หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

หัวข้อ: ย้อนรอย ตักน้ำส่าง

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    บ้านมหาโพสต์ ย้อนรอย ตักน้ำส่าง

    "หล่า ๆ ตื่น ๆ ลุกไปตักน้ำส่างเถาะแหมะ มันสิบ่ทันเพิ่น" เสียงอีแมเอิ้นข่อยไปตักน้ำส่าง (น้ำบ่อ) เพราะว่าไปถ่าตอนหัวค่ำกะได้มาบ่พอแอ่งดิน คนไปถ่าหลายโพด กะเลยจอบไปตอนข่อนสิแจ้ง (รุ่งสาง) ตอนเดือนหงายค้าง ยังบ่มีไผตื่น น้ำเกือบเต็มส่าง เทียวหาบเอามาจนเต็มโอ่ง หมานำเห่าเป็นแถว

    วิถีชีวิตของคนแต่ก่อนเพิ่นฉลาดเนาะ ยามแล้งบ่มีน้ำเพิ่นกะขุดน้ำส่างเอาไว้กินไว้ใช้ แต่ก่อนระบบน้ำบาดาลกะบ่มี พุแส่พุสาวพุบ่าวพุแพรว (หนุ่ม ๆ สาว ๆ) กะสิพากันไปนั่งเฝ้าน้ำส่าง ตาน้ำกะไหลออกมาเอื่อย ๆ ๆ ซัวสิเต็มคุ เพิ่นกะเว่ากันไปจีบกันไปได้แต่งงานกันหลายคน

    รสชาติน้ำส่างกะแล้วแต่ดิน ถ้าดินเปรี้ยวกะสิเป็นสีส่ม ๆ ขุ่น ๆ ถ้ามีแร่ธาตุกะสิเป็นเหมือนน้ำมันลอยอยู่ในน้ำ สิเป็นไขมันเหลี่ยมยาบ ๆ อยู่ มีอยู่ปีหนึ่งพวกทางการเพิ่นพากันไปสำรวจนึกว่าหม่องใกล้ ๆ นั่นสิมีบ่น้ำมันพะนะ เผื่อประเทศไทยสิมีบ่อน้ำมัน สิได้รวย

    น้ำส่างหม่องใด๋แซบ กะสิพากันไปตักไปหาบเอา ได้คุถังใส่ไม้คานแล้วกะหย่างไปหาบ เซาเมือยนำทางเอา หาเก็บหมากหว่า (ลูกหว้า) หมากลงไซ (รวงไซ) เอามาทุบกินข้างในมัน กลับบ้านเดือนที่แล้ว ต้นบักหว่า กับต้นหมากลงไซ กะยังคือเก่าและต้นซำเก่า บ่น่าเชื่อเลย

    บางหม่องเจ้าของเพิ่นเฮ็ดฝาปิดไว้เอาไว้ถ่าขาย หาบละสองบาท ทั้งกินทั้งอาบเบิ๊ดปีกะบ่เบิ๊ด สงสัยเพิ่นพ้อตาน้ำใหญ่ เอาวงแหวนปูนซีเมนต์มาลงปิดฝาใส่กุญแจเรียบร้อย ถ้าขี่ค่านไปหาบไกลกะไปซื้อเพิ่นนั่นล่ะ

    น้ำส่างเอามาใส่แอ่งดินเย็น ๆ สมัยก่อนบ่มีตู้เย็นคือสมัยนี้เนาะ ยามฮ้อน ๆ ไปเฮ็ดงานมาเหมื่อย ๆ เอาขันตักกินมีแฮงกะด้อกะเดี้ย

    ย้อนรอย ตักน้ำส่าง

    (ขอบคุณเจ้าภาพ โอ๊ะ..เจ้าของภาพครับ)


    คนอีสานบ้านเฮาจั่งพากันเป็นหนิ่ว (นิ่ว) หลาย เพราะน้ำใต้ดินสิมีลักษณะเป็นหินปูน สังเกตน้ำบาดาล ใช้ไปโดน ๆ หินปูนกัดก๊อกน้ำเสียเบิ๊ดแข็งปานหิน หนิ่วกะคือกัน ผ่าออกว่าแมนก้อนหิน บางคนกองเอ้เล่ปานขี่หินแฮ จับเบิ่งกะก้อนหินดี ๆ นี่เอง จั๊กไปอยู่ได้จั่งใด๋ ก้อนฮาวหน่วยไข่กะมีลางคนกะดาย

    เด็กน้อยซูมื่อนี้บ่ฮู้จักน้ำส่างดอก อันถ้าน้ำบาดาลสิฮู้อยู่ เพราะบางหมู่บ้านบ่มีน้ำประปา เพิ่นกะใช้ระบบประปาบาดาล ขุดน้ำบาดาลไปพักในถังสูง แล้วปล่อยไปนำท่อ เข้าสู่ครัวเรือน เป็นตางึดเนาะ ใช้เบิ๊ดปีเบิ๊ดซาติกะบ่เบิ๊ดจักเทือน้ำใต้ดิน จักว่ามาจากไสแน

    ย้อนรอย ตักน้ำส่าง

    (ขอบคุณเจ้าของภาพ.....ก้อนนิ่ว)
    แก้ไขครั้งสุดท้ายโดย พล พระยาแล; 03-07-2010 at 17:40.

