ฮักอ้ายผู้เดียว

[khonsurin]

เฮาจัก ตื่มเสน่ร้อย....ผกาพ่วง คำวอน

อ้ายออดอ้อน....เว่าคำ คึดค้น
วอนวอนอ้อน....วอนวอน ลมฝ่า
รักดั่งด้น....ดังค้น ดั่งเชยฯ

ใจน้อง ลอยฝ่าฟ้า....โอ้อ่าว ฝ่าลม

เชยเชยชม....หมื่นเชย ชมช้อย
ลมลมฮัก....ลมลม วอนว่อน
อ้ายเอย หัวใจ่น้อง....ดังต้อง มนตราฯ

ฟากฟ้า ไกลวอนให้....ใจอ่อน คำคน

ตราตรึงตรา....ดั่งตรา ตรึงฮ้อย
คลคลให้....ใจดล ศรดั่ง
ฮักเฮาฮ้อย....ฮักฮ้อย ฮ่วมกันฯ

โอ้เจ้า ดวงดั่งซ้อน....ผกาดั่ง นางน้อง

ปันปันฮัก....ฮ่วมใจ นะอ้าย
วอนวอนคำ....พร่ำวอน คำอ้อน
ฮักบ่ซ้อน....ยอกย้อน พร่ำคำ บ่ลืม

[ทิดจ่อย]

ป้าดๆๆๆ ฝากไว้ก่อนเด้อคำแพงก้อนถ่อแข่ง
จั่งแหม่นลาวคัก ตอนนี้มีงานหลาย เดี๋ยวสิกลับมาตอบ อิ อิ อิ

จักแหม่นลาวไปหลงฮักผู้ใด๋มาจั่งแต่งผญาเป็น
มาเว้าเอาใจส่อยเด้อครับ

[พลายแก้ว]

ขอแจมนำแน่ครับ ครู แฮะๆ แต่แนวกราฟผญากลอน (วิชชุมาลี) บ่าวบ่เป็นนำเด้อ ฮ่าๆๆๆๆ ขอแจมตามถนัดกะแล้วกันเนาะ ขอรับ อิอิ..

หล่านางเอ้ย..อ้ายนี้นอนในห้อง ตรึกตรองน้ำตาหลั่ง
ปุนเปรียบดั่งนกน้อย งอยไม้ฮ่ำไฮ
อยู่กลางไพรพงด้าว ดงหนาแหน่นอั่ง
น้ำตาพังคิดฮอดซู้ ซาวไห้ใส่แต่หมอน
ถึงยามนอนมาแล้ว เฮฮนกลิ้งเกลื่อน
ยามเมื่อเดือนส่องฟ้า นภาพุ้นพุ่งใส
ผัดแฮ่งคิดฮอดไท้ นวนาถทูลหัว
ห่อนสิหวนไปหา กะย่านซังทางอ้าย
ได้แต่เหลือใจฮ้อง ฮนเฮไห้ฮ่ำ
ทารกรรมเกือบม้อย สติข่อยขาดทะลาย พุ้นเยอ..