กำลังแสดงผล 1 ถึง 6 จากทั้งหมด 6

ถามข่าวสาวศรีสะเกษ

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    ถามข่าวสาวศรีสะเกษ

    สิบนิ้วประนมนอบน้อม วันทาไหว้คุณครูบาผู้สอนสั่ง
    อีกทั้งปราชญ์ผู้เก่งกล้าเนายั้งบ้านมหา
    อั่นว่าโตผู้ข้าเฮียนมาน้อย ปัญญาเบายังบ่อค่อง
    ชั่วโมงบินกะหากสั้ั้น ประสบการณ์นั้นหากบ่อหลาย
    ขออนุญาตน้องและ้อ้ายเอื้อนเอ่ยกลอนผญา
    ขอเอื้อนเ่อ่ยวาจาเว้าอีสานเฮาได้สืบต่อ
    ขอคำชมไว้ใส่เกล้า คำตินั้นน้อมใส่ใจ
    ขออภัยทุกๆ ท่าน หากบทกลอนยังบ่อค่อง
    อักขระสำเนียงบ่อถืกต้องติติงบ้างอย่าหน่ายแหนง


    ดวงตะวันลงลับไม้ัสาดแสงส่องทางประจิม
    บูรพาสลัวลงมืดควนคุงด้าว
    เมฆตั้งเค้าทางหรดีฟ้าฮ้องห่วน
    คึดฮอดมวลหมู่เจ้า "สาวศรีสะเกษ" น้อง นางหล่าอยู่จั่งใด๋
    สาว "ราษีไศล" ไปไกลพุ้น หากินอยู่ต่างถิ่น
    บ่อถวิลถิ่นบ้าน นาแล้งได้จากจร
    สาว "อุทุมพรพิสัย" ว่านั้น ไปหากินต่างประเทศ
    เหตุความจนวนอยู่ใกล้จั่งไลบ้านจากถิ่นเดิม
    อยากเสริมคำควมเว้า นำผู้สาว ทาง "พยุห์"
    อยู่ดีกินแซบแหน่บ้อหล่า สาว "เมืองจันทร์" น้อง อยู่จั่งใ่ด๋
    สาวคนไค ทาง"น้ำเกลี้ยง" ยินเสียงส่า ว่างามหลาย
    บ่อได้ข่าวมานานปี แต่งงานแล้วบ้อน้อง
    อ้ายยังคองคอยถ่า สาว "บึงบูร์" ์ผู้งามค่อง
    สาว "กันทรารมย์" นาถน้อง มีแฟนแล้วไป่นาง
    หรือยังคงนอนอ้างว้าง รอถ่าเผิ่นผู้ใด๋
    เคยได้นั่งอยู่ไกล้ สาว"โพธิ์ศรีสุวรรณ"คนงามล้ำ ไทบ้านส่า
    เป็นจั่งใด๋น้องหล่า ทางกรุงกว้างเจ้าเฮ็ดงาน
    สาว "อำเภอเมือง" เจ้านั้นเคืองเคียดแค้น แนวใด๋บ่อให้ข่าว
    สาว "ไพรบึง" เจ้า อย่าหน้าบึ้ง ยามอ้ายนั้นหยอกเอิน
    ยามเจ้าเขินแห่งงามโก้ สาว "วังหิน" แก้มจู่นพู่น
    คิดเห็นคราวก่อนพุ้น เคยคุยเจ้า สาว"ยางชุมน้อย" กะแห่งงาม
    ทางบูรพาก้ำ สาว "กันทรลักษ์" โนนดินแดง
    เป็นจั่งใด๋คำแพง ผลผลิตลำใย ในปีนี้
    คือสิดีอยู่น้อน้อง อ้ายขอจองสิไปแต่ง
    คึดฮอดแฮงหลายอยากสิไปพบพ้อ
    สาวน้อย "ขุนหาญ"ก้ำ ถิ่นอุดม
    คำคมๆ บาดใจอ้าย สาว "โนนคูณ ,ศรีรัตนะ"
    คึดนำผู้ที่มุมานะ สู้เวียกงานขายไก่ย่าง สาวน้อย "ห้วยทับทัน"
    คึดฮอดคือกันเด้อน้อง สาวแก้มแดงทาง "ปรางค์กู่"ู่
    สาว"เบญจลักษ์" อ้ายยังคึดหวนฮ่ำฮู้ อดีตย้อน ได้ผ่านมา
    บอกฮักผ่านฝากฟ้า สาวทาง "ภูสิงห์" อีกคนหนึ่ง
    สาวเมืองเ่ก่า เคยฮู้สึกซาบซึ้ง คึดถึงน้องอยู่สู่วัน
    สาว "ขุุขันธ์ "์้ ว่านั้นอ้ายมีใจได้คึดต่อ
    ฝากคำเว้าสั้นๆ ไปหาน้องว่า เลิฟ เนียง
    แก้ไขครั้งสุดท้ายโดย ทิดจ่อย; 05-07-2010 at 15:22.

  2. #2
    บูยยยย เลิฟ เนียง พะนะว่า ฮ่าๆๆๆๆๆๆๆๆๆๆ คักๆอ้ายทิด ม่วนหลายครับ ว่าแต่...อั่น เนียงทางบ้านได๋น้อขอรับ ฮ่าๆๆๆๆ บอกแน่เด้อ ลังค่าได้กินก้อยเดิก เอิ๊กๆๆๆๆๆ

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    "บองซะลันเนียง"หว่าซั่นมันแหม่นบ่หล่ะน้องเพ็นนีมาแปลให้ฟังหแน่
    ทิดเอ้ย..มาคือบ่ไปให่แหน่แถวบ้านหนองไฮ กันทรารมย์
    บ้านปู่สังก่ะสาหย่าสังก่ะสีผมก่ะมาจากหม่องนี่หล่ะครับ
    หรือสิข่ามชีมาทางเขื่องในอิกนิดเดียวก่ะฮอดบ้าน
    อาจารย์โจ่โล่่กับบ้านผมแล้วตั๊วครับ
    :l-:1-:l-
    แก้ไขครั้งสุดท้ายโดย pcalibration; 22-07-2010 at 13:24.

  4. #4
    แบ่งปันความรู้และประสบการณ์ สัญลักษณ์ของ ริมฝั่งหนองคู
    วันที่สมัคร
    Oct 2008
    ที่อยู่
    ประเวศ กรุงเทพ
    กระทู้
    87
    ริมฝั่งหนองคู จาก มหานครวังหินยัง OK ครับ

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    ว่าสิย้ายบ้านไปทางนั้นยุอ้ายทิดจ่อย อิอิ
    ผุสาวงามหลายอ้าย

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    อย่างพึ่งน้อยใจเด้อน้องหล่าสาวขวัญตา "ศิลาลาด"
    เจ้าผู้งามอาดหลาดพอปานวาดแต่งไว ้ใจอ้ายบ่อเหล่าลืม
    ยังอยู่ในหัวใจปลื้ม บ่อเคยลืมแม้แต่หน่อย
    ยังคอยห่วงดวงสมรนาถน้องอยู่ในหลืบแห่งใจ...พี่เด้


    อ้างถึง กระทู้อ้ายพี
    "บองซะลันเนียง"หว่าซั่นมันแหม่นบ่หล่ะน้องเพ็นนีมาแปลให้ฟังหแน่
    ทิดเอ้ย..มาคือบ่ไปให่แหน่แถวบ้านหนองไฮ กันทรารมย์
    บ้านปู่สังก่ะสาหย่าสังสังก่ะสีผมก่ะมาจากหม่องนี่หล่ะครับ
    หรือสิข่ามชีมาทางเขื่องในอิกนิดเดียวก่ะฮอดบ้าน
    อาจารย์โจ่โล่่กับบ้านผมแล้วตั๊วครับ

    เขื่องในกะเคยไปอยู่ครับอ้ายพี พาชาวบ้านไปเบิ่งงาน
    บ่อฮู้ว่าอ้ายอยู่ตำบลหยัง
    แก้ไขครั้งสุดท้ายโดย ทิดจ่อย; 05-07-2010 at 15:29.