หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

ลูกด่า พ่อ..แม่ จะตกนรกหลุมใด?

  1. #1
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5

    ลูกด่า พ่อ..แม่ จะตกนรกหลุมใด?


    เป็นเรื่องที่ได้ยินได้เห็นกับตา แล้วอดคิดในใจบ่ได้ว่า เขาทำไปได้จังใด่ เอาอะไรทำใจข้างใน ไม่ว่าแต่ ตัวคนเขียนเองแต่คนรอบข้างในใจก็คงคิดเหมือนกัน


    เรื่องเกิดขึ้นบ่นาน ผ่านมา4-5วัน วันนั้นเลิกงานเร็ว ป้าเพิ่นเพิ่นโทรมาให้เข้าไปกินข้าวในช่วงนั้นเป็นช่วงเวลา ประมาณ ทุ่มกว่าๆ เอง แถวซอยเป็นบ้านทาวเฮ้า หันหน้าหากัน มีบ้านตรงข้ามกัน และอีกถัดไป ก็มีผู้คนนั่งคุยกัน เพราะซอยนั้นคนหลายอยู่แล้วเวลาประมาณ นี้ ฝั่งบ้านป้า เพิ่นกำลังทำกับข้าวอยู่ก็อยู่กันหลายคนก็คุยกันไปทำกับข้าวไป (เพราะทำอยู่หน้าบ้าน)
    ในเวลานั้นได้ยินเสียง ทะเลาะกัน แต่ไม่อยากสอดรู้สอดเห็นบ้านขะเจ้า ดอก ค่ะ แต่ว่า บ้านหันหน้าเข้าหากัน ติดกันพร้อมกะเลยต้องมองแม้แต่ไม่มองก็ได้ยินค่ะ ได้ยินเสียง เด็กสาววัยรุ่น ประมาณ อยู่ ปวช-ปวส บ่แน่ใจ เพราะเห็นจากการใส่ชุดนักเรียนเหมือนเด็กญี่ปุ่น ไม่รู้ว่าขะเจ้า เถียงหรือทะเลาะหยังกัน แต่ได้ยินเสียงเธอ ตะโกน ให้ ผู้เป็นพ่อ แบบฟังแล้ว ใจเต้นและคิดไปไกลว่าเธอทำได้ยังไง


    ลูก--->" ไว้เบิ่งโลด ข่อยสิมาหลอกเจ้า เป็นคนแรก" ประโยชน์ แรกผ่านไป แล้วได้ยิน แต่แม่ เอ่ยออกมา ว่าอย่าไปๆ แต่ไม่ได้ยินเสียงพ่อ

    ลูก--->"ข่อยสิไป " แล้วเธอก็ไปขับมอเตอร์ไซต์ แล้วก็ตะโกน ออกมาดังๆ เบิ้น รถใส่ พ่อกะแม่ แต่ประโยคที่ เธอบ่ได้ว่าแม่ แต่เธอ กับไปด่า เต็มปากเต็มคำกับ คนที่ เป็นพ่อของ เธอเองว่า "บักควาย""กูบ่มาดอก ถ้ากูตายสิมาหลอกมึงหละเป็นคนแรก" อีก คำ ก่อนเธอจะบิดมอไซต์ ไปจากพ่อ " บักควายเอ่ย" นี้บ่ คนที่เป็นลูกสาว แต่กลับมาทำกับผู้เพิ่นเป็นผู้ให้กำเนิด บุญคุณที่ส่งเธอเรียน ใหญ่มาขนาดนี้ แล้ว เธอคนนี้ เอาหยังทำใจ คิดแล้วเธอคนนี้คงบาปหนักหนาแน่นอนในใจฉันคิด

    มื่อนั้นคนที่นั่งอยู่นอกบ้าน ในบ้าน ออกมา ยืนเบิ่งว่า เธอคนนั้นด่าใครพอเห็น ต่างกับพาอัน ส่ายศรีษะ(ส่ายหัว) ไปตามๆกัน

    อยากให้พี่น้องซ่อยคิดแน่ว่า เด็กสาวคนนี้ เธอจะบาปหนักขนาดใดในการกระทำของเธอในวันนั้น


    ขอบคุณที่พี่น้องเข้ามาอ่านนะค่ะ
    หมูหวาน
    แก้ไขครั้งสุดท้ายโดย หมูหวาน; 29-06-2010 at 15:17.


  2. #2
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    โอ๊ะโอ๋... มีบางเทื่อที่น้องหลิน จ่มให้เฒ่าพ่อ ยามเลาเมาแต่บ่เคยมีคำแบบนี่เลย แต่ถ้าศูนย์หลายๆ

    กะสิบ่เว้านำเลา 1-2 มื่อ (แต่กะเฮ็ดกับข้าวให้กินคือเก่าอยู่)

  3. #3
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    เป็นลูกเป็นหลาน เอาขี้เถ้า ยัดปาก ตายตั้งแต่น้อย ๆ - -


    เถียงพ่อแม่ เคยมี แต่ ด่า บ่เคยคับ

  4. #4
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    เด็กคนนี้ตอนนี้ยังบ่รู้ดอกว่า พ่อกับแม่สิเจ็บปวดหัวใจปานได๋กับคำเว้าของเธอ

    เวลาที่เธอมีลูกกะสิถืกลูกด่าแบบนี้คือกัน รับรองมื้อนั่นเธอสิไห้และคิดได้แน่นอน

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    สวรรค์อยู่ในอกนรกก็อยู่ในใจนี่แหละครับ
    ใจเย็นหนุ่มบ้านไกล ..."มา-ตา-ปิต-ตุ-อุ-ปัฏ-ฐา-นัง"...
    ท่านมหาเปรียญมาแปลให่ผมแหน่เด้อครับ

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    มาตาปิตุอุปัฏฐานัง เอตัมมังคะละมุตตะมัง การบำรุงมารดาบิดา เป็นอุดมมงคล บุคคลหญิงชายใดที่เกิดมาได้ปฎิบัติมารดาบิดาให้เป็นสุข จัดว่าเป็นมงคลอันประเสริฐโดยวิเศษ เอวัง

  7. #7
    แบ่งปันความรู้และประสบการณ์ สัญลักษณ์ของ บ่าวจอบบ้อน
    วันที่สมัคร
    Oct 2009
    กระทู้
    336
    กะบ่แน่คือกันครับว่าเขาเว่าออกมาด้วยอารมย์และเหตุผลใด

    บางทีเฮาเป็นคนฟังกะต้องเปิดใจฟังก่อนว่าเขามีหยังในใจจั่งได่เว่าออกมาแบบนั้น อย่าฟ้าวไปตัดสินใจว่าเขาผิด ให้เฮาฮู้จริงก่อนเด้อครับจั่งได้วินิจฉัย

    อันนี้เคยเห็นมาคือกันครับแต่บ่แม่นคนเดียวกันกับพี่หมูหวานดอก บางทีสิ่งที่เฮาได่ยินหรือได่เห็นอาจบ่เป็นคือสิ่งที่เฮาคิดกะได่

    ยกตัวอย่างแบบคือทุกคนได่ยินสิ่งแรกกะต้องว่าผู้หญิงคนนี่ผิดเต็มๆแน่นอนครับ ที่ไปว่าพ่อว่าแม่แบบนั้น เป็นบ่าวจอบบ้อนได่ยินกะต้องคิดแบบพี่ๆน้องไทบ้านมหาว่า

    แต่หากเฮามองในมุมกว้างบางทีผู้หญิงคนนี้อาจอยากบอกสังคมกะได่ว่าครอบครัวของเขามีปัญหาอย่างใดอย่างหนึ่ง ขอใช้หลักสูตรสืบสวนเน๊าะครับ(ตามประสาคนบ้าหนัง)

    เหตุผลที่คนทั่วไปอาจบ่รู้กะคือ(นี่คือการคาดเดาเด้อครับ)...พ่อเขาอาจบ่แม่นพ่อที่แท้จริงกะได่มั้ง เขาอาจบ่ได่รับความเป็นธรรมจากครอบครัวเรื่องใดเรื่องหนึ่งกะได่

    บางทีพ่อเขาอาจล่วงเกินน้องผู้หญิงคนนั้นกะได่ เขาบอกไผบ่ได่เขาเลยปลดปล่อยอารมย์ออกมา เพื่อให้การทะเลาะนั้นนำพาไปถึงการระบายและกะเว่าความจริงต่อสังคม

    เพื่อให้สังคมรอบข้างเห็นใจอย่าลืมเด้อครับว่า หากแม่เห็นดีนำแม่นลูกสิเว่าฝ่ายเดียวสังคมอาจบ่เชื่อกะได่หากบ่มีหลักฐานแน่นหนา

    สังคมสมัยสู่มื่อนี่เปลี่ยนไปหลาย ต้องคิดให้รอบด้าน เหรียญบ่มี2ด้านคือสู่คนเข้าใจเด้อครับ อันที่จริงมันมี3ด้านลองเอาเหรียญมาเบิ่งมันสิมี3ด้านคือบ่าวจอบบ้อนว่าบ่

    บ่าวจอบบ้อนเคยไปอยู่กับระดับ.....คนหนึ่งลูกสาวเลาบ่ค่อยซ่อยงานพ่อชอบเถียงพ่อและกะด่าพ่อแบบคือพี่หมูหวานได่ยินมาแบบนั้นหล่ะ

    บ่าวจอบบ้อนได่ยินกะยอมรับว่าซังหลายเป็นผู้หญิงบ่ได่บวชได่เรียนกะยังฮุ้จักด่าพ่อส่ำเสี่ยวตกนรกแท้ๆเด้อบ่าวจอบบ้อนคิดในใจ

    บ่าวจอบบ้อนได่ซ่อยเวียกซ่อยงานเพิ่นนั่นเวลามันผ่านไปเมื่อบ่าวจอบบ้อนได่สนิทกับน้องๆลูกสาวของเพิ่นและกะสามีของเพิ่นเฮาสนิทกันดี และยิ่งอยู่มาเรื่อยๆกะได่เห้นพฤติกรรมของพ่อของเพิ่น

    จึงได่เข้าใจว่าเป็นหยังลูกสาวจั่งได่ด่าพ่อแบบนั้น น้องๆเองเขากะเว่าให้บ่าวจอบบ้อนฟังว่ารับบ่ได่ที่พ่อเป็นคนเจ้าชู้แม้แต่ผู้หญิงรุ่นหลานรุ่นเหลนกะเอาบ่เลือกหน้า

    ขนาดเหลนแท้ๆอายุ13ปีกะยังไปกระทำชำเลาเขาได่ ขนาดเด็กหญิงคนนั้นมีศักดิ์เป็นหลานของเมียเพิ่น

    น้องเขาบอกว่าเขาสงสารแม่ที่ต้องเสียใจกับความเลวของพ่อ แต่แม่กะบ่อาจเลิกกับพ่อได่ย้อนว่าอายุกะมากแล้วอีกทั้งชื่อเสียงมันกะค้ำคออยู่

    พอน้องเขาได่ระบายความอัดอั้นตันใจให้ฟังจึงได้เข้าใจเหตุและผล สุดท้ายความเลวของพ่อบ่อาจเทียบได่กับสิ่งที่เขาว่าไป

    ที่บ่าวจอบบ้อนเว่ามาให้ฟังกะหวังเป็นอย่างยิ่งว่าพี่น้องบ้านมหาของเฮาสิได่มุมมองใหม่กับสิ่งที่ได่ยินได่เห็นบางครั้งด่วนสรุปไปเลยว่าไผผิดไผถืกกะบ่ได่ดอกครับ

    เพราะเฮายังบ่ทันได่ฟังเหตุผลของแต่ละฝ่าย แต่สิ่งที่เฮาได่ยินเป็นไผกะรับบ่ได่เน๊าะครับเพราะบ้านเมืองเฮาเป็นเมืองพุทธ แต่อย่าลืมเด้อครับว่าใจคนหยั่งบ่ได่มันลึกเกินที่สิเข้าใจแม้แต่คนไกล้ตัว

  8. #8
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    2,090
    เครื่องหมายคนดี บ่ คือบั้ง คือขีด คือดาว..แต่คือความกตัญญู
    การอบรมเลี้ยงดูมีส่วนเพิ่นถึงว่าเด็กน้อยแรกเกิดดั่งผ้าขาว...แต่เด็กที่ด่าพ่อ ด่าแม่..
    ด้วยอารมณ์ ด้วยความไม่รู้จักคิด ดัวยนิสัยที่ฝังรากลึกก็เกินที่ใจ จะให้...อภัยได้
    เรื่องนี้ก็คงต้องเบิ่งหลายส่วนเพราะเราบ่ได้ อยู่ใกล้ชิด ในครอบครัว
    แต่ถ้าเป็นครอบครัวที่มีความสัมพันธ์ปกติแท้ พ่อบ่ได้เฮ็ดหยัง..ลูกสาวคนนี้
    กะคือสิตกนรก...ทำสิ่งใดภายหน้า สะกดคำว่าเจริญไม่เป็น

  9. #9
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    ขอบคุณอ้ายๆเอื่อยที่เข้ามาแสดงความคิดเห็นจ้า

    อ้ายบ่าวจอบบ้อน//เรื่องที่หมูหวานเว้ามา ขะเจ้าเป็นพ่อลูกกันแท้ๆจ้า แค่พ่อแม่ห้ามบ่ให้ไปเที่ยวจ้า แต่ลูกสาวบ่ฟัง และ น้องคนนั้น เอารถมอไซต์ของหมู่มาขับพ่อแม่เลยห้ามจ้า เพราะย้านเกิดอุบัติเหตุเลยห้ามแต่น้องเขาจะไปให้ได้ กะเลยเกิดเหตุการดังที่เว้ามาจ้า


  10. #10
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    ซ่างเป็นเนาะนางอั่นนี้..อย่าว่าแต่บาปเลยกรรมนั่นล่ะสิเห็นทันตาบ่ต้องรอชาติหน้าดอกเห็นกันจะๆในชาตินี้แน่นอนคนที่ด่าพ่อด่าแม่.. ตายไปจั๊กสิได้เกิดมาเป็นคนอีกบ่บุ๊..แม้แต่คิดว่าพ่อกับแม่บ่ดีกะบาปหนาแล้วจ้า..