เป็นอีกเมนูหนึ่งที่เกิดมา พึ่งเฮ็ดกินเองเป็นเทือแรกจ้า เฮ็ดแต่หลายมื้อแล้วหละ แต่บ่มีเวลาลงกระทู้เนาะ
อันนี่กะบ่มีเวลา แต่กะเล่น เมื่อยจัดกระเป๋าแล้วแหม๋
เครื่องปรุง
เนื้อหมูหั่นบางๆหน่อยหลายตามใจผู้สิกินโลดจ้าหมักกันซีอิ๊วขาว พริกไทย น้ำมันหอย
ก๋วยเตี๋ยวเส้นใหญ่สดๆ ตัดๆแหน่เพราะเส้นแผ่นใหญ่คัก หมักกับซีอิ๊วดำพอเส้นสีสวยกะพอ บ่ต้องดำหลายเด้อ ขิวเด๋
กระเทียมสับๆ
คะน้าหั่น, ไข่ไก่จานละ1ฟอง
น้ำมันมะกอกนิดหน่อย
น้ำซุปไก่ น้ำตาล
ลงมือผัดเลยจ้า ผัดทีละจานเด้อจังแซบ ตั้งกระทะ ใส่น้ำมันมะกอก ผัดกระเทียมให้หอม
ใส่หมูที่หมักไว้ ผัดจนหมูเริ่มสุก ใส่ผักคะน้า ผัดพอเข้ากัน แล้วกะใส่ไข่ยีๆให้แตก
ใส่เส้น ใส่น้ำตาล เติมน้ำซุปนิดหน่อย
ผัดแบบไฟแฮงๆ ผัดให้แห้งๆจนเส้นนุ่ม คั่นมือบ่แม่นกะชิมเบิ่งก่อนตักใส่จานกะได้จ้า
เสริ์ฟกับพริกดองน้ำส้ม พริกป่น ตามชอบจ้า เฮ็ดกินเองเทือแรก...แต่แซบกว่าไปซื้อเขาตั้งหลาย อิหลีเด๋ อิอิอิ
เคล็ดลับความแซบต้องผัดทีละ1จานทอนั่นจ้า....
อีกถ้วยกะเป็นก๋วยเตี๋ยวกระดูกหมูอ่อนตุ๋นจ้า
ตุ๋นกระดูกหมูกับเครื่องเทศที่หาได้ แล้วกะมักกินนำ ปรุงรสน้ำซุปตามชอบ
ตุ๋นไฟอ่อนๆจัก4ชั่วโมงจ้า แล้วกะลวกเส้น ผักต่างๆใส่ถ้วย ตักกระดูกหมูตุ๋นใส่
มักแห้งมักน้ำตามสบายเลยจ้า ปรุงคือก๋วยเตี๋ยวทั่วไป...ง่ายๆแต่แซบอีกแล้ว
Bookmarks