  2. #2
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    1,788
    ..ตอนเป็นเด็กน้อยกะเคยไปตักนำเพินยุ..

    น้ำส่างกะเป็นอีกหม่องนึงที่หนุ่มสาวไปจีบกัน.ถ่าตักน้ำดนหลาย คนถ่ากะหลาย หาหลบมุมคุยกัน บางเทื่อไปยามคืนมื่อเดือนหงาย ..ม่วนๆคับ..

  3. #3
    หละวังกะครุตกส่างเด้ออ้ายพล คาแต่คุยสาวยุปากส่างแส่งหนะ :l-
    :heart: คันเจ้าได้ขึ่ช้างกั้งห่มเป็นพระยา อย่าสุลืมชาวนาผู่ขี่ค.ว.ยคอนกล้า :heart:

  4. #4
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,135
    เคยไปตักน้ำส่างยุแต่เฮ็ดบ่เป็นนำเพิ่นดอก พี่สาวหลายคนเพิ่นบ่ให้เฮ็ด .... มีตะไปเบิ่งเพิ่นจีบบ่าวยุน้ำส่างพุ้นนะ ผุบ่าวหลายขนาด....

  5. #5
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ตักน้ำส่าง บ่เคยคับแต่ได้ยินผู้เฒ่าเผิ่นเว้าให้ฟังอยู่คับ ทางหมู่บ้านจ่าเหลืองกะมี ส่างอบ เข้าใจว่าเอิ้นชื่อตามเจ้าของที่นา แก่ชื่อ พ่อใหญ่อบ

  6. #6
    แบ่งปันความรู้และประสบการณ์
    วันที่สมัคร
    Mar 2009
    กระทู้
    261
    แต่ก่อนข้างบ้านผมกะมีน้ำส่างคือกันครับใช้กินใช้อาบตั้งแต่จำความได้ ฮอดยามหนาวตักน้ำส่างมาอาบ
    อุ่นดีบ่ต้องเสียเวลาต้มน้ำอาบจนมาประมาณช่วงปี2544น้ำเริ่มแห้งบ่มีน้ำใช้แถมมีหมาตกลงไปตายหนอน
    เจาะอีกต่างหากกะเลยได้ถมแต่กะยังดีมีน้ำบาดาลได้ใช้ตลอดมาจนซุกมื่อนี้ น้ำประปากะเพิ่งมีใช้ช่วง
    ปี44-45

  7. #7
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    729
    บล็อก
    14
    เคยไปคองน้ำคือกันค่ะ แต่เอารถไปยู้เอา บ่ได้หาบ (แบบว่าพัฒนาแล้ว อิอิ...)
    ไผ๋ไปก่อนกะเอารถน้ำจอดตามคิวเรียงกันยาวเป็นรถไฟ
    ได้ปั้นข้าวจี่ บ่ายน้ำอ้อยไปนำ ฮองท้องถ่าน้ำ..

  8. #8
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,008
    บล็อก
    7
    อุ๊ป้าด....ความเก่าความหลังคักแท้อ้าย...หลายคนกะบ่สมหวังได๋...กลายเป็น น้ำตาไหลใส่.ส่างแซง.(บ่อน้ำที่ขุดไว้ใส่ไม้ล้อมกันดิน) บ่ซั่นกะ...มนต์รักส่างฮ้าง..พุ้นแล่ว

  9. #9
    ศึกษาหาความรู้ สัญลักษณ์ของ mewcoppy
    วันที่สมัคร
    Apr 2010
    กระทู้
    315
    เกิดทันอยู่เด้อครับน้ำส่าง สมัยนั่นต้องเข็นรถ2-3กิโลครับจั่งฮอด เว่าแล่วอยากย้อนอดีตครับ เพราะโลกสมัยนี่มันเปลี่ยนไปหลาย

  10. #10
    แบ่งปันความรู้และประสบการณ์ สัญลักษณ์ของ ชิงช้าชาลี
    วันที่สมัคร
    Jun 2009
    กระทู้
    644
    บล็อก
    1
    น้ำส่างทางมหาชนะชัย ยโสธร เลิ่ก (ลึก) แฮงเด้อ ใช้ปลอกน้ำส่าง 28 ปลอก เวลาตักน้ำ ต้องใส่กระป่อม เชือกก็ต้องยาวๆ เวลาสาวน้ำขึ้นจากส่าง เจ็บมือจนเป็นน้ำใสๆ ดนๆไปก็ด้าน อยากอายผู้บ่าวก็อยากอาย ผู้สาวหยังคือมือด้านแท้

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •