หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

หัวข้อ: พ่อ แม่ ปีนี้เฒ่าหลาย

  1. #1
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872

    เรื่องฮิตน่าอ่าน พ่อ แม่ ปีนี้เฒ่าหลาย

    สืบเนื่องจากตอนที่ผมได้กลับบ้านไปยามเพิ่นตอนปีใหม่(ปีหนึ่งสิได้เมื่อเทื่อเดียว)

    เพราะยากงานบ่มีวันหยุดหลายมื้อคือเขา และปีนี้ผมได้เมือบ้านสมใจอยาก หลังจากที่รถออกจาก กทม.ผมสิเอิ้นใส่พ่อกับแม่ว่าคุ้มครองลูกหลานเด้อ

    ลูกหลานสิเดินทางไกล ขอให้พระคุณพ่อแม่จงปกปักษ์รักษาให้ลูกหลานเดินทางปลอดภัย หลังจากยกมือท่วมหัวแล้วกะเดินทางซึ่งมีจุดหมาย หนองคายบ้านเกิด

    ระหว่างที่ขับรถไปกะสิได้รับโทรศัพท์ยุเรื่อยๆเพราะว่าพ่อแม่เพิ่นเป็นห่วงย้านเป็นอันตราย ย้านเฮาหลับต้องโทรมาตลอดทุกๆสองสามชั่วโมง

    สงสัยคือกันเพิ่นบ่หลับบ่นอนบ้อๆๆๆๆๆๆๆยามเฮาขับรถกะอยากมีสมาธิจนต้องบอกเพิ่นว่าบ่ต้องเป็นห่วงดอก

    อีกเดียวสิฮอดบ้านแล้วตอนที่รถวิ่งไปฮอดแถวๆอุดรโทรมาอีกบอกว่าสิฮอดบ้านจักทุ่มจักยามสิรอกินข้าวนำ

    ผมละจุกเลยบ่เคยคิดว่าหัวอกพ่อแม่สิคักปานนี้เพิ่นดีใจหลายที่สิเห็นลูกหลานเมือบ้าน เตรียมของที่เฮามักกินไว้ถ่าทุกอย่าง

    ไปฮอดบ้านตอนประมาณตีสี่ ผมเพิ่งสิดับเครื่องยนต์บ่ทันได้เอิ้นเลยเห็นเพิ่นเปิดไฟสงสัยยังนอนบ่หลับรึว่าบ่ทันได้กินข้าวว่ะอิอิอินึกในใจหิวข้าวบ้อๆๆๆๆๆๆเพิ่นฮ่าๆๆๆๆ

    สิ่งแรกที่ผมสังเกตเห็นคือ ตกมาปีนี้พ่อแม่คือแก่โตลงไปหลายแท้ แต่ว่างานที่ทำยังบ่ลดลงคือจั่งสังขารแน น้อคิดแล้วกะหลูโตนพ่อแม่ขึ้นมาจับใจ

    ทั้งสวนยาง ตัดไม้ยูคา เผาถ่านขาย ทำนา ทำสวนทุกอย่าง หาปูหาปลามาเลี้ยงลูกเลี้ยงหลาน แนมขึ้นไปบนหัวเห็นผมเพิ่นมีสีขาวๆขึ้นมาหลายเส้นแล้ว แ

    ละที่เจ็บใจที่สุดคือ บ่ฮุ้ว่าพ่อเพิ่นเป็นหยังบ่า(ต้นคอ)เพิ่นสิเป็นก้อนเนื้อแข็งๆเกิดขึ้นและถ้าทำงานหนักมากๆสิปวดหันคอบ่ได้เลยตอนนี้ใหญ่ขึ้นมาคัก

    บอกให้ไปหาหมอกะว่ามันเซาเจ็บแล้ว ทุกครั้งที่ผมโทรเมือสิถามแม่ตลอดว่าเป็นได๋แนแล้วก้อนเนื้ออันนั่นแม่กะสิบอกว่าคือเก่า

    บอกกะบ่ฟังผุเฒ่าย้านเสียเงินเนาะครับ และตอนเช้ามาพี่น้องเฮือนข้าง ๆ กะสิมาฮ่วมกันเฮ็ดแนวกินซุกันกิน

    ส่วนตัวแล้วผมสิมักกินต้มเปตปลาไหล พ่อผมลงทุนไปใส่เบ็ดปลาไหลมาให้แต่ว่ามันโตใหญ่เบ็ดขาดไปสามเทื่อเลย แต่ว่าเลาบ่ยอมแพ้

    บาดนี้บ่ใส่แล้วเบ็ดเอาเครื่องสูบน้ำมาสูบออกเลย จัดการขุด ต้องเอาให้ได้สุดท้ายกะได้มาอิหลี ผมเลยต้องกินให้สมกับมันหายากให้เพิ่นดีใจละครับ

    และปีใหม่ที่สิฮอดนี้เพิ่นสิเป็นจั่งได๋แนน้อ คิดฮอดได้แต่โทรหาพอแก้คิดเนาะครับ

    สุดท้ายนี้อยากบอกว่ารักและเป็นห่วง หัวอกคนเป็นพ่อใหม่ ซึ้งแล้วในความเป็นพ่อ เป็นแม่ ขอให้พ่อกับแม่แข็งแรง อยู่กับลูกหลานไปด่นๆเด้อครับ
    แก้ไขครั้งสุดท้ายโดย บ่าวจัย; 06-07-2010 at 10:26. เหตุผล: แก้คำผิด
    หล่อคืออ้าย กินข้าวบายกบตั๋วะหล่า

  2. #2
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    บ่ให้ลาวแก่จั่งได่น้องขนาดลูกกะฃิเข้าวัยกลางคนแล้ว ฮ่า ๆ ๆ
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  3. #3
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    407
    บล็อก
    3
    ปีหน้าเพิ่น หั่งสิเฒ่าคักก่อนี้เด้อบ่าวจัย ฟ้าวเก็บเงินหลายๆแล้วกลับมานอนกินดอก(แค)บ้านเฮาเด้อ...

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    สังขาราอนิจจา สังขารเป็นของไม่เที่ยงครับ อีพ่ออยู่บ้านกะจ่อยลง ๆ จนเหลือแต่เนื้อหุ้มกระดูกครับ

    ซดแกงสิเข้าปากกะยากครับ ตกมาปีนี้กะเถ่าแก่ไป ปีหน้ากะสิเถ่าไป ๆ เรื่อย ๆ กำลังวังชาที่เคยมีกะ

    เหลือน้อยลง ๆ นี่คือวัฏจักรของชีวิตครับ

    เฮาในฐานะลูก ๆ กะอยากให้เพิ่นอยู่นำเฮาดน ๆ สิ่งที่เพิ่นเฮ็ดเพิ่นส่างมา ย้อนกลับไปเบิ่ง

    เพิ่นมีความมานะอดทนกว่าคนรุ่นเฮาหลายครับ งึดเพิ่นอยู่ เว่ามาแล้วน้ำตาสิไหล

  5. #5
    แบ่งปันความรู้และประสบการณ์ สัญลักษณ์ของ บ่าวกระสัง
    วันที่สมัคร
    Nov 2008
    ที่อยู่
    บุรีรัมย์
    กระทู้
    180
    กระทู้ต้นฉบับโดยคุณ ต่วง
    บ่ให้ลาวแก่จั่งได่น้องขนาดลูกกะฃิเข้าวัยกลางคนแล้ว ฮ่า ๆ ๆ
    อ่านจบกะซึ้งๆ พอมาอ่านตอบกลับ :l- :l-

  6. #6
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    ไทย & ยูเค
    กระทู้
    967
    คือกันหล่ะบ่าวจัย อิพ่อกะอิแม่เมเลาก่าเถ่าหลายปีนี่ หง่อมลงๆแหม

    บาดว่าเห็นแต่เพิ่นเถ่า แหล่วลืมเบิ่งจะของแหม ฮ่าาาา บาดไดจะของก่าเถ่าคือกัน

    ฮ่วย !!! เวลามาคือผ่านไปไวแถ่ะหล่ะหือ หือว่าฝันไปน้อ !!


    :l- :1- บ่ออยากเถ่าอ่ะ !!

  7. #7
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    แมนหละครับบ่าวจัย เมือบ้านยามได๋คั่นเพิ่นฮู็้นิสิโทรนำถามตลอดทางคือกัน

    และกะเมือฮอดบ้านแล้ว บ่ว่าอิหยังที่มักกิน หรือว่าอยากกิน สองเฒ่าตายาย

    สิไปหามาให้กินโลดครับ บ่ว่าสิยากปานได๋ บาดเทื่อสิกลับมาทำงานกะไปหา

    ซื้อของฝากมู่พี่น้องทางพี้นำ บ่เคยขาดจักเทื่อแมนข้าวสาร สีให้เทื่อสองกระสอบ

    ปลาแดกทั้งแจ่วและแบบน้ำ ขากลับกะโทรนำจนฮอดหม่องคือกันครับ

    จะแม่นลูกนี่บ่เคยใหญ่จักเทื่อในสายตาพ่อแม่เนาะครับเนาะ

    แม่นบ่พี่น้องว่า

  8. #8
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    อ่านแล้วคิดฮอดอีพ่อแท้หน้อ
    สิ้นเดือนนี้ สิได้กลับบ้านไปหาลาวกะนา
    ขอบคุณหลายที่เขียนเรื่องนี้มาให้อ่านเด้อจ้า อ้ายบ่าวจัย

  9. #9
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    298
    โอ่ยยยยยยยยยยยยยยยย อ้ายจัยแมะ อ่านจบน้ำตาฮ่วงหน่วยเลย
    คิดฮอดอีพ่อกับอีแม่แฮงแท้หึ แต่เดือนนี้จนฮอดเดือนหน้าคืองานหลายคัก
    หึสิเมือบ้านมื้อนี้บ้อออออออออออออ อิอิ

  10. #10
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    เห็นน้องจัยเว้าถึงพ่อแม่ แล้ว แฮงคิดฮอดเผิ่นหลาย อีกบ่กีมื้อกะจะไปหาเผิ่นแล้วหล่ะ
    อิพ่ออิแม่เอ้ย จงตากล้าไว้ไห่ส่ามแนเด้อ อย่าฟ้าวเฮ้ดแล้วก่อนหล่ะ อิอิอิอิ

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •