หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: ย้อนรอย..โทรทัศน์เครื่องแรกของหมู่บ้าน

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    บ้านมหาโพสต์ ย้อนรอย..โทรทัศน์เครื่องแรกของหมู่บ้าน

    โทรทัศน์เครื่องแรกของหมู่บ้านข่อยเป็นโทรทัศน์ขาวดำ 14 นิ้ว ลุงดำเลาเป็นทหารเกณฑ์พอปลดเลาซื้อโทรทัศน์กลับบ้าน ซุมข่อยเป็นเด็กน้อยพากันมาหุ่มเบิ่งวาสั่น ว่าโทรทัศน์มันหน้าตาจั่งใด๋

    ย้อนรอย..โทรทัศน์เครื่องแรกของหมู่บ้าน

    ขอบคุณเจ้าของภาพครับ

    แต่ก่อนบ่มีไฟฟ้า เพิ่นใช้เครื่องปั่นไฟเอา เสาร์-อาทิตย์ มีหมอลำเรื่องต่อกลอนถ่ายทอดจากช่อง 4 ขอนแก่น ผุเถ่าผุแก่พากันหิ้วกะต่าหมากมาเบิ่งหมอลำเต็มเฮียน เจ้าของบ้านทำหน้าที่ต้อนรับแขก ปานงานดองเอาโลด

    บ้านกะเป็นสังกะสีซาแหล่ว ยามกังเว็นฮ้อนปานหยังกะพากันเบิ่งจนว่าจบ พัดลมกะบ่มีพากันหาแนววีวาบ ๆ อยู่ เหลียวเบิ่งหน้าไผยางตายไหลออกเหลี่ยมมาบ ๆ หมอลำกะม่วนคัก พากันไห้วาสั่นผุเถ่ากะดาย

    ยามมื่อแลงซุมข่อยเลิกเรียนแล้วกะไปอวนอัว ๆ บ้านเพิ่นนั่นล่ะ เพิ่นบอกเจียหมูกะเจีย เพิ่นบอกไปสีข้าวกะไป แลกกับการเบิ่งโทรทัศน์ ช่วงนั้นติดไอ้มดแดง กับหน้ากากเสือ พอเบิ่งแล้วกะพากันมากระโดดฮั้วถีบกัน กูเป็นไอ้มดแดงเด้อ มึงเป็นสัตว์ประหลาดพะนะ โดดถีบกันล้มหัวแตก ปากแตกกะมี ฮ่า ๆ ๆ

    ยามมื่อแลงตอนหัวค่ำวันพฤหัสบดี แมนบ่ล่ะหือจำบ่ได้ กะสิมีมวยทางช่อง 4 ขอนแก่น รายการทีวีบ๊อกซิ่ง เจ้าของเพิ่นยกโทรทัศน์มาไว้หม่องหัวคันได คนเบิ่งนั่งอยู่เดิ่นบ้าน เสียงเฮมวยดังไปทั่วหมู่บ้าน หมู่บ้านละแวกนั้นพากันถีบจักรยานมาเบิ่งมวยปานงานวัดกะบ่ปาน

    โทรทัศน์ 14 นิ้ว จอเดียว คนเบิ่งวาแมนเกือบสองร้อยพุ่นล่ะเบิ่งซงกะดาย พอฮอดมื่อกะพากันมา บรรยากาศอบอุ่นคัก ต่อมาพ่อใหญ่ชิดเลากะมีโทรทัศน์ขาวดำ 20 นิ้ว คนกะแบ่งมาทางบ้านพ่อใหญ่ชิดส่วนหลาย เพราะจอใหญ่กว่า

    ต่อมาเครื่องที่ 3 พ่อใหญ่วันทา เครื่องที่ 4 ที่ 5 กะตามมา แต่ส่วนหลายสิเป็นโทรทัศน์ขาวดำ โทรทัศน์สีเริ่มมีในเวลาต่อมา ตอนไฟฟ้าเข้าหมู่บ้านแล้ว หลังจากนั้นกะมีตู้เย็น และอื่น ๆ ตามมา ความเจริญกะย่างกรายเข้ามาสู่แผ่นดินอีสานบ้านเฮา

    ส่วนโทรทัศน์เครื่องแรกของบ้านข่อย อีแม่เลาอยากได้ เห็นผู้นั้นกะมี ผู้นี้กะมี พวกข่อยกะพากันไปเบิ่งแต่บ้านเพิ่น เลากะเลยหลูโตนลูก กะเลยซื้อ เป็นโทรทัศน์สี 20 นิ้ว โตชิบ้า ซื้อมาหมื่นห้าพันกว่าบาท สมัยนั้นแพงคัก
    แก้ไขครั้งสุดท้ายโดย พล พระยาแล; 03-07-2010 at 18:45.

  2. #2
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ทางอุบลบ้านจ่าเหลืองคับ เครื่องแรก บ้านพ่อใหญ่ผมเอง ตอนนั้น ปี 2522 ไฟฟ้าเข้าถึงหมูบ้าน น้าชายผมเผิ่นไปเมืองนอก ไปประเทศซาอุ เฮ็ดงานในสนามบินกรุงริยาส ซื้อมาเครื่องขาวดำ ป้าด..ยามมวยวันเสาร์ อาทิตย์ และละครหลังข่าว คนเป็นร้อยคืออ้ายว่าพู้นละ ทุกมื้อเฮื่อนไผ่เฮื่อนมัน..

  3. #3
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    55555มาแจมทุกกระทู้อ้ายพลเอาโลดแบบวาถืกใจหลาย...โททัดหมู่บ้านข่อยเครื่องแรกกะเฮือนแม่ใหญ่มี เลากะเอามาตั้งไว้คันไดเฮือนแล้วไทบ้านกะมานั่งยุเดิ่นบ้านเลานั่นล่ะยามมื่อคืนกะมาเบิ่งหนัง(ละคร)กันเต็มดิ่นบ้านเลายุ ขั่นยามโฆษนากะต้องปิดไว้ก่อนเด้แบตฯมันสิเบิดก่อนก๋าว่าหนังมาแล้วจังเปิดอิอิอิแม่นแท้ยามเบิ่งอยู่ดีๆแบตฯมันสิเบิดจอมันกะสิเหลือน้อยๆ พวกพุเฒ่าพากันลุ้นวาสั่นอิอิอิเว่ามาล่ะกะอยากหัวหลาย...แต่กะม่วนหลายเพราะวามีหมู่เบิ่งนำหลายคนพ้อม

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    อยู่บ้านกะมีเครื่องหนึ่งของครู20นิ้ว ขาวดำ แล้วปีต่อๆมากะมีอีก2เครื่อง เบิ่งแต่ละเทื่อเป็น100คนคืออ้ายพลว่าละครับ เพิ่นเอาตั้งไว้ซานบันได คนนั่งเบิ่งเต็มเดิ่นบ้าน (ผมยังงึดอยู่ว่าเบิ่งกันได้จั่งได ไกลปานนั่น) แต่กะเบิ่งชัดดี หรืออาจสิเป็นว่าบริเวณมันมืดบ้อ....บางมื่อไปไต้กบกะแวะเบิ่ง ข่องยังแขวนอยู่แอวอยู่

  5. #5
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5

    ดวงดาว The Star มาแจม

    โทรทัศน์เครื่องแรกของต่าย
    จำเกือบบ่ได้จ้า..น่าสิเป็นฮิตาชิเปิดปุ๊ปติดปั๊บจ้า..
    แล้วกะซิงเกอร์ อิอิ ทนขนาดเลยจ้า....
    ตอนบ่มี..กะไปจอบเบิ้งบ้านไทบ้าน..ตาหลูโตนจะของคักจ้า
    :l-

  6. #6
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    756
    บล็อก
    1
    55555555 อ่านกะทุ้นี้แล้ว สะมาคือกันแท้อ้ายพล บ้านข่อย เครื่องแรก คือเฮียนผุ้ใหญ่บ้าน จำได้ว่า ไปจอบเบิ่งอยุ่หัวกะไดบ้านเพิ่น ลูกชายเพิ่นขี้แพง บ่อยากไห้เบิ่ง ตะซังๆๆเว้ามาแล้วกะดาย ฮ่าๆๆ ขนาดหมู่กันเด้นิ ตะเปนเด็กน้อย มันเป็นตะซังคัก คุมื้อนี้ เห้นหน้ามันพากันเว้าเรื่องนี้ยามได๋ หัวจนน้ำตาไหล กลายเปนเรื่องตลกไปเลย บาดตอนนั้นน๊า ตอนเปนเดกน้อย มันละบ่ตลกเนาะ มื้อใด๋มันอารมณ์ดี กะเอิ้นไปนั่งเบิ่งนำเทิงเฮียน หือบ่สั่นกะ ยกลงมาตะล่าง ตอนนั้นบ่ทันมีไฟฟ้าดอก เพิ่นใช้ไฟหม้อแบตรถกระบะเพิ่นเปิดเอา คั่นไฟหม้อแบตเมิด กะพากันยุ้รถซอ่ยเพิ่น จนสตาร์ทติด ฮ่าๆๆ เว้ามาละอยากหัวตะกี้เนาะ คุมื้อนี้น๊า จอแบน จอบักใหญ่ กะบ่เปิดเบิ่งจักเทือ งุมนำตะคอม บาดตะน้อยๆๆวะสั่น ของขะเจ้าแท้ๆๆ เขาแพงเขาหวง กะไปจอบเบิ่ง จักถึกเขาว่าไห้ กะหน้ามึนจอบเบิ่งเสย

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    เป็นตาหลูโตนซุมเฮาเด็กน้อยคักเนาะเว่ามากะดาย เพิ่นบอกให้เฮ็ดหยังกะเฮ็ดตามเพิ่น ลูกซายเพิ่นสิถือไม้แส่ด่าซุมข่อย ปานว่าหมูปานว่าหมา ถ้าไผล้ำเส้นไปนั่งใกล้โทรทัศน์เพิ่นกะสิเอาไม้ลำปอตี บางเทือข่อยนั่งไห้กะมี แต่กะบ่หนีย่อนว่าอยากเบิ่งหนัง

    ข่อยมาเว่าให้อีแม่ข่อยฟัง เลาบอกว่าสูพากันไปเบิ่งเฮ็ดหยังล่ะ ไปนานำแม่ แม่สิพาไปเสียหญ้า โตกะไปอยู่ แต่ใจคิดนำหนังกระบี่ไร้เทียมทานม่อง ๆ อยู่ ฮุ้นโปยเอี้ยง มันสิถืกต๊กโกบ่เต๊ก ยาดบัวหิมะได้บ่น้อ ๆ พะนะ

    พอมาฮอดบ้านกะฟ้าวแลนไปบ้านหมู่ ถามว่าฮอดตอนใด๋แล้วสูพะนะ ช่วงนั้นติดโทรทัศน์คัก ยามกังเว็นบ่ไปไสดอก อวนอัว ๆ ใกล้ ๆ บ้านเพิ่นนั่นล่ะ ฮอดเวลาหนังสิมาเพิ่นบ่เปิดทำเป็นฟอร์มบ่สนใจ กะฮังหุนหวยคัก พากันเว่าดัง ๆ ให้ลูกซายเพิ่นได้ยิน มื่อวานนี้ฮุ้นโปยเอี้ยงใกล้สิตายแล้วเด้สู ... ลูกซายเพิ่นได้ยินกะไปสตาร์ทเครื่องปั่นไฟ ดีใจหลาย พากันแล่นไปนั่งสลอน ได้เบิ่งแล้วมื่อนี่ ฮ่า ๆ ๆ

  8. #8
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    เครื่องแรกที่บ้านผมมีกะคือโทรทัศน์ขาวดำ จอ 14 นิ้ว ยี่ห้อ โอเรียล ครับ ว่าแม่นเครื่องแรกในหมู่บ้านกะว่าได่ครับ
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  9. #9
    ที่ปรึกษาด้านกฎหมาย สัญลักษณ์ของ sert1964
    วันที่สมัคร
    Nov 2007
    กระทู้
    314
    บ้านผมมีไฟฟ้าปี 2524 โทรทัศน์ขาวดำเครื่องแรก 14 นิ้วกะตามมาอยู่บ้านเจ้สอ เพิ่นมีเพราะว่าผัวเพิ่นขับแท็กซี่ในกรุงเทพฯ ตอนนั้นจำได้คักว่าหนังดังที่สุดคือ เจ้าหญิงแตงอ่อน

  10. #10
    ร่วมถ่ายทอดความรู้สู่สังคม สัญลักษณ์ของ maxwell007
    วันที่สมัคร
    Dec 2007
    ที่อยู่
    สามย่าน
    กระทู้
    474
    บล็อก
    14
    จำได่ว่าทีวีเครื่องแรกของหมู่บ้านผมตอนนั้นยังบ่มีไฟฟ้าเลย ยังต้องอาศัยแบตเตอรี่ยุเลย ไฟฟ้าเข้าหมู่บ้านครั้งแรกเมื่อปี 2528

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •