเลือกประธานโรงเรียนครับ ทาง ร.ร มี มติวา ให้ ชั้นป.6 แต่ละห้องหาตัวแทนห้องละคนลงสมัคร และให้น้องๆ จาก ป.1- ป.6 มีสิทธ์เลือกตั้งได้ทุกคน (นี่ละครับเลือกตั้งการเมืองกะมาจากอดีตนี้ละครับผมวา)
ในห้องกะเลยยกมือให้พระเอกเฮา เด็กชายไก่โต้ง ลงสมัคร แต่เด็กชายไก่โต้งบ่ลงสมัคร
เพราะว่าบ่อยากควบสองตำแหน่ง กะเลยให้เพื่อนลงแทน และเป็นตัวแทนเพื่อนหาเสียง ให้ พอถึงวันเลือกตั้ง กะได้เป็นดังคาดไว้ เพื่อนที่ลงสมัครได้เป็นประธาน มีคะแนนเสียงเกินกึ่งหนึ่ง ของผู้เลือกตั้งกะเลยได้เป็นประธาน ประธานมีสิทธ์เลือกลองประธานได้ หนึ่งคน ลองประธานกะเลยมาตกอยู่ เด็กชายไก่โต้ง กะเลยได้ควบสองตำแหน่งคือเก่า คับบทบาทของพระเอกเฮากะจบลง ครับบัดนี่มาเข้าเรื่องครับ
คับเมื่อเสร็จกิจกรรมภายในโรงเรียนแล้ว กะเข้าสู่ภาคเรียนครับ มื้อหนึ่งเมื่อทุกคนเข้าห้องหมดแล้ว ครูประจำชั้นเข้ามา เด็กชายไก่โต้งบอกทำความเคารพ ทุกคนยืนขึ้นทำความเคารพ คุณครูเลยบอกนั่งลง ครูเลยประกาศว่ามือนี่ จะมีเพื่อนใหม่เข้ามาเรียนนำเฮา
เป็นผู้หญิง ชึ่งได้ย้ายมาจากต่างจังหวัด ขอให้ทุกคนยืนขึ้นต้อบรับเพื่อนใหม่ด้วย เมื่อทุกคนยืนขึ้น เพื่อนใหม่ของเฮากะเลยแนะนำตัว ฉัน ชื่อ (บ่ขอเอ่ยนามจริง) ชื่อเล่น ป๋อมแป๋ม เพื่อนทุกคนเหลียวมองดูเธอ ร่วมทั้งเด็กชายไก่โต้ง เด็กชายไก่โต้งตลึงในความเป็นตาฮักพูดจาอ่อนหวานร่าเริงของเธอ และดูหน้าเหมือนคนที่คุ้นเคยกันมาก่อน ความรู้สึกนี้เกิดขึ้นได้จังได่กะบ่ฮู้ เมื่อแนะนำ
โตเสร็จแล้วคุณครูกะเลยให้ เด็กชายไก่โต้งหาที่นั่งให้เธอ เธอกะเลยได้นั่งคู่กับเด็กชายไก่โต้ง เพราะว่าเกิดสนใจเธอขึ้นมาแล้ว
บ่ฮู้คือกัน อยากจะเห็นหน้าเธอชุมื้อได้นั่งคุยได้นั่งมองกะสุขใจแล้ว และเด็กชายไก่โต้งบ่อยากให้มีวันหยุดเลยย่านบ่ได้เห็นหน้าเธอ ฮอดมื้อวันหยุด บ่เช้ากะแลงต้องได้ขี่จักรยานมาหน้าบ้านเธอ ถึงสิบ่ได้เห็นหน้าเธอเห็นแค่บ้านกะมีความสุขใจแล้ว อยู่ ป.6
เด็กชายไก่โต้งบ่ได้ ขาดโรงเรียนจักมื้อเลย ถึงแม้สิไข้กะฝืนมาโรงเรียน เด็กชายไก่โต้งบ่ฮู้คือกันมันเกิดหยังขึ้น คิดถึงเพื่อนๆบางคนกะบ่ท่อนี้ เธอถึงมีอำนาจให้คิดถึงป่านนั้น เด็กชายไก่โต้งคิดถึงฮอดมื้อสิจากลา แล้วสิเฮ้ดจักได๋ดี สิอยู่จักได่ และได้ยินข่าวว่า
เธอคงสิได้เรียนต่อ เพราะว่าเธอจะกับไปชอยงานพี่น้องอยู่บ้านเกิด และมื้อนั้นกะมาถึงบางคนกะเรียนต่อบางคนกะบ่ได้เรียน
ส่วนเด็กชายไก่โต้ง ได้เรียนต่อตามพ่อแม่ได้คาดหวังไว้ มื้อจากลาเด็กชายไก่โต้งเดินไปส่งเธอขึ้นรถ โดยไม่คำเว้าหยังเพราะว่า
มันเว้าบ่ออก มีแต่น้ำตาไหลลง คือสมองมันคิดบ่ออกว่าสิเว้าหยัง แม้แต่ที่อยู่เธอกะบ่ได้ขอไว้ จากกันมื้อนั้นจนฮอดมื้อนี้กะบ่ฮูว่าเธอ ไปอยู่สัย
เป็นตายร้ายดีกะได้ฮู้ข่าว ผู้ชายคนนี้กะขอให้เธออยู่สุขสำบายตลอดไป
[MUSIC]http://dc111.google.co.th/img/80954955/e05eeb6a/dlink__2Fdownload_2F80954955_2Fe05eeb6a_3Ftsid_3D20100622-051318-e84a426c/preview.mp3[/MUSIC]
Bookmarks