ขอยกย่อง นักกวีมือเก่า จากเด็กใหม่ครับผม

[รวงข้าว]

จีบอยู่ใสน้อเสี่ยว เฮาคือบ่เห็น
เสี่ยวๆ ออนเอ็มแน่ซิส่งรูปไปให้ แล้วกะมีผู้บ่าวถามหาเจ้าพร้อม ถ้าอยากฮู้ออนให้แน่เด้อ

[แสงเดือนในสายหมอก]

มะคือมีรูปให้ อยากได้นำไปเบิ่ง เด้น้อ
มาเป็นตาอยากพ้อ คนโก้ เจ้าผู้สวย
อยากเห็นนำเจ้าด้วย สิได้บ่ น้อคำ
ว่าเพิ่นดำ หรือขาว จักแม่นสาว หรือเฒ่าแล้ว
กะเฮ็ดหยังบ่ได้แหล่ว แนวเพิ่นมี พร้อมผู้บ่าว
ไปแนะนำให้ผู้สาว ผู้แก้มใส เสี่ยวเจ้า ยังมาเว้าให้หมู่ฟังอยู่น้อ.........อิ ๆ ๆ

[บ่าวพันธ์คนเดิม]

ไจบกันน้อบาดนี่

[บ่าวโจ่โล่]

ขอขอบคุณหลายเด้อเจ้า แสงเดือนในสายหมอก
จักแม่นยอกแม่นทั่งฮ้าย อายซ้ำดอกเจ้าของ
แต่งเป็นความกลอนเข้า เจ้ามือใหม่ แต่ทางได๋
บ่แม่นใหม่แต่นี้บ้อ ประสพการณ์เพิ่นเหลือล้น
พอได้ยลความเว้า กลอนสัมผัส จัดว่าแก่ง
สัมผัสนอกในเจ๋ง ถูกลักษณะ กลอนแปดพร้อม แนวนี้นับว่าไค

เป็นจั่งได๋กันบ้าง เพื่อนเก่าผู้เคยจา หรือเจ้ามาลืมกัน หนีไกลไปใสแล้ว
ผู้เคยแซวเคยเว้า หนีไกล ไปใสน่อ ลืมผู้หน้าพ่อว้อ ทางนี้หล่ะไป่น้อ

เขียนอยากคือกันเนาะ อันแนว ผญา เพิ่นนี่แหม๋ แต่งเป็นกลอนซะไคเนาะ

เป็นจั่งได๋ เธอคนนั้น เพิ่นลืมกันแล้วไป่น่อ
หรือว่าไปพบพ้อ คนไกล้ ๆ ไว้นั่งเคียงหล่ะบ้อ
คนผู้รอความเว้า คิดฮอดเจ้า บ่เว้นหว่าง อยากบอกหลายเด้อนาง
ยังคิดนำเจ้าออ้นต้อน ฝากคำออ้นเว้าส่งไป.....บ่ซำบาย เขียนกะบ่คล่องดอกเจ้าของกะดาย

[บ่าวพันธ์คนเดิม]

บ่าวโจ่โล่ไปเอารูปไผน้อมาโช อิอิ

[ตะวันนา]

...บ่าวแสงเดือนในสายหมอก....จั่งแม่นหลอกหือหยอกกัน
เจ้าเป็นไผน๊อท่าน....คือมาฮุ้ทันแท้ล่ะบ่าว
ตามหาสาวรวงข้าว....นึกว่าเจ้าเคยพบพาน
หือเป็นไผมาอำกัน....ทำให้ฉันนั่นสับสน....(แต่งบ่เป็นนำเพิ่นแหม).....

[แสงเดือนในสายหมอก]

บ่แม่นมาหวังหยอก หลอกไผให้ใจออ่น
กะยังว่าออนซอน อยากเว้านำหมู่เจ้า ความเว้าพัดบ่แข็ง
บ่เคยพ้อ สาวรวงข้าว เผ้าติดตามเพิ่นซื่อ ๆ
จักว่าแม่นเพิ่นคือ มานำถามอยู่จ้อย ๆ ความน้อย ๆ กะบ่เห็น
ไปทางได๋หล่ะเสี่ยวเจ้า คือบ่เว้านำข้อยแท้
คิดฮอดเลาอย่างแจ่งแจ้ ไปใสแท้ จั่งจ่มมา สั่นแหลว

[ตะวันนา]

...ฝากถึงชายผู้รูปหล่อ
นามเพิ่นน๊อ"เต้าหมิงซื่อ"
ท่าเจ้าดลหลายมื่อ
แต่กะยังคือเก่าเด้อ........พะนะ

....เป็นจั่งได๋น๊อชาย
บ่สำบายหายแล้วไป่
กินลาลดแล้วยังไข้
คนอยู่ไกลเป็นห่วงหลาย ซั่นแหล่วววว

[บ่าวโจ่โล่]

แม่นหยังหล่ะสาวแก้ม เบิ่งซงมาคือนำกันดีแท้น่อ
เป็นจั่งได๋ มื้อนี้ยุ่งบ่ หรือว่านำแก้ข่าวให้เสี่ยวเจ้าอยู่แถวนี้บ้อ
ตาแสงมะคือนำเสี่ยวเจ้าคักแท้ มาแซวหาว่าข้อย พาเสี่ยวเจ้าหนี ว่าสั่นแหม๋
มะสิมาใส่ความกันโพดดอกหว๋า............ถ้าแม่นผมพาหนีได้ สิไปลักจูงมือสาวแก้มหนีดอกครั
บ.....เหอ ๆ ๆ (ขออนุญาตไปไอก่อน หัวแฮงหลายโพด)

[บ่าวโจ่โล่]

บ่มีแฮงปานได๋ กินยาได้ กะพอส่วง
แต่คิดฮอดพุ่มพวง คือจั่งสาวซื่อแก้ม กินยาไว้กะบ่เซา
รับทราบแล้วเด้อเจ้า เต้าหมิงซี่อ กะบ่ว่า
มารับจุ๊บน้องหล่า แนวนี้กะแม่นไค
เทิงยังไอ ยังจามพร้อม เป็นหวัดกะยังหว่า
แต่ว่าคิดฮอดหน้า.........มาพ้อหล่า สิซ่วงเซาสั่นตั๋ว