กำลังแสดงผล 1 ถึง 4 จากทั้งหมด 4

หัวข้อ: เสียงนก...เสียงนาง

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    เสียงนก...เสียงนาง

    สูรยะแสงแลงแล้ว นกกาแส่วกลับคืนถิ่น
    โบกโบยบินผาดผ่าย ผ่านไพรกว้างล่วงภู
    เสียงนกเขาชวาตู้ ขันคูคอยคู่
    เสียงจุ๊กกรู๊เกาะกิ่งไม้ เมินเข้าแค่เขา
    เอี้ยงอ่าวเอื้อยามค่ำเขาคำ จอแจเสียงหม่ายซูซมซู้
    สาลิกาแก้วจาสานเสียงซ่าน ผสานเป้าป่าไม้ดงคล้อยหล่ำคอย
    เสียงวอยๆคือสาวเอิ้น ใจเวินๆเหวิ่นวี่เวิ่น
    ฟังจนเพลินสติตั้ง จั่งหัวห่อมหื่นหอม
    ซอมซมเสียงจิ๊บจาบท้วง ตามเหล่าดอนเลา
    กดกระทาเทียวขัน กล่อมพนอมแนวไม้
    สะออนใจปักษีซ้อน ซมคอนซ้อนคู่
    ออระอินอิ่นอ้อย ออยซู้ซ่างซม
    ละลิ่วลมบินผาดผ่าย เกี้ยวก่ายเล่นลมบน
    สาละวนทวยหางเหิน หม่ายคอนคอยซู้
    บ้างเข้าคู่ออแอเว้า ซมขวัญขันอ่อน
    พอปานนอนแนบน้อง ในหอห้องส่วงกะใจ...แท้แหล่ว

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ฟังแต่เสียงสารฮ้อง
    สาลิกาเกาะก่วย
    โปฏกเอี้ยงจ้วย
    บินเจ้ยจาบฟัง
    กดกะฮ้องกะทาเว้า
    เล่าสู่กันเรื่องอ้ายบ่าว
    ว่ามีสาวต่างบ้าน
    กุณาน้อยจอบชม
    สังสิจ๋าน้อกาน้อย
    ว่าบ่าวชายมีซู้ใหม่
    ยุนำนางบอกว่าฮักล้นใจ
    สังสิมาหาญเว้า
    แท้น้อเจ้าหมู่ปักษา
    สกุณาเผิ่นบอกอั้น
    ใจนางจนฮ้อนหวี่
    คันอ้ายมีแท้ๆ
    ขาดกันแน่..บ่าวพี่ชาย
    ..............(แจมนำแหน่เด้อจร้าอ้ายบ่าว)

  3. #3
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    662
    สู้ๆเด้อจ้าสาวหญ้านาง สาวมุกอยากเว่าอยู่แต่เว่าบ่เป็น แต่สาวมุกเชียร์สาวหญ้านางเต็มที่เลยเรื่องตอบผญา ตามอ่านของสาวหญ้านางมาหลายบทแล้ว...สาวหญ้านางเก่งแท้เนาะจ้า สาวมุกอยากเว่าเป็นเด้......

  4. #4
    ศึกษาหาความรู้
    วันที่สมัคร
    May 2010
    กระทู้
    23
    c06:

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •